توقسۇن توي بېيىتلىرى

zokra

	مەن ھەممىدىن مۇشۇ   بىيت ئېيتىشىدىغان يىرىگە ئامراق ،، بەك قىزىيدۇ،،،،

nikita01

	بىيىت ئېيتسا بەك قىزىيدۇ ، بىر چاغدا يۇرتتا مۇنداق ئېيتىشقان ، شەھەرنىڭ ياخشىسى گۇاڭجۇ ، مىۋىنىڭ ياخشىسى شاڭجو ، ئىككى قۇدا توي قىلىپتۇ بىر بىرىگە باڭجۇ ... مەن بەك كۈلىۋەتكەن !

azizlardin

	ئىسىل جايدىن قىز ئەكەلدۇق كېلىن قىلسىلا ماختاپ-ماختاپ گەپ قىلىپ ئىشلىرىغا سالسىلا بۇنى بىر دوستۇمنىڭ تويىغا قاتناشقاندا، قىزنىڭ قولدىشى قىزنىڭ قېينىئانىسىغا دىگەن، يۈزىنى ئاچىدىغان چاغدا.

cayyara

	ئىنشا ئاللاھ بىزمۇ يېقىندا توقسۇندىن كېلىن يۆتكىمەكچى   نەۋرە ئاكامغا توقسۇنلۇق قىز يېقىپ قاپتۇ ، قىزمۇ بۈگۈرگە كېلىن بۇلۇشنى خالاپتۇ ،ئاللاھ نىسىپ قىلسا  يېڭى يىلدا توي ئوينىغۇدەكمىز

