ۋاڭيى تورى خەۋىرى لەگلەك تورى تەرجىمىسى

فىلىپپىن ئاخبارات ۋاستىلىرىنىڭ خەۋىرىگە قارىغاندا فىلىپپىننىڭ پايتەختى مانىلادا بىر جۇڭگۇلۇق سودىگەر ياش 15-چېسلا كەچ قوراللىق ھۇجۇمغا ئۇچراپ ھاياتىدىن ئايرىلغان. 

فىلىپپىن « دۇنيا كۈندىلىك گېزىتى» نىڭ خەۋەر قىلىشىچە 3-ئاينىڭ 15-كۈنى كەچ سائەت  ئەتراپىدا جۇ فامىلىلىك جۇڭگۇلۇق سودىگەر ياش ( Frichlin Chu ) مانىلادىكى جۇڭگۇلۇقلار رايۇنى ئىچىدىكى يېنىك رېلىسلىق ماشىنا بېكىتى يېنىدا سالاھىيىتى ئېنىق بولمىغان قوراللىق كىشى تەرىپىدىن ھۇجۇمغا ئۇچرىغان، ئوق باش قىسمىغا تەگكەن. ئاخىرىدا دوختۇرخانىغا ئېلىپ بېرىلغان بولسىمۇ قۇتقۇزۇش ئۈنۈم بەرمەي ھاياتدىن ئايرىلغان. 

خەۋەردە ئېيتىلىشچە جۇ فامىلىلىك زىيانكەشلىككە ئۇچرىغۇچى بىر ئېلىكتىرونلۇق ئۈسكىنىلەر تېخنىكى بۇلۇپ شۇ يەردىكى بىر يانفۇن ۋە كومپىيۇتېر رىمۇنت قىلىدىغان كىچىك دۇكاندا ئىشلەيدىكەن. زىيانكەشلىككە ئۇچرىغاندا ئۇ يېنىك رېلىسلىق توك ماشىنىسغا ئولتۇرۇپ ئۆيىگە قايتىشقا تەييارلىق قىلىۋاتقان بۇلۇپ ماشىنا بېكىتىدە يېقىن ئارىلىقتىن قورال ھۇجۇمىغا ئۇچرىغان. نەق مەيداننى كۆرگۈچىلەرنىڭ ئېيتىشىچە جىنايەت سادىر قىلغۇچى قورال ھۇجۇمىنى ئاخىرلاشتۇرغاندىن كېيىن پىيادە قېچىپ كەتكەن.

فىلىپپىن دۆلەتلىك ئاخبارات ۋاستىلىرىنىڭ خەۋىرىدە كۆرسىتىلىشچە يېقىنقى 4 كۈن ئىچىدە فىلىپىننىڭ ھەر قايسى جايلىرىدا 4 نەپەر جۇڭگۇلۇق زىيانكەشلىككە ئۇچرىغان. 3-ئاينىڭ 12-كۈنى فىلىپپىننىڭ جەنۇبىدىكى داۋو شەھىرىدە 33 ياشلىق سەي فامىلىلىك جۇڭگۇلۇق سودىگەر ئۆزىنىڭ ماشىنىسىنىڭ ئىچىدە قورال ھۇجۇمىغا ئۇچراپ ھاياتىدىن ئايرىلغان. جىنايەت سادىر قىلغۇچىلار قورال ھۇجۇمىنى ئاخىرلاشتۇرۇپ بىر نەچچە مىنۇتتىن كېيىن جىنايەت سادىر قىلغان نەق مەيدانغا كېلىپ يەنە بىر نەچچە پاي ئوق ئاتقان. 3-ئاينىڭ 14-كۈنى 59 ياشلىق لى فامىلىلىك جۇڭگۇلۇق سودىگەر Angel Dy نىڭ جەسىتى ماشىنا ئىچىگە باسۇرۇلۇپ قۇيۇلغان بۇلۇپ ماشىنا مانىلادىكى جۇڭگۇلۇقلار رايۇنى ئەتراپىغا توختىلىپ قۇيۇلغان. زىيانكەشلىككە ئۇچرىغۇچى بايقالغاندا پۇت قولى باغلانغان بۇلۇپ يېنىدىكى مال بىساتى ئىز دېرەكسىز يوقالغان.3-ئاينىڭ 15-كۈنى جۇڭگۇلۇق مۇھاجىر ئايال لوبىڭ ياك ۋاڭ ( ئاھاڭ تەرجىمىسى ) نىڭ ئۆز ئۆيىدە جەسىتى بايقالغان. بەدىنىڭ ئاستى قىسمى يالىڭاچ بولۇپ باش قىسمى ۋە قولى يارىلانغان. ساقچى تەرەپنىڭ تەكشۈرۈش نەتىجىسىدە كۆرسىتىلىشىچە زىيانكەشلىككە ئۇچرىغۇچى ھاياتىدىن ئايرىلىش ئالدىدا باسقۇنچىلىققا ئۇچرىغان.