ئۈندىداردىكى چاكىنىلىق

ئەنسارى.

	ئەسسالامۇ ئەلەيكۇم مۇنبەرداشلار،سىلەرگە ئاللاھنىڭ سالىمى بولسۇن.               راستىنلا بەك تەرەققىي  قىلىۋاتامدۇق ياكى دەۋىرنىڭ ئېھتىياجى شۇ بولۇپ قالدىمۇ بۇنى  بىلمىدىم،ھازىر كىشىلىرىمىزنىڭ قوللىرىدا ھەرخىل ئىلغار يانفۇنلار،ئىلغارلىققا خاس ئىقتىدارىمۇ سەرخىل.ئۇزۇندىن بىرى ئادەتتىكىدەك يانفۇن ئىشلىتىۋاتقان مەنمۇ ئۆتكەن يىلى ئونىنچى ئايدا ئەقلىي ئىقتىدارلىق يانفۇن سېتىۋالغانمۇ بولدۇم.سەۋەبى بولسا دوسلۇرۇم دائىم ئۈندىدارىڭ بارمۇ،نۇمۇرىنى دېگىنە قىتىۋالاي دەپ ئادەمنى قىيناپ قوياتتى،يوق دېسەم قاچانغىچە يوق دەپ ئولتۇرىسەن ،مىدىرلاپ باقساڭ بار بولىتتى دەپ كېتەتتى بەزىدە،ئۆزۈمنىڭمۇ مۇشۇنداق ئىلغار ئىقتىداردىن ھوزۇرلانغىم كىلىپ قالدى،ھەممەيلەننىڭ قولىدا خىشتەك خىشتەك يانفۇنلا تۇرسا.شۇڭا مەنمۇ بىر ئالايچۇ دەپ ئىلىۋەتتىم.ئەلۋەتتە بۇنىڭلىق بىلەن ئۈندىدارمۇ بار بولدى.مانا شۇنىڭدىن ئالاھەزەل يەتتە ئاي ۋاقىت ئۆتۈپتۇ،بۇ ئۈندىدار دېگەن نەرسىنىڭ ياخشى تەرەپلىرىنىمۇ بىلگەن بولدۇم،لىكىن بەزى مۇشۇنداق ئۈندىدار ئىشلىتىۋاتقانلارنىڭ بىر قىسىم ئىش ھەرىكەتلىرى تازا كۆزۈمگە سىغمىدى،بۇيەردە مەن ئېيتقان ھەرىكەت  ئۈندىدار ئارقىلىق روياپقا چىققان ھەرىكەتلەردۇر.      ھەممىمىزنىڭ نەزىرىدە ھەرقانداق ئىش لايىقىدا بولسا ئەڭ ياخشى،شۇڭا بىزدە «ھالۋىنى جىق يىسەڭ ئەمەن تېتىيدۇ»دەيدىغان گەپ بار.لىكىن ئەمەلىيەتتە بەزى ئىشلار لايىقىدا بولماي قالدى،يەنى ئۈندىداردا.     شۇنداق كىشلىرىمىز باركەن،ئۈندىدارنى ئويناشقا شۇنچىلىك ئىشتىياقى بار،ئۈندىدار چەمبىرىكىمۇ شۇلارنىڭ.ئەتىگەندە تۇرسا بىشى ئاغرىپ تۇرىدىكەن ،بۇنى دەرھال ئۈندىدار چەمبىرىكىگە چىقىرىدىكەن،بۈگۈن 11گىچە ئۇخلاپ قاپتۇ،چىقىرىدىكەن.دەرىسكە كىچىكىپ قاپتۇ،ھازىر پالانى يەدە كېتىۋىتىپتۇ،ئاخشام بولسا ئۇخلىيالماپتۇ......مۇشۇلارنىڭ ھەممىسىنى چىقىرىدىكەن،خۇددى نەق مەيداندىن ئۇلاپ تارقىتىۋتقان خەۋەردەك.ئەسلى نېمە چىقىرىدۇ،قانچىلىك چىقىرىدۇ،بۇ شەخسىينىڭ ئىشى ئىدى،ئۆزۈمنىڭ ئىشىنى بىلىپ قارىماي ئۆتۈپ كەتسەممۇ بولاتتى،لىكىن بولدى قىلغىم كەلمىدى.ئۈندىدارنىڭ شۇنداق ئىقتىدارى باركەن،شۇنىڭدىن پايدىنىلى،يوللايلى،لىكىن سەل لايىقىدىراق يوللىساق نېمە بولا؟ھەممە قىلغان ئەتكەننى ئۈندىدار چەمبىرىكىگە تۆكۈپ نېمىگە ئىرىشمەكچى؟ياكى مېنى كۆرەلمىگەنلەر مېنىڭ ئىش-ھەرىكىتىمنى ۋاقتىدا بىلىپ تۇرسۇن دىمەكچىمۇ؟سىزگە كۆڭۈل بۆلىدىغان كىشىلەر بۇ يەر بولمىسىمۇ سىزگە ئوخشاشلا كۆڭۈل بۆلۈپ،ئوخشاشلا ئەھۋالىڭىزنى بىلەلەيتتىغۇ.بۇنداق توختىماي يوللاشلار داۋاملاشقانسىرى كىشىگە ئەكىس تەسىر بىرىشتىن ساقلانغىلى بولمايدۇ ئەلۋەتتە.ئۇنداق ئۇششاق گەپلەرنى يوللاۋەمەي باشقا بىرنەسىلەرنى يوللىساقمۇ بولاتتىغۇ،ئەھمىيەتلىك سۆز ئىبارىلەرنى،ياخشى بولغان شېئىر ماقالىلەرنى ھەمبەھىرلىسەك بولىدىغۇ.