مۇھەببەت ‹ئۇيغۇرباي›

uyghurbay421

	بىسمىللا         ئەسسىلاممۇ ئەلەيكۇم مىسرانىم تورىنىڭ ئەزىز ئشتىراكچىلىرى ، كەمىنە ئۇيغۇربايدىن سىلەرگە ئوتلۇك سالام !  بۈگۈن ھۇزۇرۇڭلارغا تۇنجى تېمامنى يوللىدىم . ئەلۋەتتە خاتالىق ، نۇغساندىن يىراق ئەمەسمەن شۇ سەۋەپ سىلەرنىڭ تەنقىدىي پىكىرىڭلارنى ئايىماسلىقىڭلارنى ئۈمۈد قىلىمەن ! كىيىنىكى قېتىملىقتا تۈزىتىشكە تىرىشقايمەن !        ...............                                                                               مۇھەببەت                                  (چاچما شېئىر)          ئىلاۋە :قايسى بىر چاغلاردا ، مۇھەببەت دىگەن نەرسىنى .. خەپ دەپ  كۈندىلىك خاتىرەمنى ئېچىپ <مۇھەببەت> دەپ ماۋزۇ قۇيدۇم-دە، راسا بىر تىللاي دەپ قۇلۇمغا قەلەم ئالدىم .  كىتتىرلاپ يېزىۋاتىمەن ، بىراق ، ئىككى مىسرا يېزىپلا ھىچ بىلمىدىم  قەلەم دەسلەپكى مەقسىتىمگە خىزمەت قىلمىدى ، ئۇ ئاللىبۇرۇن يۇرىكىم بىلەن باغلىنىپ بولغان ئىدى ، ئۇ ئەمدى يۇرىكىمنىڭ سۆزىگە يورغىلىغىلى تۇردى ....                                                         مۇھەببەت ...                                                         غەلىتە نەرسە دەيمەن مۇشۇ ،                                                         گاھىدا كۈلدۈرۈپ،گاھىدا سۆيدۈرۈپ،                                                         ۋە گاھىدا كۆيدۈرۈپ .                                                         سېنى كىملەر تەرىپلىمەي ئۈتۈپ كەتتى،                                                         گەرچە ئىشقى پىراقىڭدا كۆيسىمۇ .                                                         سېنىڭ ئۈچۈن نەچچە فەرھاد ئۆلۈپ كەتتى،                                                         يېقىنلاشتى ئوتلىقىڭنى بىلسىمۇ .                                                         مەن كۆردۈم                                                         سەن بىرلىرىگە كۈچ قۇۋۋەت،                                                         ئۇلار سەندىن ئۇزۇق ئالار ،ھېچ تويماس،                                                         ئەمما يەنە بىرلىرىگە زەھەرسەن،                                                         ئۇلار سىنى ئىچىپ بولۇپ ئۆلۈپ كەتتى.                                                         ئاخىرەتكە سەپەر ئۈچۈن يۈرۈپ كەتتى.                                                         ئۆلۈپ كەتتى، دىمەك ئۇلار                                                         مىڭ تاغارلاپ ھەسرەت-ئازاپ يۈدۈپ كەتتى.                                                        يا كارامەت !                                                        بەزىلەردە سەۋدالىقنىڭ ھىدى كىلەر،                                                        ئەمما ئۇلار تۇمۇرىدا يالقۇنلۇق قان.                                                        ھەيھات،ئۇلار ۋىسال پەيتى ئېرىشمەككە                                                        ئاتاپ جاننى جەڭ قىلىپتۇ،                                                        دۈشمەنلەرنى نابۇت ئەيلەپ چاك قىلىپتۇ،                                                        ئۇلار ئۈچۈن تاغنى تالقان قىلماق كۆپ ئاسان،                                                       جىن چىراقنىڭ دىۋىسىمۇ ئۇلارنىڭ قۇلى.                                                       قاراپ باقسام مۇھەببەتكەن ئۇلارنىڭ ئۇلى.                                                        بەس ،                                                        بولدى بەس !                                                        تېڭىرقىساڭ ئايرىش ئۇنى بەكمۇ تەس.                                                        بارى بىلەن يوق ئاراسىدا قېپقالساڭ،                                                        سېنىڭ ھايات داۋانىدا ئورنۇڭ بۇلار پەس.                                                        ھايات !                                                        ھايات دەپ بىل مۇھەببەتنى ،                                                        مامات !                                                        مامات دەپ بىل ھىجران دەشتىنى.                                                        مەيلى نىگار،مەيلى ئىلىم ۋە مەيلى خەلقىڭ                                                        ئاراسىدا كىمگە بەرسەڭ بەر بۇنى.                                                        قۇرۇق قالسا بەك زىياندۇر مۇھەببەت ئورنى،                                                        بىر رەت كىلىپ كىتەر ھايات  يولۇڭدا.                                                        مۇھەببەتتىن ئايرىلغان كۈنۈڭ ،                                                        ئۆز-ئۆزۈڭنى بۇغىۋالغىن ئۆز قۇلۇڭدا.

