Ample Guitar چۈشۈرۈش ۋە قاچىلاش

music8

ئەسسالامۇ ئەلەيكۇم مۇنبەردىكى بارلىق دوستلار ياخشىمۇسىلەر؟
بىر نەچچە ئاينىڭ ئالدىدا بۇ ئاۋاز مەنبەسىنى ئۇچرىتىپ قېلىپ ئىنتايىن ياقتۇرۇپ قالدىم، دۆلىتىمىز ئىشلىگەن دىتال بولغاچقىمۇ يېشىۋېتىلگەن نەشىرىنى تېپىش بەك قىيىن بولدى، سەۋەب قىلساڭ سېۋەتتە سۇ توختايدۇ دېگەندەك ئاخىرى بۇنىڭ يېشىۋېتىلگەن يېڭى نەشىرىنى تاپتىم،چۈشۈرۈپ بىر نەچچە ئاي ئىشلىتىش جەريانىدا ھەقىقەتەنمۇ چەتئەلنىڭ ئىشلەپ چىقارغان دىتاللىرىغا قارىغاندا، ئاۋاز تۈسىنىڭ ئەينەنلىكى، ئىشلىتىش ئۇسۇلىنىڭ قولايلىقلىقى، كۆرۈنمە يۈزىنىڭ چىرايلىقلىقى مېنى قايىل قىلدى،شۇنداقلا ئۆزۈمگە بەكلا ياراپ قالغانلىقى ئۈچۈن، ماكانداشلارنىڭمۇ بۇنى چۈشۈرۈپ ئىشلىتىپ، مۇزىكىلارنى تېخىمۇ تىرىك، ئەينەن ئىشلىسە، ئازراق بولسىمۇ ياردىمىم تەگسە دېگەن نىيەت بىلەن مۇنبەرگە يوللاشنى لايىق كۆردۈم، بۇنىڭ ئەينەنلىكى ھەرقانچە ياخشى بولسىمۇ يەنىلا ھەقىقىي تىرىك چالغانغا يەتمەيدۇ،ئەلۋەتتە كۆرۈنمە يۈزىدىكى تەڭشەك ۋە رەھبەر دىتالدىكى ھەر خىل كونتىروللىغۇچلاردىن پايدىلىنىپ كۆزلىگەن مەلۇم ئۈنۈملەرگە ئېرىشىش مۇمكىن.
  ھەرقانداق بىر مۇزىكا ئىشلەش دىتالى بولسۇن، ۋە ياكى قىستۇرما ئاۋاز مەنبەسى بولسۇن، بىزدىن  مۇزىكىغا نىسبەتەن سەۋىيە، كومپىيۇتېر مەشغۇلاتىغا ئازراق بولسىمۇ تېخنىكا تەلەپ قىلىدۇ، ياخشى ئاۋاز مەنبەسى تېپىشتىن، شۇ ئاۋاز مەنبەسىنى توغرا ئىشلىتىش ھەممىدىن مۇھىم، گەپ سىزنىڭ قانچىلىك بىلىمىڭىز بارلىقىدا.

  Ample Guitar بولسا Ample Sound شېركىتى ئىشلەپ چىققان ئالتە يۈرۈش گىتار ئاۋاز مەنبەسى، ۋە ئىككى يۈرۈش باس گىتار ئاۋاز مەنبەسىدىن تەركىپ تاپقان بولۇپ، يۇقىرىدا دەپ ئۆتكىنىمدەك نۇرغۇن ئەۋزەللىكلەرگە ئىگە.