شۇڭا بولسا لايىقىدىراق بولسا،ھالۋىنىڭ تەمى ئەمەننىڭ تەمىدەك بولۇپ قالمىسا.             يەنە شۇنداق كىشىلىرىمىز باركەن،رەسىم چىقىرىشقا شۇنچىلىك ئامراق،بۇ ئەمدى قىزلاردا جىقراق كۆرۈلىدۇ.بۈگۈن ھاۋا ئوچۇقكەن بىر پارچە،ئوخشىغان راڭپىزا يەپسىز بىر پارچە،بىريەرلەگە ئوينىغىلى چىقىپسىز بىر نەچچە پارچە،كەيپىياتىڭىز ياخشىكەن يەنە بىر پارچە.....مۇشۇنداق قىلىپ ئۈندىدار چەمبىرىكى بەزىلەرنىڭ رەسىم كۆرگەزمىخانىسىغا ئايلىنىپ قالدى.بۈگۈن راڭپىزا يىگىلى بارسىڭىز تېخى ئېغىز تەگمەي تۇرۇپ بىر پارچە رەسىمگە تارتىدىكەنسىز،يەپ بولغىلى ئاز قالغاندا يەنە بىر پارچە تارتىدىكەنسىز،تاماق ھەزىم بولماستا بۈگۈن مەن ناھايتى ئوخشىغان راڭپىزا يېدىم دەپ ئۈندىدار چەمبىرىكىگە يوللايدىكەنسىز،مۇشۇنداق قىلىپ مانتا پولۇ،كاۋاپلارغىچە ھەممىسى ئۆزىنى ئۈندىدار بوشلۇغىدا كۆرىدىكەن.يەنە بەزىلەر ئۇخلاپ قاپتىمەن دەپ ئۇخلاۋاتقان كۆرۈنۈشىنى،قولۇم ئاغرىۋاتىدۇ دەپ قولىنىڭ كۆرۈنۈشىنى رەسىملەرگە تارتىپ يوللاپ كىتىدىكەن.بىر دوستۇم باتتى باشقا يەردە ئوقۇيدىغان،دىققەت قىلسام يامان تولا رەسىم يوللايدۇ،باش سۈرىتىنىمۇ كۈندە دىگۈدەك ئالماشتۇرۇپ تۇرىدۇ،بىر كۈنى قارىسام تېخى سىنىپتا ئۇخلاپ قاپتىكەنمەن ،قولۇم بىسىلىپ قىلىپ قىزىرىپ كىتىپتۇ دەپ ،قىزىرىپ قالغان كۆرۈنۈشنى رەسىمگە تارتىپ يوللاپ قويۇپتۇ.پەقەت توغرا تاپمىدىم بۇنداق قىلىقنى،شۇڭا ئۇنىڭغا خەت يازدىم:«قىز بالا بولغاندىكىن ئۆزىڭىزنىڭ رەسىملىرىنى  بۇنداق يەرلەگە يوللىماڭ،قىز بالىنىڭ ئۆزىنى باشقىلارغا كۆرسۈتۈپ يۈرۈشى ياخشى ئىش ئەمەس،يەنە ھىلىقىدەك تايىنى يوق ھالەتلەرنىمۇ ئاز يوللاڭ،بولسا باش سۈرئىتىڭىزگە ئۆزىڭىزنىڭ رەسىمىنى قويماڭ،تەسىرى ياخشى بولمايدۇ»دېگىنىمنى بىلىمەن،ئۇ قىزنىڭ قايتۇرغىنى بولسا:«ھە،مەن دېگەن شۇنداق قىز،ئۇنداق ياخشى ئەمەسمەن،شۇڭا سىز دېگەندەك قىلالمايمەن،چىدىمىسىڭىز مېنى قارا تىزىملىككە تارتىۋىتىڭ،تارتقان قوللىرىڭىزغا دەرت كەلمىسۇن»بۇنى كۆرۈپ  ئاچچىقىم كەلدى،لىكىن يۇيىۋەتمىدىم،زادى قانداق قىلىدۇ كۆرۈپ باقاي دېدىم .ئارىلىقتىمۇ خىلى ۋاقىت ئۆتتى،شۇنىڭدىن كىيىن ئۇ قىزنىڭ رەسىم يوللىغىنىنى كۆرمىدىم.           مانا مۇشۇنداق ئىشلار،رەسىم يوللاش بىر خىل مودا بولۇپ قالغاندەك،تاماق يېيىشنى  بىسمىللىدىن باشلىماي ،رەسىمگە تارتىشتىن باشلايدىغان،ئۈندىدار چەمبىرىكىگە يوللاش مەقسەت قىلىنىپ تارتىلغان رەسىملەر دېگەندەك.شۇڭا بولسا ئانداق ئۆزىمىزنىڭ ھۆرمىتىنى ئۆزىمىز چۈشۈرمىسەككەن،ئانداق بىمەنە رەسىملەرنى يوللىمىساق،قىزلارمۇ بولسا توختاپ قالساڭلار،كۆرۈۋاتقانلىرىمىز،قاخشاۋاتقانلىرىمىز يېتەر.يەنە دەيدىغىنىم لايىقىدىراق بولسا.    يەنە شۇنداق كىشىلىرىمىز باركەن،تۈگىمەس ئويۇنلارغا مەھلىيا بولۇۋاتقان.