subijan

	مۇھەببەت...مۇھەببەت.....ئاھ.... شېئرىڭىز ياخشى چىقپتۇ...چىن ھېسىيات قۇشۇپ يازماق  ئۇنچىۋالا ئوڭاي ئەمەس.....

uyghurbay421

	subijan يوللىغان ۋاقتى  2013-3-17 11:26 PM مۇھەببەت...مۇھەببەت.....ئاھ.... شېئرىڭىز ياخشى چىقپتۇ...چى ... رەھمەت سىزگە ! بىراق ، قارسام كۆپچىلىك چاچما شېئىرغا ئانچە قىزىقمايدىغان ئوخشايدۇ ...مىنىڭغۇ مۇشۇ بىرلا چاچما شېئىرىم با بولمىسىغۇ ! .. رەھمەت سۈبىجان سىزگە !

uyghurbay421

	subijan يوللىغان ۋاقتى  2013-3-17 11:26 PM مۇھەببەت...مۇھەببەت.....ئاھ.... شېئرىڭىز ياخشى چىقپتۇ...چى ... ھە ئە ! مەنمۇ رېتىم مۇنبىرىنىڭ ئىخلاسمەن ئوقۇرمىنى ئىدىم،‹پەيلاسوپ› دەپ .... بىلمىدىم ئىسىڭىزدە بارمىكىن ؟

subijan

	بۇ يەردە ئۇچىرىشىپ قېلىشىمىزنى ئويلىماپتىمەن....شۇنداق خۇشال بولدۇم دۇستۇم، سىزنى قانداقمۇ ئۇنتۇپ قالاي ،سىزنىڭ تېملىڭىزنى شۇنداق ياقتۇرۇپ كۆرەتتىم . بولۇپمۇ سىز يازغان رۇبائىيلارنى بەك ياقتۇرىمەن.   تېمىللاردا پىكىرلىشىپ ، ئالاقىلىشىپ تۇرايلى...

uyghurbay421

	subijan يوللىغان ۋاقتى  2013-3-18 01:44 AM بۇ يەردە ئۇچىرىشىپ قېلىشىمىزنى ئويلىماپتىمەن....شۇنداق ... مەنمۇ سىزنى بۇ مۇنبەردە ئۇچرىتىپ سىزدىنمۇ ئارتۇقراق خوش بولدۇم ، دوستۇم ! راستىنلا ياختۇرغان بولسىڭىز ، تېىىمۇ ياخشى تېمىلاردا قەلەم تەۋرىتىشكە تىرىشقايمەن .

ap~qilam

	ساچما شېئىرغا مەن بەكمۇ قىزىقىمەن ، تەپەككۇرلار ئەركىن قانات قېقىپ  قەلەم  ئەركىن يورغىلايدىغنا شېئىردە بۇ ،   قەلىمىڭىزگە بەرىكەت تىلەيمەن

banker625

	تۇنجى قەدىمىڭىز ياخشى بوپتۇ ، تېخىمۇ ياخشى شېئىرلارنى بىز بىلەن يۈز كۈرۈشتۈرىشىڭىزنى ئۈمىت قىلىمەن .