شىنجاڭدىكى غەلىتىلىك(غەلىتىلىك ئەمەس)-بوران114

boran114

	مۇشۇ تىما يازغان قولۇمنى چاناپلىۋىتەي دەيمەن،لىكىن لازىم بولا دەپ ئەپقويىمەن،مىسرانىم مۇنبىرىدىكى لوقمان ھەكىم ئىسىملىك تورداش يازغان شىنجاڭدىكى غەلىتىىلىك دىگەن تىمىنى ئوقۇپ ھەيران قالدىم،ئاۋال تىمىنىڭ دەبدەبىۋى ئىسمى،بەكلا ھەيۋەت،شىنجاڭدا ئاسماندىن تاش ياققاندەك،تاشقى پىلانىت ئادىمى چۈشكەندەك،ئاشۇ رەسىمدىكى كىشلەرنىڭ مىسكىن چىرايىغا قاراپ ئىچىم سىيىرىلدى،مەن سوپى-ئىشانمۇ ئەمەس،باخشى ياكى دەرۋىشمۇ ئەمەس،مەن ئاللاھنىڭ قۇلى،ئادەم ئەلەيھىسالامنىڭ ئەۋلادى،فەيغەمبەر ئەلەيھىسالامنىڭ ئۈممىتى،مىللىتىم -ئۇيغۇر،دىنىم ئىسلام،يۇرتۇم -يەكەن ناھىسى چارىباغ يىزسى11-كەنتىدىن،يىشىم36 مەدەنيەت سەۋىيەم تولۇقسىز،ئىسمىم-توختى.تۇراپ،كەسپىم -دىھقان،چ چ 859613254 ئەمدىىكى مەقسەت،ئاشۇ تيىمنى يازغان تورداشتىن بىر قانچە سۇئالنى سورىغىم بار، -سىز شۇ رەسىملەرنى ئۆزىڭىز تارتقانمۇ؟ -سىزمۇ تاۋاپچىمۇ؟ -نىمىشقا بارغان؟ -سىز شۇ تاۋاپچىلاردىن نىمە مەقسەتتە كەلگەنلكىنى سوراپ باقتىڭىزمۇ؟ -چۈشەندۈرۈپ شەرھىلەپ باقتىڭىزمۇ؟ ئاللاھتىن باشقىنى ئۇلۇغلاشقا،مەسىچىتى ھەرەمدىن باشقىنى تاۋاپ قىلىشقا،قىبلىمىزنى ئۆزگەرتىشكە بولمايدىغانلقىمىزنى ھەممىمىز بىلىمىز،قارىغۇلارچە ئىنكاس يازغان كاپكاپ ئىنكاسچىلار بىراۋنى ئاسى مۇناپىققا بىراۋنى كاپىرغا چىقىرىپسىز،سىزنىڭ ئىنكاستا تىللىغىنىڭز ،غەيۋىتىنى قىلغنىڭىز كىم؟بۇنىڭ گۇناھىنى كىم تارتىدۇ؟ئۇلارنى نادان ئەخمەققە چىقىرىپسىز،ھەجەپ سىز ئۇششا بولغاندىكىن شۇ يەردە ئىككى ئىغىز سۆزلەپ قويماپسىزغۇ؟