قانداق ئويۇن دېگەندە،بۈگۈنى ئا،ب،س،د......قاتارلىق ھەرىپلەردىن بىرنى تاللايدىكەنسىز،تاللىغان ھەرىپىڭىزگە ئاساسەن تەلەپ ئورۇندايدىكەنسىز،يەنە بىر كۈنى سان تاللايدىكەنسىز،تاللىغانغا ئاساسەن شەرتنى ئەمەلىيلەشتۈرىدىكەنسىز،مۇشۇنداق ئايىغى چىقماس ھەرخىل ئويۇنلار.مەنمۇ بۇنداق ئويۇنلار يېڭى چىققاندا ئويناپ باققان،تۆت بەش قىتىم ئوينىغان،كىيىن ئويلىسام بەك مەنىسىز ئىشلاركەن بۇ،توختاپ قالدىم،لىكىن ئويناۋاتقانلار ئويناۋەردى.بۈگۈن ئوغۇل دوست بولىۋاتقان،ئەتىسى قىز دوست بولۇۋاتقان،بۈگۈنى توي قىلىپ ئەتىسى ئاجرىشىۋاتقان،بۈگۈنى مەن چىرايلىق دېسە ئەتىسى مەن كىلىشكەن دەۋاتقان،ئوغۇللار باش سۈرىتىنى قىزلارنىڭكىگە،قىزلار ئوغۇللارنىڭكىگە ئالماشتۇرىۋاتقان......بۇنداق ئويۇنلارنىڭ ئاخىرىغا نېمە دەپ يىزىلىدۇ دېسە دوستۇم بولسىڭىز ئورۇنداڭ،نامەردلىك قىلماي تەلەپ بويىچە قىلىشىڭىز كېرەك دېگەندەك سۆزلەر،شۇنىڭ بىلەن مەدرلىك دوسلۇق يۈزىسىدىن بۇ ئويۇننى ھازىرغىچە راۋاجلاندۇرۇپ كېلىۋاتقانلار ئاز ئەمەس.ئۇنداقتا سوراپ باقسام سىزنىڭ دوسلىقىڭىز ئۈندىداردىكى شۇ بىر قىتىملىق ئويۇندىمۇ؟ئەگەر ئويۇنغا رىئايە قىلمىسام مەن سىزنىڭ دوستىڭىز ئەمەسمۇ؟ئىلگىركىلە مەردلىكنى جەڭگاھتا،مەيداندا سىنىغان بولسا،بىز ئەمدى ئۈندىداردا سىنامدۇق؟شۇڭا بولسا كاللىمىزنى سىلكىۋىتىپ ئازراق ئويلىنىپ باقساق،مۇشۇنداق چاكىنا ئويۇنلارنى ئويناپ بىز نېمىگە ئىرىشتۇق؟شۇڭا دەيدىغىنىم قىلغانلىرىمىز لايىقىدىراق بولسا.            بىزنىڭ قورسىقىمىز توق،غېمىمىز يوق شۇڭا مۇشۇنداق بىمەنە ئىشلارنى قىلىۋاتامدۇق؟بىكارچىلىقتىن رەسىم يوللاپ،ھالەت يوللاپ،ئويۇن ئويناپ كۆڭۈللەرنى خۇش قىلىپ ئۆتىۋاتامدۇق؟ياق،بىزنىڭ غېمىمىز جىق،نىنىمىز پۇچۇق تېخى،بىز ئويلىنىشقا تېگىشلىك،قىلىشقا تېگىشلىك ئىشلار ناھايتىمۇ جىق،بىزنىڭ دىيارىمىزدا جەمىئەت تەرەققىي قىلىۋاتىدۇيۇ ،كىشىلەرگە قارىساق ئىقتىسادنىڭ ئاشقىنىنى بىلەلمەيسىز،قوش تىللىق مائارىپ دەپ ئۇيغۇرتىلىمىز مۇڭسىراپ قىلىۋاتىدۇ كۈلەلمەيسىز،بىر نانغا زار بولۇپ يۈرىۋاتقانلار ناھايتىمۇ جىقتۇر،بۇنى كۆرسىڭىز ئويۇن ئويناپ يۈرەلمەيسىز.شۇڭا قېرىندىشم ،ئۈندىدار ئالاقە قۇرالىڭىز بولسۇن،لىكىن سىزنىڭ ئامبىرىڭىز بولمىسۇن،ئەمەلىيەتكە قاراڭ،تۇرمۇشقا قاراڭ،چوڭلارغا قاراڭ،كىچىكلەرگە قاراڭ،سىزنىڭ ھاياتىڭىز ئۈندىدار چەمبىرىكى بىلەن ئەمەس بەلكى مۇشۇ جەمىئەت ،مۇشۇ كىشىلەر بىلەندۇر.ھاياتىڭىزنىڭ مەنىسى ھەرگىزمۇ باشقىلارغا كۆز-كۆز قىلغان رەسىم ياكى سۆزلىرىڭىزدە ئەمەس.شۇڭا قېرىندىىشم قىلغانلىرىمىز لايىقىدا بولسۇن.      ئۈندىداردىمۇ يۇقارقىدەك ھەرىكەتلەرنىڭ بىرىنىمۇ قىلماي،شۇنداق ئېسىل ياشاۋاتقانلار كۈرمىڭغۇ،نىمىشقا شۇلاردەك ياشاپ باقمايمىز؟ مەنبە:ئەنسارى                                                2013.05.08

