پۇتبول تورى خەۋىرى لەگلەك تورى تەرجىمىسى

بېيجىڭ ۋاقتى 10-ئاينىڭ 23-كۈنى سەھەر سائەت 2 دىن 45 مىنۇت ئۆتكەندە ياۋروپا ئۇزغۇنلۇقىنى تالىشىش پۇتبول مۇسابىقىسىنىڭ ھەممەيلەن دىققەت قىلىۋاتقان بىر مەيدان مۇسابىقىسى لىۋىرپول كۇلۇبىنىڭ توپ مەيدانىدا خان مادرىد كۇلۇبى بىلەن ئېلىپ بېرىلدى. بېنزىمانىڭ ئىككى توپ كىرگۈزۈشى ۋە س لو نىڭ ياۋروپا ئۇزغۇنلۇقىنى تالىشىش پۇتبول مۇسابىقىسىدىكى 70-توپىنى كىرگۈزۈشى بىلەن خان مادرىد كۇلۇبى مېھمان مەيداندا 3-0 نەتىجە بىلەن لىۋىرپول كۇلۇبىنى مەغلۇپ قىلدى.

22 مىنۇت بولغاندا خان مادرىد كۇلۇبى ئۈستۈلۈككە ئېرىشتى. س لو بىلەن بېنزىما چوڭ چەكلەنگەن رايۇننىڭ ئەتراپىدا ماسلىشىپ توپنى ج لو غا قايتۇردى. ج لو توپنى س لو غا پاس بەردى. قارشى تەرەپ بېكلىرىنىڭ ئالدىغا قىسىلىپ كىرگەن س لو توپنى ۋاراتارغا كىرگۈزدى. خان مادرىد كۇلۇبى 1-0 نەتىجە بىلەن ئۈستۈنلۈكنى ئىگەللىدى. بۇ بىر توپ س لو نىڭ كەسپىي ھاياتىدا ئامپىرد توپ مەيدانىدا كىرگۈزگەن تونجى توپى ھېسابلىنىدۇ.

30 مىنۇت بولغاندا ئاربىلويا ئىسكوغا كەسمە تۈز پاس بەردى. ئىسكو توپنى سولدىن ياخشى ئورۇن ئىگەللىگەن كىروسقا پاس بەردى. كىروس توپنى ۋاراتار ئالدىغا يايسىمان تاشلىدى. بېنزىما توپنى ئۈسۈپ ۋاراتارغا كىرگۈزدى. خان مادرىد كۇلۇبى 2-0 نەتىجە بىلەن نومۇر پەرقىنى چوڭايتتى.

41 مىنۇت بولغاندا خان مادرىد كۇلۇبى بۇلۇڭ توپ پۇرسىتىگە ئېرىشتى. كىرس سولدىن بۇلۇڭ توپ باشلىدى. ۋارانى بىرىنچى نۇقتىنى ئالدى. چەكلەنگەن رايۇن ئىچى قالايمىقانلىشىپ كەتتى. بېنزىما قالايمىقانچىلىقتىن پايدىلىنىپ توپنى ۋاراتارغا كىرگۈزۈۋەتتى. خان مادرىد كۇلۇبى 3-0 نەتىجە بىلەن بۇ مەيدان مۇسابىقىنىڭ غەلبىسىنى قولغا كەلتۈردى.

بېنزىما ئىككى توپ كىرگۈزدى. س لو بىر توپ كىرگۈزدى. بۇ ئىككەيلن ئېرىشكەن نومۇر ئەڭ يۇقىرى. خان مادرىد كۇلۇبىنىڭ مۇداپىئەسىمۇ ياخشى بولدى. ئىسكو مۇ يۇقىرى نومۇرغا ئېرىشتى.

لىۋىرپول كۇلۇبىدىن ئاساسلىق ئەزا سۈپىتىدە مەيدانغا چىققان توپچىلار:

22-نومۇر مىنىيول. 2-نومۇر گىلۇن جونسون. 37 -نومۇر سىكىتار. 6-نومۇر روفلۇن. 18-نومۇر مورىنو. 8-نومۇر گېرراد. 14-نومۇر ھېندىسىن (67-مىنۇت بولغاندا ئېمىرجان ئورنىغا چىقتى.) 24-نومۇر جو ئاللېن. 31-نومۇر سىتىلىن. 10-نومۇر كۇدىنىيو (67 مىنۇت بولغاندا ماركوۋىچ ئورنىغا چىقتى.) 45-نونۇر باللوتېللى ( 46 مىنۇت بولغاندا رارانى ئورنىغا چىقتى.)

خان مادرىد كۇلۇبىدىن ئاساسلىق ئەزا سۈپىتىدە مەيدانغا چىققان توپچىلار:

1-نومۇر كاسىللاس. 17-نومۇر ئاربىلويا. 3-نومۇر پې پې. 2-نونۇر ۋارانى. 12-نومۇر مارسىلو (84 مىنۇت بولغاندا ناچو بىلەن ئالماشتى.) 19-نومۇر مودرىچ. 8-نومۇر تونى كىروس (82 مىنۇر بولغاندا ئىللارا بىلەن ئالماشتى) 23-نومۇر ئىسكو. 10-نومۇر جامىس رودرىگۇس ( ج لو) 7-نومۇر س لو (75 مىنۇت بولغاندا ھېدىرا بىلەن ئالماشتى.) 9-نومۇر بېنزىما.