مۇھەممەتجان راشىدىن تاغىنىڭ تىلىكى

pahtikar

	شۇنداق قىلىپ داۋانلاردىن ھالقىپ ، مېھرى ئىللىق يۇرت غۇلجا ناھىيىسىگە قاراپ يولغا چىقتىم ، سەپەر ئۇزۇن خىياللار كۆپ ئىدى مەندە ، بۇ قېتىمقى سەپەر مېنىڭ مەتبۇئاتتا تونۇشقان ئەمما دىدارلىشىشقا نېسىپ بولمىغان قەلەمكەش دوستلار بىلەن ئۇچرىشىش پۇرسىتى بولاتتى . تۆت سائەتلىك سەپەردىن كېيىن مەن جېلىليۈز بازىرىغا ساق -سالامەت يېتىپ كەلدىم ، مېنى بۇ قېتىمقى ئەدىپلەر نورۇزىغا تەكلىپ قىلغان شائىر ئاغىنەم ئەكرەم ئابدۇمىجىت ۋە باشقا مەن كۆرگەن ۋە كۆرمىگەن شائىر ،يازغۇچى دوستلار ئالدىمغا چىقىپ قىزغىن قۇچاقلىشىپ ئەھۋال سورىدى ، مەن بۇنداق قەدىرلەشتىن ،ھۆرمەتتىن شۇنچىلىك خوشال بولدۇم. سورۇن تۈزۈلۈپ ،نورۇز ئېشى تارتىلىشقا ئاز قالغاندا سورۇندىكىلەر دۈررىدە قىلىپ ئورنىدىن تۇرۇشتى ، مەنمۇ كىم كەلگەنلىكىنى بىلەلمەي ئەدىپلەر بىلەن تەڭلا ئورنۇمدىن تۇردۇم .دەرۋازىدىن ھاسىغا تايانغان ھالدا ئاتاقلىق شائىرىمىز ، خەلقنىڭ قەلىپ تۆرىدىن يۈكسەك ئورۇن ئالغان شائىرىمىز مۇھەممەتجان راشىدىن كىرىپ كەلگەن ئىدى ، باشقىلار قانداقكىن مەن شائىرنى كۆرۈپ بەكمۇ ھاياجانلاندىم . سەۋەبى بۇ مېنىڭ شائىرنى تۇنجى قېتىم يۈزتۇرانە كۆرىشىم ئىدى .شۇنداقلا شائىرنىڭ پاختىدەك يۇمشاق قولىنى تۇتۇشۇم ئىدى ، ھەممەيلەن شائىرنى قىزغىن ھۆرمەت بىلەن تۆرگە ئالدۇق ، ئادەمنىڭ قىممىتى خەلقىگە يەتكۈزگەن ھالال ئەجرى بىلەن تېخىمۇ زور قىممەتكە ئىگە بولىدۇ شائىرىمىز ئۆزىنىڭ نەچچە ئونلىغان كىشىگە ئاجايىپ تاتلىق زوق بېرىدىغان شېئىرلىرى بىلەن تونۇلغان .ئۇنىڭ شېئىرلىرى نۇرغۇنلىغان كىشىلىرىمىزنىڭ غېرىپ كۆڭلىگە خوشاللىق بېغىشلىغان ،نۇرغۇنلىغان كىشىلىرىمىزگە توغرا يول ، ئادىمىلىك ، سەمىمىلىك ، ئىنسانىي يېقىنلىق تەربىيىسى بەرگەن ، شائىر شۇنچە شۆھرەت قازانغان بولسىمۇ يەنىلا ئۆزىنىڭ ئاددىي ساددىلىقىنى ، سەمىمىي ئاقكۆڭۈللۈكىنى ، ئادەمگە ئادەمدەك مۇئامىلە قىلىشنى يوقاتمىغان ئىدى .گەرچە ياشانغان بولسىمۇ ياشلارنىڭ قىزغىنلىقىدىن ، ناتىقلىقىدىن سۆيۈنىپ ئولتۇردى . نۆۋىتىدە يانچۇقىدىن نورۇزغا ئاتاپ يېزىپ كەلگەن شېئىرلىرىنى ئوقۇپ بەردى ، شائىرنىڭ <<ئالجىدىممىكىن تاڭ>> دىگەن شېئىرى ئوقۇلغاندا ئۇزاققىچە ئالقىش ساداسى بېسىلمىدى . شائىر بىز ياشلارغا بىرمۇ بىر سەپ سېلىپ چىقماقتا ئىدى ، ئۇنىڭ قەلبىدە بىزگە دەيدىغان نۇرغۇن سۆزلىرى باردەك قىلاتتى ، شۇنچىلىك تاتلىق ئارزۇ -ئارمانلىرى باردەك قىلاتتى ، شائىرغا سۆز نۆۋىتى كەلگەندە ئۇ ياش يازغۇچىلاردىن پىروزىغا كۆپرەك كۈچەشنى تەلەپ قىلدى . ئۆز ئىزچىللىقىنى ساقلاپ كېلىۋاتقان، ھەرقانداق ئەھۋال ئاستىدا قەلىمىنى تاشلىماي ۋاقىتنى بىھۇدە ئۆتكۈزمەي خەلقىگە ئېسىل ئەسەرلىرىنى سوۋغا قىلىپ كېلىۋاتقان ئابلەت ئابلىكىم ، شاۋكەت رۇستەم ، دىلشاد نۇرمەمەتلەرنىڭ ئىرادىسىگە جاسارىتىگە ئاپىرىن ئوقۇدى ، بىزدىن ياخشى شېئىرلاردىن نەچچە ئوننى يادلىۋېلىشىمىزنى تەلەپ قىلدى ، ئىتتىپاقلىشىشىمىزنى ، بىر بىرىمىزنى قوللىشىمىزنى ،ئادىمىلىك پەزىلەت بىلەن ياشاپ ئەدىپلىك بۇرچىمىزنى نۇرلاندۇرىشىمىزنى تەلەپ قىلدى ۋە بىر قىسىم ياخشى قەلەم تەۋرىتىۋاتقان ئەدىپلەرنىڭ تۇيۇقسىزلا بۇ ساھەدىن قول ئۈزۈپ كەتكەنلىكىدىن بەكمۇ ئېچىندى ، شائىر گەرچە 70تىن ئاشقان بولسىمۇ ھازىرغىچە ھەركۈنى ئون سائەتكە يېقىن يېزىش ، ئوقۇش ، سۆزلەشنى داۋاملاشتۇرىۋاتقانلىقىنى نۇرغۇن ھەۋەسكارلارغا يول كۆرسۈتىۋاتقانلىقىنى دەپ ئۆتكەندە بىز چوڭقۇر خىيالغا پاتتۇق. دىمىسىمۇ بىزدىكى بىر قىسىم بوشاڭلىق ، راھەتكە بېرىلىش خاھىشى كاللامدىن يالت قىلىپ ئۆتتى .