تۇغۇتخانا

muslina216

	تۇغۇتخانا تۇغۇتخانا ئالدىدىكى كارىدۇر شۇ قەدەر سۇغۇق ، شۇقەدەر ئۇزۇن . خۇددى تارىمدەك دولقۇن ياسايدۇ ، تاغدەك قامەتلەر بولماقتا توزۇن . ئۇنۇڭدا ئاقماقتا تەشۋىش ، ئىلتىجا ، تەڭرىگە سېغىنىش ، ئۈمۈد ، ئىشەنچ ، ئاچچىق سىلكىنىش ... تۇغۇتخانا كۈن غەرىپكە قىيسايغان مەھەل ، ئېچىنىشلىق چىقرايدۇ ئانا ، تەنلەر قاراسلاپ نەپەس قىسىلغان ۋەھىمە گۈكىرەپ قىلماقتا ھەيۋە ئاتا – ئانا باغرى تىتىلغان ... كېچىنىڭ باغرىنى خۇن قىلدى تولغاق ، ھاياتلىقتىن بولسىمۇ بىشارەت . بولالمىدى ھىچ چىراي خۇش ۋاق . دوختۇر- سېستىرا بولار پات- پاراق ، -يەنە ئازراق كۈچەڭ، ئاز قالدى بالا ... ئۆلۈم چاقىرغاندەك ھالسىرار ئانا ، ئۇنىڭ كۆزلىرىدە ياش ، ئانىنىڭ باغرى قان ... پەرزەنت ئىشقى گىرەلەشكەن  ماماتلىق ئارا . ياش ئانا مىڭ ئۆلۈپ ، مىڭ قېتىم تىرلىپ  ، ئۇلۇغ ئاللا ، مۇشكۈلنى ئاسان قىلغايسىز ، دىمەكتە ھەر نەپەس تەڭرىگە سېغىنىپ ... يەر جاھان لەرزىدە تولغاق دەشتىدە ، چاقنىيالماي  يۇلتۇزمۇ ئاسمان كۆكىدە . دەۋرەپ قىيان ياسايدۇ كۆز ياش ، قەددى ئىگىلگەن ئاتا كۆزىدە ... ئاپا .... قاتتىق ئاۋازدىن ئەينەكلەر چۇل –چۇل ، تۇرالماي تاملارمۇ ئېقىشتى سۇدەك . سۇبى ئاقاردى ، شەرىق تولغاقتا ، ۋەھىمە چىقرايدۇ ، تەشۋىشتە يۈرەك . ئىڭڭە ، ئىڭڭە ، ئىڭڭە ... پادا مېلى قوشۇلغان مەھەل ، تەبەسسۇملار كەلدى يۈگىرەپ . يىشىلدى تۈگۈنچە ، يىغلىدى بوۋاق ، ھەممىنى ئۇنتۇلدۇرۇپ غەمسىز  تىپچەكلەپ ... مەنبە : ئىجادىيەت .

saba01

	ھەي ئانا ، مىڭ بىر جاپادا پەرزەنتىنى يۇرۇق دۇنياغا كۆز ئاچقۇزۇپ ، يەنە جاپادا چوڭ قىلىدۇ . پەرزەنتىنىڭ بەختىنى ، ئىنساۋىنى تىلەپ كىچىلەپ دۇئا قىلىدۇ ، لېكىن ئۆزى ھېچ نەرسىگە ئىرىشەلمەيدۇ . ياراتقۇچى ئانىلارنىڭ تىنىنى سالامەت ، ئاخرەتلىكىنى ياخشىلار قاتارىدىن قىلغاي . مۇئەللىپكىمۇ قۇد يار بولسۇن .

naznigar

	ئانىلارنىڭ تىنى سالامەت بولسۇن

AYGUZAL007

ata.ata

	ئانىلار ھەقىقەتەنمۇ ئۇلۇق ئىنساندۇر .

bodak010

	ئانىلار ئۇلۇغ، ئانىلار قەيسەر  جاپايىڭلارنى كورگىچى ئاللاھ.

banker625

	ياخشى چىقىپتۇ

babur-7

	ئانا رازى خۇدا رازى .

zokra

	ئانىلار بەك ئۇلۇغ،قىزلارمۇ ھەم ئانىدەك ئۇلۇغدۇر .

tohtihan1

	بالا تۇغۇلسىغۇ بولدى ، ھازىر نېمىدىگەن جىق بالا ئالالمايدىغان ، بالىسى چۈشۈپ كېتىدىغان ، قورساقتىكى بالا نەچچە ئاي بولغاندا قان كەپ كېتىپ ، تەۋرەپ كېتىپ دوختۇرخانىدا نەچچە ئاي ياتىدىغان ، بالدۇر تۇغۇپ قويۇپ 9 ئايلىق بولغۇچە ئەينەكتە ياتىدىغان ئىشلار ؟؟ خۇدايىم ساقلىسۇن ، ھازىر بەكلا جىقكەن بۇنداق ئىش ، ساۋاقداشلىرىم نەۋرە ھەدىلىرىم نەچچىسىنىڭ چۈشۈپتۇ ، تۇغقانلىرىنىڭ ھەممىسى تەۋرەپ كېتىپ تۇغۇلغىچە دوختۇرخانىدا يېتىپتۇ . بۇ نېمىنىڭ سەبىدۇر ؟؟؟ ئۇنىڭ ئۈستىگە %90 بالىنى قورساقنى يېرىپ ئالىدىكەن . سەۋەبى نېمىدۇ ؟؟؟ يېمەك-ئىچمەك ؟ شارائىت ؟؟ بولمىسا قېيىن ئاپا ، ئۆزىنىڭ ئاپىسى بولۇپ ئىككى تەرەپلەپ باقىدۇ ...