تاۋاپچىلار ھەممە يەردە بار،ئافاق خوجا زامانىسىدا كىڭەيگەن بولسا ھازىر يوقاپ نەسلى قۇرۇشقا باشلىدى، مۇنداق بر ئىشنى دەپبىرەي،مەنمۇ بىر ئاغىنەمنىڭ زورى بىلەن شىئەلەرنىڭ مەىسىچىتىگە باردىم،ئۇلارنىڭ ناماز ئوقۇش شەكىلى ئازراق ئوخشىمايدىكەن،باشقا ئەمەللەر ئوخشاش،ئارىدا قىائەت قىلنىدى،ناھايتىمۇ مۇڭلۇق،قىرائەتچى  بالا شۇنداق مۇڭلۇق قىرائەت قىلدى،كىيىن سورىدۇم، -نىمىشقا ناماز شەكلى ئازراق ئوخشىمايدۇ؟ ئۇ چۈشەندۈردى،نۇرغۇن مەسىلە-مەرۇپ قىلدى،ئاڭلىدىم،ئاخىرىدا مۇنۇ جاۋاپنى بەردىم، --نىمە دىمەڭ مەن ماڭا دادام ئۈگەتكەن ئۇستازىم ئۈگەتكەن ئۇسۇلدا ئوقۇيمەن،ئۇنىڭ ئۈستىگە بىزنىڭ مەھەللىدىن ھەجگە بارغان (ئاللاھ ھەجىسىنى قوبۇل قىلغان بولسا)ھاجىممۇ ھەجدىن كىلىپ نامازنى بۇرۇنقىدەك ئوقۇدى،دىمەك قىبلىمىز بولغان بەيتۇللادا شۇنداق ئوقۇيدىكەن،مەنمۇ شۇنداق ئوقۇيمەن،لىكىن ھاجىم كىلىپ بەيتۇللادا مۇنداق ئوقۇيدىكەن دىمىدى،ھەممە ئىبادىتمىز ئوخشايدىكەن دىدى،شۇڭا مەنمۇ ئۆز سەنىممگە دەسسەي -خوش-دىگىنمچە كىتىپ قالدىم،كىين ئاڭلىسام ئۇلار شۇ مەزھىپىنى قانۇنلاشتۇرۇش كۈچەيتىش راۋاجلاندۇرۇش ئۈچۈن مۇناسىۋەتلىك ئورۇنلارغا ھال ئىيتىپ بارغانمىش، خوش ھۆرمەتلىك قىرىنداشلار ئاشۇ ئاپتۇرمۇ نىمىشقا شۇنچىلىك بولسىمۇ چۈشەندۈرۈپ باقمايدۇ ئاشۇ تاۋاپچىلارغا،ھىندى كىنولىرىنى كۆرۈڭ دىسە ئاھ-ۋاھ دەپ يىغلاپ كۆرۈشىدۇ،شۇ سەت ھىندىلارنىڭ دىننى مۇراسىمىنى ،ئۆرىپ ئادىتىنى ،كاھىن -لامالىرىنىڭ يۈزىنى شەمبىزە رەخىتتەك بويىغان ھىندىچە كالدىرلاپ قىلغان ئىبادەتلىرىنى كۆرسىزئۇلار سىزگە غەلىتىلىك بىلنمەيدۇ،تىىننى سىتىۋاتقان،خەنزۇلار بىلەن توي قىلىۋاتقان،ھاراق پىۋىنى ئىچىۋاتقان،تاماكىنى ئوچۇق ئاشكارا چىكىۋاتقان مىللىتى ئۇيغۇر ،ئەتلەس ئورنىغا گاچا ئىشتان كىۋىىلىپ ياتاقلاردا ئىپپىتىنى سىتىۋاتقان ئاشۇ قىزلىرىمىز،پۇل تاپسا دىبا شوپاڭلاردىن چىقالمايۋاتقان،پۇلى تۈگىسە ئوغۇرلۇق بۇلاڭچىلىق قىلىۋاتقان ،تۈرمىنى ئاۋات قىلىپ جىنايەت يولىغا ماڭغان ئەركەك سانىلىدىغان ئوغۇللىرىمىزنىڭ قىلغان ئىشى