شائىر جەنۇپ خەلقىنىڭ ئۆزىگە نىسبەتەن بەكمۇ ياخشى تەسىرات قالدۇرغانلىقىنى ئۇلارنىڭ ئەدىبىياتنى ھەم مەدىنىيىتىمىزنى قەدىرلەشتەك ئېسىل پەزىلىتىنى ئۈلگە قىلىشىمىزنى ئالاھىدە تەكىتلەپ ئۆتتى  ، شائىر بىزگە ھەۋەس بىلەن تىكىلمەكتە ئىدى ،ئۆزىنىڭ كەلمەسكە كەتكەن ياشلىقىنى ،كەچمىشلەرگە باي ھاياتىنى قايتا ئەسلەۋاتقاندەك تۇرۇپلا چوڭقۇر مۇڭغا چۆمەتتى . شۇ چاغدا ياش شائىر ئابلىكىم ھەسەن شائىرىمىزغا باھا بېرىپ ئۆتكەندىن كېيىن بۇ قېتىم شائىرنىڭ 50-يىللاردىن تارتىپ 2012-يىلىغىچە يېزىلغان شېئىرلىرىدىن بىر دانە قامۇس تۈزۈۋاتقانلىقىنى كىتاپقا ئەڭ ېسىل قەغەز ئىشلىتىدىغانلىقىنى ، سانى ئاز ئەمما ساز چىقىرىدىغانلىقىنى ساقلاش قىممىتى يۇقىرى بۇ كىتاپنىڭ نەشىر قىلىنىشى بىلەن شائىرغا ئۇزۇن ئۆمۈر ، سالامەتلىك تىلەيدىغانلىقىنى بىلدۈردى ، شۇنداقلا شائىرنىڭ بىزدىن كۈتكەن ئۈمىدىنى يەردە قويماي سەل سۇسلۇشۇپ قېلىۋاتقان يازغۇچىلار قوشۇنىنى جانلاندۇرۇپ چوقۇم خەلق رازى بولغۇدەك نادىر ئەسەرلەرنى روياپقا چىقىرىدىغانلىقىنى بىلدۈردى ، بارلىق ئەدىپلەرگە ۋاكالىتەن سۆزلەنگەن بۇ سۆز شائىرنى قەۋەتلا خوش قىلىۋەتتى ، ئۇ ياش ئەدىپلەرگە چوقۇم ياخشى يېزىشنى ، ياخشى ياشاشنى تەكىتلىدى ، سورۇن بەش سائەت داۋاملاشتى ، بۇ بەش سائەت جەريانىدا شائىر قىلچە زېرىكىش ھېس قىلماي بىز بىلەن تەڭ ئولتۇرۇپ بەردى ، ئىلى چاقچاقلىرىنى ، يۈرەكلەرگە راھەت بېغىشلىغۇچى ناخشا -سازلارنى ، دېكلاماتسىيەلەرنى ئاڭلاپ ئولتۇردى، دىمەك سورۇن بۇ مۆتىۋەر شائىرىمىز بىلەن تېخىمۇ چاقنىدى يۈرەكلەر يايرىدى ، يېڭى بىر باھاردىن دېرەك بەردى مەن قايىتتىم قەلبىمدە شائىرنىڭ سىماسى مەن ئۈچۈن تاغدەك يۆلەك بولماقتا ئىدى ، شائىرنىڭ قانداق بولىدىغانلىقىنى بىلدۈرمەكتە ئىدى . كۈننى قانداق ئۆتكۈزۈش ھەققىدە نەسىھەت قىلماقتا ئىدى ، ماشىنا داۋانغا ياماشتى ، ئىختىيارسىز شائىرىمىزنىڭ داۋاننىڭ ئۈستىگە چىقىپ بولغانلىقى مېنىڭ تېنىمنى شۈركەندۈرگەندەك قىلدى ، شائىر نىمە ئۈچۈن بىزگە يېنىش يېنىشلاپ قارايدۇ ؟! نىمىشقا بىزگە تويمايدۇ ئۇ شۇ چاغدا نىمىلەرنى ئويلىغاندۇ ، ھاسىسىغا تايىنىپ دەرۋازىدىن چىقىۋاتقاندىمۇ يەنە ئارقىسىغا يېنىشلاپ قارايدۇ . بۇ قاراشلاردىن بىز نىمە مەنالارنى ھېس قىلدۇق بىزمۇ ئاشۇ ھاسىغا چۈشكىدەك ۋاقىتقىچە ياشىيالامدۇق بۇ بىزگە قاراڭغۇ ، ئەمما ئاشۇ شائىرىمىزدەك خەلقىمىزگە گۈلدەستە سۇنالامدۇق ، خوشاللىق بېغىشلىيالامدۇق بۇ مۇنداقلا جاۋاپ بېرىپ قويىدىغان ئاددىي مەسىلە ئەمەس ، ماشىنا غۇيۇلداپ ماڭماقتا ،ئەگرى بۈگرى تاغ يولىدا مەن خىياللار قاينىمىدا شائىرنىڭ دىيەلمىگەن يەنە قانداق سۆزلىرى باردۇ دىگەن ئويدا كېتىۋاتىمەن .