1. AGG يەنى Ample Guitar Gibson Lespaul توك گىتار ئاۋاز مەنبەسى، 24bit لىك ،5039دانە ئۆرنەك ئاۋاز،5.98GB چوڭلۇقتىكى ئاۋاز مەنبەسى، ئۈنۈملىگۈچ بىلەن بىرلەشتۈرۈپ Solo چالسىڭىسز بولىدۇ،ئاۋاز تۈسىنى ئاڭلاپ بېقىڭ:

2. AGP يەنى Ample Guitar PRS Artist توك گىتار(پاس) ئاۋاز مەنبەسى 24bit لىك، 5294 دانە ئۆرنەك ئاۋاز،4.45GB چوڭلۇقتىكى ئاۋاز مەنبەسى،ئۈنۈملىگۈچ بىلەن بىرلەشتۈرۈپ پاس ئۇرسىڭىز بولىدۇ،ئاۋاز تۈسىنى ئاڭلاپ بېقىڭ:

3. AGF يەنى Ample Guitar Fender Stratocaster بۇمۇ ئوخشاشلا توك گىتار ئاۋاز مەنبەسى، 24bit لىك ،5013 دانە ئۆرنەك ئاۋاز،4.59GB چوڭلۇقتىكى ئاۋاز مەنبەسى، لېرىك مۇزىكىلارغا ئۈنۈملىگۈچ بىلەن بىرلەشتۈرۈپ Solo چالسىڭىسز بولىدۇ،ئاۋاز تۈسىنى ئاڭلاپ بېقىڭ:

4. AGM يەنى Ample Guitar Martin D-41 سىم تارا قاپاق گىتار ئاۋاز مەنبەسى، 24bit لىك ،3482 دانە ئۆرنەك ئاۋاز،5.57GB چوڭلۇقتىكى ئاۋاز مەنبەسى، سىم تارا Solo چالسىڭىسز بولىدۇ،ئاۋاز تۈسىنى ئاڭلاپ بېقىڭ:

5. AGT يەنى Ample Guitar Taylor 714 ئوخشاشلا سىم تارا قاپاق گىتار ئاۋاز مەنبەسى، 24bit لىك ،3892 دانە ئۆرنەك ئاۋاز،4.97GB چوڭلۇقتىكى ئاۋاز مەنبەسى، لىرىك مۇزىكىلارغا ئىلىپ چېلىشقا بەكرەك ماس كېلىدۇ،ئاۋاز تۈسىنى ئاڭلاپ بېقىڭ:

6. AGL يەنى Ample Guitar Alhambra Luthier نىلون تارا قاپاق گىتار، 24bit لىك،3682 دانە ئۆرنەك ئاۋاز،3.95GB چوڭلۇقتىكى ئاۋاز مەنبەسى، نىلون تارا Solo چالسىڭىسز بولىدۇ،ئاۋاز تۈسىنى ئاڭلاپ بېقىڭ:

7. ABP يەنى  Ample Bass Fender Precision ئېلىكتىرونلۇق باس گىتار ئاۋاز مەنبەسى، 24bit لىك ،2851 دانە ئۆرنەك ئاۋاز،3.59GB چوڭلۇقتىكى ئاۋاز مەنبەسى، ئاممىباپ مۇزىكىلارغا چېلىشقا بەك ماس كېلىدۇ،ئاۋاز تۈسىنى ئاڭلاپ بېقىڭ:

  يۇقارقىلارنىڭ ھەممىسى چوقۇملا مەن دېگەندەك Solo ياكى پاس بولىشى ناتايىن، ئاساسەن ھەممىسى Solo ۋە پاس ئىككى خىل ئۇسلۇبتىن تەركىب تاپقان، يەنە بىرگە ABP باس گىتار ئاۋاز مەنبەسى يۇيۇلۇپ كېتىپ قالدى، ھازىر ئەڭ يېڭى نەشىرىنى تولۇقلاۋاتىمەن، مۇشۇ تېمىغا ياكى ئىنكاس ئارقىلىق ئادرىسىنى يوللاپ قويىمەن.
  يەنە بىرى بار ئىدى، ABJ يەنى Ample Bass Fender Jazz, لېكىن بۇ بىزگە ئانچە بەك ئىشلەپ كەتمەيدىكەن،ئاساسەن Jazz , Rock مۇزىكىلىرىغا ئىشلەيدىكەن، بۇ جەھەتتە باشقا چالغۇلارمۇ ياكى، ئۈستىدىكى Bass بىزنىڭ ھاجىتىمىزدىن تامامەن چىقالايدۇ دەپ ئويلايمەن.