رازىمەن

	قوللايمەن

sirdax998

	ھەقىقەتەن ئەمەليەتتە بولىۋاتقان ئىشلار.

xahzada517

	ياساۋۇل يوللىغان ۋاقتى  2013-5-8 12:34 PM مۇشۇنداق  قاخشىغىچە  ئوينىمىساڭلار  بولمىدىمۇ  ئۇ  نەرس ... ئەگەشتىم``````

ئەنسارى.

	ياساۋۇل يوللىغان ۋاقتى  2013-5-8 12:34 PM مۇشۇنداق  قاخشىغىچە  ئوينىمىساڭلار  بولمىدىمۇ  ئۇ  نەرس ... يازغان تېمىنى چۈشەنگەندەك قىلىۋاتامسىز قېرىندىشم؟

forever1

	دېمەي دېسەم تېخى  ،دەي دېسەم تېخى!جەمىئىيتىمىزدە يەنە بىر تۈركۈم ئېشەكتىنمۇ بەتتەر نىمىلەر باركەن.مەنغۇ پەقەت قىزىقمايمەن مۇشۇ 微信 دېگەن بىر نىمىگە.قايسى دۇكاندا ھېساۋات قىلىپ ئولتۇرسام،بىر يېقىن بالا كىرىپ،قاراڭلا خەق دېگەن بەك ماز نېمىكەن دەپ ،تېلفۇنىسدىن 微信نى ئېچىپ ،ماڭا كۆرسەتتى. ماز دەپ كەتكۈدەك نىمىشتۇ دەپ قاراپ ساپتىمەن...تۈفى!ئېشەكنىڭ ئارقا يانجۇقىدىن بولغان نىمىلەر باركەن ،مۇشۇ ئەتراپىمدۇمۇ微信دا نىمە باركەن دېسەڭلا... بىر نەچچە "ئېشەكلەر" ئۆزىنىڭ بىر "ئېشەك"بىلەن قىلغان ئەتمىش-كەچمىشلىرىنى ئوچۇقتىن-ئوچۇق رەسىمگە تارتىپ، شۇ بىر نىمىگە يوللاپ قۇيۇپتۇ...كۆپ سۆزلىمەي بولدى...

★Esl~YaXa★

	دىسەك گەپ جىق ```` مەركىزى تېلۋىزىيە ئىستانسىنىڭ خەۋىرىدىمۇ شۇنى ئۇچۇق دىدى بولمىسا  `````ھەي  ````