zumrettash

	مۇشۇنداق كىشىلىرىمىز ئۈزۈلمىسە

aybanum

	داۋامى مەسلىھەت چايدا ئېيتىلىدىغان بېيىت : بالاڭنى مەيلىگە قويساڭ ئوچاقنى بۇزۇر ، توي ئىشىنى دوست – دۈشمەنگە دەۋەرسەڭ تويۇڭنى بۇزۇر ، مىھمانلار ئېيتىدۇ : ھارغاندا ئېشەك مەپىدىن ياخشى ، قورساق ئاچقاندا قوناق نان مانتىدىن ياخشى ، مۇشۇ كۈنلەر ،پەسىللەر ،توي قىلىشقا ھەجەبمۇ ياخشى . بوغچا ئاچقۇ ، بوغچا ئاچقۇ ، مىھمانلارغا كۆڭۈل ئاچقۇ . نىكاھ چۈشتى بىر جۈپ ياشقا، كۆز تەگمىسۇن قەلەم قاشقا . قىز تەرەپ ئېيتىدۇ : يازدا مىھمانغا بارسام ، چاڭلىرى يېتىشمىدى . قىشتا مىھمانغا بارسام ، كاڭلىرى يېتىشمىدى . قىزىمىزنىڭ چىرايلىقلىقىدا ، كۆيگەنلەرگە يېتىشمىدى. ئوغۇل تەرەپ ئېيتىدۇ : ئەتىياز كىرىشى بىلەن يەۋەردۇق، بىدە بىلەن سۈزىنى . مۇشۇنداق كاتتا توينى مۇبارەكلەپ ، ئېيتىۋەردۇق بېيىتنى . بوغداي پىشقاندا ئورغاق سالىمىز ، چاچلار چۇۋۇلسا ، تاغاق سالىمىز . مۇشۇنداق چىرايلىق قىزلارنى بەرسە ، يەنە 10- 15 نى ئالۇرمىز . تۈندە ئايدەك قىزىمىز ، كۈندە كۈندەك قىزىمىز . خۇدا بىزگە نىسىپ قىلغان، تولۇن ئايدەك قىزىمىز . ساندۇق ئاچقاندا ئوغۇل تەرەپ ئېيتىدۇ : ئالتۇن ئەكەلدۇق سىزگە ، گۆھەر ئەكەلدۇق سىزگە . قىزىل گۈلدەك قىز بەردى دەپ، كېسەك ئالتۇن ، شايى – دۇردۇنلارنى ، پەتنۇستا ئەكەلدۇق سىزگە . رەڭمۇ رەڭ كىيىم سالدۇق، كېلىن قىزنىڭ تويىغا . دوسلىرى كەيدۈرۈپ باقسۇن، قاملىشىدۇ ، تال چىۋىقتەك بويىغا . قىز تەرەپ ساندۇق ئاچقاندا ئېيتىدۇ : قىرچىن تالنى كەسلەپ قويغان ، قۇرۇغاندا قالاي دەپ. ئاش ،چايلاردا جىدەل قىلمىدۇق، بۇ سوۋغاتلارنى  توي كۈنى ، شايى دوردۇن ، كېسەك ئالتۇن بىلەن ئالاي دەپ. ئالما گۈلىدەك قىز بۇ ، خىنە گۈلىدەك قىز بۇ . شۇنچە خالايىق كېلىپمۇ ، ئالالمىغان قىز بۇ . ئادەمدە بار ئالەمدە يوق ، كۆڭۈلدە بار ، بازاردا يوق ، بىزنىڭ قىزدەك چىرايلىق، ئۆيدىلا بار ،دۇنيادا يوق . باغنىڭ ئىشىكى چاخسا ، يېپىلسا ئېچىلمايدۇ. بىزنىڭ قىزدەك ئايتۆرۈك ، شىنجاڭدىن تېپىلمايدۇ . يازدا سايرىغان بۇلبۇللار، قىشتا سايرىماس بولدى . قىزىمىزنى ئالالمىغانلار ، بىزگە قارىماس بولدى . ئوغۇل تەرەپ ئېيتىدۇ : يۈزلىرى ئايدەك قىز ئىكەن، سۆزلىرى بالدەك قىز ئىكەن . قاشلىرى قەلەمدەك قىز ئىكەن . بويلىرى تالدەك قىز ئىكەن . بارنىڭ غېمى مىڭ ئىكەن ، يوقنىڭ غېمى بىر ئىكەن . نىكاھ چۈشكەن بۇ قىزىم ، باغدا ئېچىلغان گۈل ئىكەن . مىھمانلار ئېيتىدۇ : ئوقۇمىغانلار سايدىكى تاش ئىكەن، ئوقۇغانلار تەخسىدىكى ئاش ئىكەن . ھەجەپمۇ قاملىشىپتۇ ، ئىككىلا قۇدا ياش ئىكەن . ئاسمان بىلەن زىمىننى ، جۈپ ياراتتىڭ ئاللاھ سەن، ئادەم بىلەن ھاۋانى ، جۈپ ياراتتىڭ ئاللاھ سەن. قۇياش بىلەن تولۇن ئاينى ، جۈپ ياراتتىڭ ئاللاھ سەن . بىر جۈپلەرگە مىھمانلارنى گۇۋاھ قىلىپ ، جۈپلىۋاتتىڭ ئاللاھ سەن . ئوغۇل تەرەپ ئېيتىدۇ : قاشلىرى قارا ئىكەن ئوسما قويغاندىمۇ؟ كۆزلىرى شەھلا ئىكەن ،سۈرمە سۈرگەندىمۇ ؟ يۈزلىرى نۇرلۇق ئىكەن 15 كۈنلۈك ئايدىمۇ ؟ نىمانداق چىرايلىق بۇ قىزىم ، باغدا ئېچىلغان گۈلدىمۇ؟ مىھمانلار ئېيتىدۇ : ئوسما ئاشىقى قاش ئىكەن، تاغاق ئاشىقى چاچ ئىكەن . مەرىكىمىزگە كەلگەن مىھمانلار ، بىر – بىرىدىن ياش ئىكەن . ئاي بىلەن كۈن دوست ئىكەن ، چولپانغا ھەمراھ يوق ئىكەن ، مۇشۇنداق كاتتا مەرىكىلەردە ، ئەجداتلىرىمىز يوق ئىكەن . قىزغا ئېيتىلىدۇ : قاپقارادۇر قاشلىرىڭىز، يەلپۈنەدۇ ساچلىرىڭىز. سىزگە نىمە بولدى بۈگۈن ، تۆكۈلەدۇ ياشلىرىڭىز . يېڭى كىيىم كىيگەنلەرنى باينىڭ بالىسى دەيدۇ ، كونا كىيىم كىيگەنلەرنى  كانتۇ ئوغرى دەيدۇ . بۇ بىر جۈپلەرنى كۆرگەنلەر ئەمدى ، پەرھات بىلەن شىرىن دەيدۇ . مىھمانلار : ئاسماندىكى يېڭى ئاي ، ئون بەش كۈندە بىر تولار ، ئېيتىپ كەتتۇق بېيىتلەرنى، توختاپ قالساقمۇ بولار . قىز تەرەپ: دۇنيا كۆزى بەيتۇللا، قىبلى نامى بەيتۇللا، قىزىمىزغا تىكىۋاتتۇق ، 9 يوتقان ، 9 كۆرپىنى ، ئىچى – تېشى تەيتۇللا. ئوغۇل تەرەپ ؛ ئون بەش كۈنلۈك ئايمۇ سىز، سەھەر چىققان كۈنمۇ سىز . كېچە كۈندۈز تىلىۋىدۇق ، خۇدا بەرگەن قىزمۇ سىز . قىزلار لەغمەن سوزىدۇ ، رەندە سالغان تاختىدا . ئىككى قۇدا توي قىلىۋالدى ، ئەجەپ ئوبدان ۋاقتىدا . قىز تەرەپ (قىزنى ئۇزاتقان چاغدا ئېيتىدۇ ) قىزىمىزنىڭ ئايدەك يۈزىنى ، ئېچىپ قويسىلا ، ئىپار پۇراقلىق تەنلىرىنى ، پۇراپ قويسىلا، ھۆر پەرىدەك دوستلىرى بىللە بارىدۇ ، ئاي پەرىلەر كەلدى دەپ ، كۈتۈپ قويسىلا. ئوغۇل تەرەپ : قىزىمىزنىڭ ئايدەك يۈزىنى ، ئېچىپ قويىمەن، ئىپار پۇراقلىق تەنلىرىنى ، پۇراپ قويىمەن، ھۆر پەرىدەك دوستلىرى بىللە بارسا ، ئاي پەرىلەر كەلدى دەپ ، كۈتۈپ قويىمەن. ئۆلۈكلەر دۇئاغا تويمايدىكەن ، تىرىكلەر دۇنياغا تويمايدىكەن . مىھرىبان ئاتا- ئانىلار ، ئوغۇل – قىزلىرىغا تويمايدىكەن. قىزنىڭ يۈزىنى ئاچقاندا يىگىت ئانىسى ئېيتىدۇ: قىزىمنىڭ يۈزىنى ئاچسام ، ئىپار پۇرىقى كەلدى . پىشانىسىگە سۆيۈپ قويسام ، ئەتىر پۇراقى كەلدى . 40 ماشىنىدا كۆچۈرۈپ كەلسەم ، گۈلدەك دوسلىرى بىللە كەلدى . ئاتنىڭ بالىسى تاي ئىكەن ، كۈننىڭ بالىسى ئاي ئىكەن . بىزگە نىسىپ بولغان قىزىمىز ، 15 كۈنلۈك ئاي ئىكەن . مىھمانلار ، قۇدىلارغا ئېيتىدۇ : بىزنىڭ گوڭشى ئىلانلىق ، ھەممە يېرى چىلانلىق . تويلىشىۋالغان قۇدىلار ، نىمانداقلا پىلانلىق . يىگىت ئانىسى ئەينەك تۇتۇپ ئېيتىدۇ : ئەينەك دىگەن جىڭ ئىكەن ، كىملا قارىسا ئۆزىكەن . ئەينەكتىكى بۇ قىزىم ، ئون بەش كۈنلۈك ئاي ئىكەن .

zsxug6

	一起交流！对这个话题感兴趣的朋友们 浙江投影机,浙江投影机维修http://www.hzycty.com