خوش ئۇنداق بولسا چۈشۈرۈشنى باشلايلى ، مەن تەمىنلىگەن چۈشۈرۈش بولىقىدا يۇقارقى 6 يۈرۈش مەنبە تەمىنلەنگەن، تورغا يوللىغاندا پىرىسلىماي، ھۆججەت خالتىسى بىلەنلا يوللىغاچقا، چۈشۈرگەندە 百度云管家 نى ئىشلىتىشىڭىزنى تەۋسىيە قىلىمەن.
百度云管家 نى چۈشۈرۈش

  چۈشۈرۈپ قاچىلاپ بولغاندىن كېيىن ئۆزىڭىزنىڭ ئەزالىق سالاھىيىتىدە كىرىپ ساقلىۋالغاندىن كېيىن ، ئاندىن چۈشۈرسىڭىز بولىدۇ.

  بۇنىڭ قاچىلاش جەريانى ئانچە بەكمۇ مۇرەككەپ ئەمەس، شۇنداقتىمۇ بىرەر قۇر كۆرسىتىپ ئۆتەي:
ھەممە ھۆججەت تولۇق چۈشۈپ بولغاندىن كېيىن ، مەلۇم دېسكىغا Ample Guitar  دېگەن ھۆججەت خالتىسىدىن بىرنى قۇرىمىز، مىسالەن:K:\VST PLUGINS\Ample Guitar
ئاندىن ئۇنىڭ ئىچىگە VSTI ۋە Ample Sound دېگەن ھۆججەت خالتىسى قۇرىمىز، مىسالەن:K:\VST PLUGINS\Ample Guitar\VSTI  ،   K:\VST PLUGINS\Ample Guitar\Ample Sound
چۈشۈرگەن ئالتە دانە ھۆججەت قىسقۇچنى مۇشۇ ئورۇنغا يۆتكەيمىز،يەنى ئىسمى قىسقا كەلگەن AGG AGP قاتارلىقلار،
قاچىلاشنى باشلايمىز، مەسىلەن:AGG_1_8_0_Update.exe نى قوش چېكىپ كېيىنكى قەدەم، قوشۇلىمەن، كېيىنكى قەدەم، چىققان تاللاش كۆزنىكىدىن K:\VST PLUGINS\Ample Guitar\Ample Sound نى كۆرسىتىپ بېرىمىز، كېيىنكى قەدەم، چىققان تاللاش كۆزنىكىدىن K:\VST PLUGINS\Ample Guitar\VSTI نى كۆرسىتىپ بېرىمىز، ئاندىن ئۆزىڭىزنىڭ ئىشلىتىۋاتقان سېستىما ۋە رەھبەر دىتالنى تاللاپ بولۇپ، كېيىنكى قەدەملەرنى تاماملىۋەتسىڭىزلا ئوڭۇشلۇق قاچىلىنىدۇ، ئاساسەن ھەممىسى ئوخشاش ئۇسۇلدا قاچىلىنىدۇ،بىرنى ئوڭۇشلۇق قاچىلىغاندىن كېيىن قالغانلىرى ئۆزلىكىدىن قاچىلاش ئورنىنى تونۇپ بولىدۇ، تولۇق قاچىلاپ بولغاندىن كېيىن ئاچقۇچ بىلەن تىزىملىتىپ ئىشلىتىشنى باشلاپ كەتسىڭىز بولىدۇ.
  قاچىلاش ۋە ئىشلىتىش جەريانىدا يولۇققان مەسىلىلەر بولسا ئىنكاس قىلىڭلار، بىرلىكتە ھەل قىلىمىز، ئاخىرىدا ھەممىڭلارنىڭ تېنىڭلارنىڭ سالامەت،خىزمىتىڭلارنىڭ ئۇتۇقلۇق بولىشىنى تىلەيمەن..........................

