مۇنبەر تەرجىمانلار گۇرۇپپىسى قۇرۇش توغرىسىدا

ئەسسالامۇ ئەلەيكۇم مىسرانىم مۇنبىرىنىڭ  ئەزىز ئېشتىراكچىلىرى

مىسرانىم تورى نامىدىن ھەممىڭلارنىڭ يىڭى يىلىڭلارنىڭ خۇشاللىق ئىچىدە ئۆتۈشىگە ، يىڭى يىلدا يىڭىچە نەتىجە-ئۇتۇقلارغا ئىگە بولۇشۇڭلارنى ھەمدە يىڭى يىل مۇناسىۋىتى بىلەن مۇنبەرنى يىڭىچە تۈسكە كىرگۈزۈش،مۇنبەرنىڭ جەلىپكارلىقىنى ئاشۇرۇش،يىڭىچە مەزمۇنلارنىڭ جەمگاھى قىلىپ قۇرۇپ چىقىش ئۈچۈن تىرىشىشىڭلارنى ئۈمىد قىلىمىز.
بىكەت باشلىقى ۋە باشقا بىر نەچچە باشقۇرغۇچىلىرىمىز بىلەن مەسلىھەتلىشىش ئارقىلىق مىسرانىم مۇنبىرىنىڭ مەزمۇن رەڭدارلىقىنى، جەلىپكارلىقىنى تىخىمۇ ئاشۇرۇش ئۈچۈن مۇنبەردە <<مۇنبەر تەرجىمانلىرى>> ئەزالار توپىنى قۇرۇپ چىقىشنى قارار قىلدۇق.

تەرجىمانلار گۇرۇپپىسى قۇرۇشتىكى مەخسەت

مۇنبەرنىڭ مەزمۇن رەڭدارلىقىنى ، جەلىپكارلىقىنى ئاشۇرۇش،ئۇيغۇر توربەتچىلىكىدە كەم بولىۋاتقان مەزمۇنلارنى ۋاقتىدا تولۇقلاپ،تورداشلارنىڭ مەنىۋىيتىنى بېيىتىپ كەڭ ھەۋەسكار تەرجىمانلىرىمىزنىڭ قابىلېيتىنى نامايەن قىلىشقا پۇرسەت يارىتىپ بىرىشتىن ئىبارەت.
تەرجىمانلار گۇرۇپپىسىغا قاتناشقان ھەۋەسكار تەرجىمانلىرىمىز مۇنبەردە مەخسۇس <<مۇنبەر تەرجىمانلىرى>> ئەزالىق دەرىجىسى ۋە مىدالى بىلەن تارتۇقلىنىدۇ.گۇرۇپپىغا قاتناشقانلار ئۆز ئالدىغا مەخسۇس تېما تەرجىمە قىلىپ يوللىسىمۇ ياكى گۇرۇپپا ئەزالىرى بىلەن بىرلىكتە پائالىيەتكە قاتناشسىمۇ بولىدۇ.چوڭ ھەجىملىك ئەسەرلەرنى تەرجىمە قىلىپ يوللاش ئىشلىرىدا چوقۇم بارلىق گۇرۇپپا ئەزالىرى بىرلىكتە ئىش كۆرۈپ ئەسەرنىڭ ۋاقتىدا  سۈپەتلىك پۈتۈپ چىقىشى ئۈچۈن ئۆزنىڭ ۋەزىپىسى ئالىدا مەسئۇل بولىدۇ.تەرجىمانلار گۇرۇپپىسىغا قاتناشقان ئەزالارنى ھەر ئۈچ ئايدا بىر باھالاپ نەتىجىسى ياخشى بولغان تورداشلارنى ماددىي بويۇم بىلەن مۇكاپاتلاش ۋە مۇنبەردە ئىش ئىزلىرى تەشۋىق قىلىنىدۇ.

تەرجىمانلار گۇرۇپپىسىنىڭ تىل چەكلىمىسى بولمايدۇ.قايسى تىلدا ئارتۇقچىلىقىڭىز بولسا ئۆزىڭىزنىڭ رولىنى جارى قىلدۇرسىڭىز بولىدۇ. دائىرىلىك ئەسەر تەرجىمە قىلىش پائالېيتى ئۇيۇشتۇرۇلمىغان ئەھۋال ئاستىدا ھەرقايسى تورداشلار ۋاقىت چىقىرىپ ئۆز ئالدىغا ئەسەر يوللاپ تۇرسا بولىدۇ.بۇ گۇرۇپپىقغا قاتنىشىنى خالايدىغان تورداشلارنىڭ بىكەت باشلىقى ، ئۇيغۇرۇم 007 ۋە مەن بىلەن ئالاقىلىشىشى سورايمىز.

گۇرۇپپىغا قاتناشماقچى بولغان تورداشلار ئاۋال ئۆزىنى مەلۇم ساھەدىكى تېمىدىن بىرنى تەرجىمە قىلىپ يوللاپ مۇنبەرگە يوللىغاندىن كېيىن ماڭا ئۇچۇر قىلسا بولىدۇ.قولىدىن ئىش چىقىدىغان تىرىشچان تورداشلارنىڭ سىپىمىزگە قوشۇلۇپ مۇنبەرنىڭ تەرەققىياتى ئۈچۈن كۈچ قوشۇشىنى ئۈمىد قىلىمىز.ئىشىنىڭكى قىلغان ئەمگىكىڭىزنىڭ نەتىجىسىنى كۆرسىڭىز كۆرىسىزكى پۇشايمان قىلمايسىز.