خۇش

	مەن ئەڭ ھۆرمەتلەيدىغان شائىرلاردىن بىرسى دەل مۇشۇ مۇھەممەتقان راشىدىن،تىلىكىم شۇكى ئاللاھ نىسىپ قىلسا شۇ كىشىنىڭ بارىلىق شېئىرلىرنى ئوقۇپ چىقسام

korul

	مەنمۇ بۇ ئۇستازنىڭ شىئېرلىرىنى ئوقۇشقا ئامراق.شىئېر تىلى شۇنداق چۈشىنىشلىك ھەرقانداق ئادەم ئوقۇپ چۈشىنەلەيدۇ،زوق ئالالايدۇ...

sabak

	بۇ  ئاكىمىزنىڭ ‹ئەر دېگەن ›شېئىرى  بەك  ياخشى

gulwatan

	رەسىم يوقمۇ؟

0999uyghurkizi

	غۇلجىغا كەپتىكەنسىزدە .    مەنمۇ مۇھەممەدجان راشىدىننىڭ شېئىرلىرىنى بەك ياقتۇرىمەن ، تىلى يېنىك ، ئاددىي ،  ئەمما مەزمۇنى بەك ياخشى ،   شائىرنىڭ تېنىگە سالامەتلىك ، ئىجادىيىتىگە تېخىمۇ زور ئۇتۇقلارنى تىلەيمەن !

bazarbay

	مەن سۆيىدىغان خەلىق شائىېرى

quxtikiakku

	بۇ يازغۇچىمىزغا سالامەتلىك تىلەيمەن. سىزنىڭ كۆرۇشۋالغىنىڭىز بەختىڭىز.

دىيارىم

	خەلقپەرۋەر شائىرىمىز موھەممەتچان راشىدىننىڭ تىنىگە سالامەتلىك ، ئىجادىيەتلىرىگە ئۇتۇق تىلەيمەن .

nul

	ئەمدى قۇلڭىزنى ئىككى ئۈچ كۇن يۇماڭ ئەمسە چاخىچاق ھە