جۇڭگو ئاخبارات تورى ، 30-دېكابىر تېلېگراممىسى: دۇنيا سەھىيە تەشكىلاتى 29-دېكابىر ئېلان قىلغان سانلىق مەلۇماتلارغا قارىغاندا، غەربىي ئافرىقىدىكى گىۋىنىيە ، لىبىرىيە ۋە سېررالېئون ئۈچ دۆلەتتە 20 مىڭدىن ئارتۇل ئادەم ئەجەللىك ۋىرۇس ــ ئېبولا ۋىرۇسى بىلەن يۇقۇملانغان . 27-دېكابىر ئېلان قىلىنغان ئىستاتىستىكىلىق مەلۇماتلارغا قارىغاندا ، ئېبولا ۋىرۇسىنىڭ ‹‹تاجاۋۇزى›› غا ئەڭ ئېغىر ئۇچرىغان بۇ ئۈچ دۆلەتتە جەمئىي 20 مىڭ 81 ئادەم بۇ ۋىرۇس بىلەن يۇقۇملانغان ، بۇنىڭ ئىچىدىكى 9409 ئادەم سېررالېئوندا ئىكەن .

خەۋەردە دېيىلگەن سانلىق مەلۇماتلاردىن قارىغاندا ، جەمئىي 7842 ئادەم ئېبولا ۋىرۇسىدا ھاياتىدىن ئايرىلغان ، ئارىدىن 3500 گە يېقىن ئادەم لىبىرىيەدە قازا قىلغان . دۇنيا سەھىيە تەشكىلاتى 25-دېكابىر ئېلان قىلغان سانلىق مەلۇماتتا دېيىلىشىچە ، گىۋىنىيە، لىبىرىيە ۋە سېررالېئوندا جەمئىي 19 مىڭ 695 ئادەم ئېبولا ۋىرۇسى بىلەن يۇقۇملىنىپ ، ئارىدىن 7693 ئادەم بۇ ۋىرۇس بىلەن قازا قىلغان . بۇنىڭ ئىچىدە 666 نەپەر تېببىي خادىم يۇقۇملىنىپ ، 366 سى خىزمەت ئۈستىدە قۇربان بولغان .