شۈنلېيدىن چۈشۈرۈش ئادىرىسى:

سەيياھ ئەگەر بۇ تېمىدىكى يوشۇرۇن مەزمۇننى كۆرمەكچى بولسىڭىز، ئىنكاس يېزىڭ

سەيياھ ئەگەر بۇ تېمىدىكى يوشۇرۇن مەزمۇننى كۆرمەكچى بولسىڭىز، ئىنكاس يېزىڭ

makan

ئەجرىڭىزگە رەھمەت،ياخشى ئاۋاز تۈسىكەن

burkut

ئەجىرىڭىزگە كۆپ تەشەكۈر  ياخشى تېمىدىين بىرنى يولاپسىز پايدىلانغىدەك ئاۋاز تۈسىمۇ ياخشىدەك قىلىدۇ

英雄本色

ياخشى يوللاپسىز

英雄本色

رەخمەت جاپا تارتىپسىز

ark-xir

چۈشۈرۈش ئادىرىسىدا ھېچنىمە يوققۇ ؟

Bahsome

ئاۋازى بەك ياخشىغۇ ! بىر چۈشۈرۈپ سىناپ باقساق بولغۇدەك ...

Bahsome

ئاۋازى بەك ياخشىغۇ ! بىر چۈشۈرۈپ سىناپ باقساق بولغۇدەك ...

music8

ark-xir يوللىغان ۋاقتى  2015-3-30 12:36
چۈشۈرۈش ئادىرىسىدا ھېچنىمە يوققۇ ؟

ئىشلەتكىنىڭىز قايسى تور كۆرگۈچ؟ ھېچنىمە يوقمۇ ياكى قۇرۇق ھۆججەت خالتىسى كۆرۈندىمۇ؟ IE تور كۆرگۈچىدە شۇنداق چىقىۋالىدىكەن، Chrome تور كۆرگۈچنى ئىشلىتىشىڭىزنى تەۋسىيە قىلىمەن...............

توغرىل

ۋاھ بەك ياخشى بولدى

ئابدۇرىشىت

تېمىڭىزغا كۆپتىن كۆپ رەھمەت!!!كۆپ ئەجىر قىپسىز!!!بارىكاللا!!!
بۇ بىر گۇرۇپپا «گېتار جەمەتى»نىڭ داڭقىنى كۆپ ئاڭلىدۇق، بەزى تاراتقۇلاردا ۋېدىئو ماتىرىياللرىنىمۇ ئانچە مۇنچە ئۇچرىتىپ قالغانتۇق. مانا بۇگۈن سىزنىڭ قولىڭىز ئارقىلىق ماكان مۇنبىرىمىزگىمۇ يېتىپ كەپتۇ. كۆپ تەشەككۈر سىزگە! نادىر تېمىلرىڭىز ئۈزۈلۈپ قالمىغاي! ھارمىغايسىز!

makan

ھەر ئىھتىمالغا قارشى مەنمۇ بەيدۇ دېسكامغا ساقلىۋالدىم
http://pan.baidu.com/s/1gdENj1p
شېفىر:

سەيياھ ئەگەر بۇ تېمىدىكى يوشۇرۇن مەزمۇننى كۆرمەكچى بولسىڭىز، ئىنكاس يېزىڭ

شىرزات705

رەھمەت سىزگە....

makan

makan يوللىغان ۋاقتى  2015-3-30 14:47
ھەر ئىھتىمالغا قارشى مەنمۇ بەيدۇ دېسكامغا ساقلىۋالدىم ...

ھەمبەھىرلىگىلى بولمامدۇ قانداق.....مەن يەرلىكتىكى دېسكامغا چۈشۈرۋاتىمەن

ark-xir

بەيدۇدىن بىر نەرسە چۈشۈرۈش تولىمۇ قولايسىز بوپ قاپتۇ ، ماكان ئەپەندىم بولسا  مۇنبەر بوشلۇقىغا ۋاقىتلىق يوللاپ تۇرسىڭىز قانداق بولا .