غەلىتىلىك ھىساپلانمامدا،بوپتۇ ئاشۇ تاۋاپچىلارنىڭ قىلغان ئىشىنى بىدئەت دەپ تۇرايلى،ئۇلار رىسقىنى ئاللادىن تىلمەي زاراتگاھلقتىن،قايسىبىر پىلىرىنىڭ ئەۋلادىنىڭ مازىرى بولىمىش شۇلاردىن تىلگىننى خاتا دەيلى،بۇنى ئىڭىغا سىڭىپ كەتكەن،نادانلىق خۇراپىلىقمۇ دەيلى،جاھالەتمۇ دەيلى ،ئىشقىلىپ نىمە دىسەك دەيلى،شۇ يۇرتتا بىرەر دىننى مەكتەپتە ئوقۇپ جۈمە مەسىچتتە شۇنى توسۇپ تەبلىغ قىلغۇدەك بىرمۇ مۇسۇلمان يوقمىدۇ؟-با،ئەلۋەتتە با،ياڭ زىشىننىڭ شىنجاڭنى 17 يىل تۇتۇپ تۇرىشىدا ئاساسلىق سەۋەپ دىننىي سورۇنلارنى ئىچىۋىتىىپ ئىددىيىسى ئىچىلغان ئىلغار پىكىرلىك زىيالىلارنى قەتلى قىلىپ ،شۇ چاغدىكى (ھازىر بىزنىڭ ئىغىزىمىزدا نادان ئاتالغان)ئەجداتلىرىمىزنىڭ ئىتقاددىن پايدىلانغان،دىمەك بۇ ئىتقاد ھازىرغىچە ئاشۇ تاۋاپچىلارنىڭ ئىرادىسىدىن قايتۇرالمىغان،بىزنىڭ ئىڭىمىز ئاسان ئۆزگىرىدىغان ئاڭ ئەمەس،قوبۇل قىلىشمىز بەك تىز،سەھرالىق قىز ئۆزگەرسە ئامىرىكىلىققا ئايلىنىپتۇ دىگەندەك،خوش ئاشۇ چىرايىدىن مىسكىنلىك چىقىپ تۇرغان بىچارە بىر ۋاقلقىنى تاپسا بىر ۋاقلىقى يوق كىشلەرنى بىز يەنە توردا تىللايمىز،ئۇنداق قىلماي شۇلارنىڭ ئارىسىدا ھىچ بولمىسا بىرەرىمىزنىڭ ئۇرۇق تۇققىنى باردۇ؟تەربىيە قىلىڭ،تۇتقان يولۇڭ خاتا ،سەن بىلەن ئىزدەشمەيمەن،نۇمۇس قىلىمەن دەپ تاشلىۋەتسڭىز،مۇشۇ توردا سازايى قىلسڭىز زىينى باركى پايدىسى يوق،سۇ بويىدا فىلمىدىكى پالىۋانلارنىڭ جاسارتىدىن ھاڭۋاقىسىز،سۇنۋۇكۇڭنىڭ 72 خىل ھۈنىرىگە ھەۋەس قىلىسىز،لىكىن ئارال بايدۆۋە دىگەن يەردىكى چوڭ دۆۋە توپىنى ھەزىرتى رۇستەم قەشقەردىن ئاتقان بىر كەتمەن توپىسىمىش دىسە قۇرۇق گەپ دەپ تىڭشىمايسىز،ھەزىرتى ئىلىنىڭ دۇلدۇلى ئالتە ئايلىق يولنى بىر كۈندە ماڭاتتى دىسە -ئىشڭنى قىلە-دەپ پەشنى قىقىپ كىتىپ قالىسىز،بۇرۇنقى جەڭنامە سۆزلەيىدىغان ۋائىزلارنى تاپالمايسىز،ئۇنىڭ ئورنىغا گاڭنام بىلەن رەپنى ئاڭلىسڭىز كۇپايە،بىز مۇشۇنداققۇ؟ مازارنىڭمۇ خاسىيىتى بار،بەزى مازار تۇغۇتقا،بەزىسى قۇلاق ئاغىرىقىغا،بەزىسى نىكاھقا،لىكىن  دەۋىرىدىكى  بۇزۇقچىلقىتىن مازارمۇ كۆ چىمىش ،قاغىلقتىكى زۇڭلاڭ مازارغا بىر قىتىم شۇ يەردە توي مۇناسىۋىتى بىلەن بارغان،شۇ چاغدا شۇنداق چىرايلىق ئالى مەلۇماتلىق سەككىز نەپەر ئايال ئوقۇتقۇچىنىڭ ئالدى بەن بولۇپ ئەرگە تىگەلمىسە زۇڭلاڭ مازىرىدىكى بۇلاق سۈيىدىن يەتتە چارشەنبە ئىچىسە ئالدى بەنلكتىن ئىچىلدۇ دىگەن گەپ بىلەن بىر تۇڭدىن سۇ ئالغىننى كۆرگەن،شۇلارغا قارىغاندا بۇ رەسىمدىكى تاۋاپچىلارنىڭ قىلغان ئىشىنى ئەيىپلەمۇ كەتكىلى بولمايدۇ،ئەينى چاغلاردا بوۋاققا كۆز تەگسە  يىغلاپ قىقىرسا كۆز دۇئاسى ئوقۇيتتى،بەختىنامە تۇمارى پۈتەتتى،ئۇچ قوياتتى،ياسىن ئوقۇپ سۈيىنى ئىچكۈزەتتى،پۇت-قولى سەزمەس بولسا ئۈچ ياكى يەتتە قارىم رادنامە ئوقۇيتتى،قۇلاق ئاغىرسا سۈتپاشىمغا ئەكىرەتتى،تۇغۇت قىيناسلا قايسىبىر مازاردىكى ئۈژمە دەرىخنى چۆرگىلەييتتى،ئاۋال ئاللاھنىڭ شاپائىتى بىلەن ئاسان بولاتتى،ھازىرچۇ ئۇ ئىشلاردىن ئەسەر يوق،دوخۇرلۇق سەۋىيسى ئىشىپ كەتتى،پەن-تىخنىكا شۇلارنى ئىەگىلىدى،    قۇدۇق ئىچىدە ئاينى كۆرگەن پاقىدەك جاھان مۇشۇ ئوخشايدۇ دەپ تورغا يوللىغانكى نەرسىنى راسىت دەپ پەتىلدەۋەرمەيلى،مەن بۇ يەردە بۇزغۇنچىلىق،ئتتپاقسىزلىق ياكى بۆلۈنمىچىىلك مەقسىدىم يوق،شۇڭا قارىغۇلارچە تىما يىزىشتىن سەۋەبىنى بىلمەي گۇناھقا پىتىپ قىلىشتىن،ئۆز قىرىنداشلىرىمىزنى بىھۇدە تىللاشتىن ھەزەر ئەيلىسەك دىمەكچى،دىمەكچى بولغانلىرىم جىقتى،تورداشلارنىڭ مەندىن كەتكەن يەرلىرى بولسا ئەپۇ قىلغايسىلەر،ئاللاغا ئامانەت،ئىشلىرىڭلار ئوڭۇشلۇق بولغاي،جاپاكەش بشقۇرغۇچىلار بۇ تىمامنى تەستىقلاپ قويساڭلار، مەنبە-مەن بوران114  يەكەن

