چەت ئەل تاراتقۇلىرىنىڭ خەۋىرىگە قارىغاندا ، ئامېرىكا ھوللىۋودنىڭ داڭلىق كىنو چولپىنى ، كالفورنىيە ئىشتاتىنىڭ سابىق باشلىقى شىۋاسىنگېرنىڭ تاپتىن چىققانلىقى توغرىسىدىكى خەۋەر 2011-يىلى مايدا ئېلان قىلغاندىن كېيىن ، ئايالى بىلەن ئىزچىل ئايرىلىپ تۇرغان .

ئايالى شۇ يىلى ئىيۇلدا ئاجرىشىشنى تەلەپ قىلىپ ، سوتقا ئەرز سۇنغان . ئۈچ يىلغا سوزۇلغان بۇ دەۋادا ئىككى تەرەپ ئاخىرى كېلىشىم ھاسىل قىلىپ ، بۇ يىل روژدېستۋو بايرىمىدا 28 يىللىق نىكاھىغا خاتىمە بېرىشنى قارار قىلغان .

ئىگىلىنىشىچە ، شىۋاسىنگېر ئايالى بىلەن 1982-يىلى مۇھەببەتلىشىپ ، 1986-يىلى توي قىلىپ ، تۆت پەرزەنتلىك بولغان .شىۋاسىنگېر 2011-يىلى سەتچىلىكى ئاشكارلانغاندىن كېيىن ئاشنىسى ۋە ئۇنىڭدىن بولغان ئوغلىنى ئېتراپ قىلغان . ئاجراشقاندىن كېيىن شىۋاسىنگېرنىڭ ئايالى مارىيا 200 مىليون دوللارغا ئېرىشىدىكەن .