boran114

	كەچۈرۈڭلار ،ئەپۇ قىلڭلار،

!UYGHURJAN

	مارالبېشىدىكى ‹‹ ئۇقۇ مازار ›› دېگەن تاغنىڭ تۈۋىنىدە ، ھەزرىتى ئەلىنىڭ دۇلدۇلىنىڭ بىر جۈپ تۇياق ئىزى باركەن . مەن شۇنداق ئاڭلىغان ، يولغا يېقىنلا جايدىكەن ، يولدىن ئۆتكۈچىمۇ كۈرنىدىكەن ،  تۇمشۇققا بارغىچە نەچچە قېتىم كۆرگەنتىم .

saltanat

	ھەقىقەتەن ھىچنىمىنى بىلمىگەن ئەھۋال ئاستىدا بۇنداق تىمىلارنىڭ يوللىنىشى ئۆزىمىزنى ئۆزىمىز غاجىلىغاندەكلا ئىش..چۇنكى ئاشۇ مازارلارنىڭ ئاشۇنداق تاۋاپ قىلىنىشىدا چۇقۇم سەۋەپ بار...ئۇنىڭمۇ تارىخى مەلۇم سەۋەپتىن ئاللاھ تائالا ئەزىز قىلغان مازار...... قايسى كىتاپتا ئىكەنلىكى ئىسىمدە يوق لېكىن ئاشۇ كىتاپنى كۆرۈ مۇنبەرداشلارنىڭ ھوزۇرىغا سۇناي.............. ئاشۇ تىمىدا كۆرسىتىلگەن رەسىملەر خوتەن شەھەر جىيا يېزىسىغا جايلاشقان ئىمامى ئاسىم مازىرى.......ئۇ يەردا بىلىشىمچە 9 كىشىنىڭ قەبرىسى بار..ھەممىسى بۇرۇن ئىسلام ئۈچۈن قىلىنغان چوڭ بىرجەڭدە شىھىت بولغانلاركەن .قايسى كىتاپتا ئىكەنلىكى ئىنىق ئىسىمدە يوق لېكىن ئاللاھنىڭ ئاشۇ جەڭدە شىھىت بولغانلارغا ئەھدە قىلىپ ئۇلارنىڭ مازارلىقىنىڭ قىيامەتكىچە ئاۋاتلاشتۇرىدىغانلىقى، ئاشۇ شىھىتلارسەۋەپلىك ھازىرقى مۇسۇلمان لارنىڭ ئاشۇ يەرگە بېرىپ ئىبادەت قىلىدىغانلىقى توغرىلىق ئوقۇغان ئىدىم.... ............قالغىنىنى كىيىنچە ئۆزۈم ھەممىنى دەلىللەپ بولاپ ئاندىن بىر تىما قىلىپ يوللاپ بىرەي.....ئەڭ ياخشىسى بىلمەيدىغانلار ئوڭ-تەتۈرسىگە جۆيلۈپ مۇنبەرنى ئەخلەت ئىنكاسلار بىلەن بۇلغاپ ئۆزىمىزگە ئىش تېپىۋالمايلى........... رەسىملىك تىما ئادرىسى:

XERHAN

	ئەسلى لوقمان ھەكىم ئۇ تىمىدا ئازراق چۈشەنچە بەرگەن بولسا بوپتىكەن . مەسىلەن ، سۈرەتتىكى ئورۇننىڭ قەيەرلىكى ، كىشىلەرنىڭ نىمە سەۋەپتىن بارغانلىقى ، ئۇ سۈرەتنى تورغا يوللاشتىكى مەقسەد مۇددىئاسى دىگەندەك ... ئۇ تىمىدىمۇ بەزى چۈشىنىكسىز ، توقۇنۇش تۈسىنى ئالغان ئىنكاسلار ئاۋۇپ قاپتۇ .

vmvdwar-uyhur

	!UYGHURJAN يوللىغان ۋاقتى  2013-4-2 02:10 PM مارالبېشىدىكى ‹‹ ئۇقۇ مازار ›› دېگەن تاغنىڭ تۈۋىنىدە ، ... شۇنداق ،بار

xamal113

	قانداقلا بولمىسۇن بۇ تاۋاپچىلارنىڭ مازارلىقنى تاۋاپ قىلىشى يۇز پىرسەنت خاتا. چۇنكى قانداقلا ئىش بولسا ئاللادىن ياردەم سورىشىمىز كېرەك.

saltanat

	xamal113 يوللىغان ۋاقتى  2013-4-1 08:46 PM قانداقلا بولمىسۇن بۇ تاۋاپچىلارنىڭ مازارلىقنى تاۋاپ ق ... 4-قەۋەت ئنكاسى كۆرەپ بېقىڭ...قالغىنىنى ئۆزۇم ھەممىنى تولۇقى بىلەن يوللاپ بىرەي..... ئىنكاسىڭىزنى تەھرىرلىۋىتىڭ...قارىسىغا ئۇنداق گەپلەرنى كىسىپ دەۋەتمەڭ.......

nazaratqi

	مانا مەن دەل ئەشۇ «شىنجاڭدىكى غەلىتە رەسىم»تارتىلغان ئورۇن خوتەن شەھىرى جىيا يېزىسىدىن!............ ............... گەرچە ئائىلەم بىلەن بۇ يەرنىڭ ئارىلىقى 15كىلومېتىر كەلسىمۇ، ۋاقتىم چىقسىلا بىر يىلدا 2-3قېتىم كىرىپ، ئاشۇ مازاردا ياتقان -دىيارىمىزغا ئىسلام دىنى ئېلىپ كىرىش يولىدا شېھىت بولغان ئىمامى ئاسىمخان قەبرىگاھىغا كىرىپ، قۇرئان ئايەتلىرىدىن خالىس دۇئا-تىلاۋەت قىلىپ قايتىپ چىقىمەن. ھەم باشقا يۇرتداشلارنىڭمۇ شۇنداق قىلىۋاتقانلىقىنى كۆرىمەن-ئاڭلايمەن....راست، ھەريىلى 3-ئايدىن 6-ئاينىڭ بېشىغىچە  ھەر پەيشەنبە كۈنى بۇيەرگە شىنجاڭنىڭ ھەرقايسى جايلىرىدىن 10-20مىڭدىن ئارتۇق ئادەم كېلىپ زىيارەت قىلىپ، قۇرئان تىلاۋەت قىلىپ،دۇئا-تەكبىر ئوقۇپ قايتىدۇ... ئەجابا شۇلارنىڭ ھەممىسى بىدئەتچىلەرمىدۇ؟ سىلەردەك ئەقىللىق ئەمەسمىدۇ؟....بۇ ئىشلارنى كۈرۈپ، ئاڭلاپ ئولتۇرۇپ قىيامەتنىڭ بىزگە كىرپىكىمىزدىنمۇ يېقىنلىشىپ قالغانلىقىنى تېخىمۇ چوڭقۇر تونۇپ يېتىۋاتىمەن. قىيامەتنىڭ ئالامەتلىرىنىڭ روشەن ئالاھىدىلىكلىرىدىن بىرى:« شاگىرت ئۇستازغا تەلىم بېرىدۇ، ئانا خوجىسىنى تۇغىدۇ»دېگەنلەرنى كۆپ ئاڭلىغانمەن.... ھازىرقى ئاتالمىش«شاگىرت»لار، 2-4پارچە كىتاپنى ئوقۇۋېلىپلا، ئەھلى-ئەجدادىنى «ئازغۇن، بىدئەتچىلەر»گە چىقىرىۋاتمامدۇ؟... ئاھ، قادىر ئاللاھ ئۆزۈڭ بار.... ئەشۇنداقلارغا ھىدايەتنى زىيادە قىلغايسەن.... .... مەن كۆپ توختالمايمەن. ھەرقانداق بىر ئىشنىڭ كېلىپ چىقىشىدا مەلۇم سەۋەبى بولغاندەك، مۇشۇنداق دىن سۆيەر قېرىنداشلارنىڭ بۇ مازارنى زىيارەت قىلىپ كېلىۋاتقىنىغا نەچچە ئەسىر بولغانلىقىغا ھىچكىم كۆز يۇمالمايدۇ ئەلۋەتتە.... مەنمۇ بىر تارىخچى، ياكى دىنىي ئالىم-ئۆلىما ئەمەس. مەدەنىيەت سەۋىيەممۇ چەكلىكلا... ............ كۆپ گەپ قىلىشنىڭ ئورنىغا  دوكتۇر راھىلە داۋۇتنىڭ«ئۇيغۇر مازارلىرى»دېگەن كىتابىدىكى «ئىمامى ئاسىم مازىرى»دېگەن تەپسىلاتنى ئوقۇپ چىقىپ ئاندىن بىلجىرلىشىڭلارنى ئۈمىد قىلىمەن. ............. ئاخىرىدا دەيدىغىنىم: ئاللاھ  خار قىلغاننى ھىچكىم ئۇلۇغلىيالمايدۇ... ئاللاھ ئۇلۇغلىغاننى ھىچكىم خار قىلالمايدۇ!.... مانا بۇ ھەقىقەت!...

nazaratqi

	xamal113 يوللىغان ۋاقتى  2013-4-2 02:46 PM قانداقلا بولمىسۇن بۇ تاۋاپچىلارنىڭ مازارلىقنى تاۋاپ ق ... بىرەرسى سىزگە مەن بۇ مازاردىن بىر نەرسە تىلەپ كەلدىم دېگەنما؟ قارىسىغا بىلجىرلىماڭ!