بېيجىڭ كەچلىك گېزىتى خەۋىرى ،لەگلەك تورى تەرجىمىسى .

   بېيجىڭ  كەچلىك گېزىتىنىڭ 4-ئاينىڭ 12-كۈنىدىكى سانىدا مۇنداق  بىر خەۋەر ئېلان قىلىندى . سۈنئىي ئۇسۇلدا ئوپېراتسىيە قىلىش ئارقىلىق ،ئەمدىلا بىخ سۈرگەن ھاياتلىقنى ئېلىۋېتىدىغان ھامىلە چۈرۈش جۇڭگودا ھەر يىلى 8مىليون قېتىمدىن ئاشىدۇ . بېيجىڭدىكى بىر ئاياللار كېسىلىنى داۋالاش دوختۇرخانىسىنىڭ دوختۇرى ،ئىلگىرى بى بىر قىزنىڭ ئالدى -كەينى بۇلۇپ 12 قېتىم سۈنئىي ئۇسۇلدا ھامىلە چۈشۈرۈش ئوپىراتسىيسە قىلدۇرغانلىقىنى ئېتىپ بەرگەن .

سۈنئىي ئۇسۇلدا ھامىلە چۈشۈرۈشنىڭ تەن-سالامەتلىككە بولغان زىيىنى بەكلا ئېغىر بۇلۇپ، ئەپسۇسلىنارلىقى شۇكى،دۆلىتىمىزدىكى ياشلارنىڭ ھامىلدارلىقتىن ساقلىنىش بىلىمى بەكلا كەمچىل .يېقىندا جۇڭگو ئاياللار بىرلەشمىسى ،دۆلەت پىلانلىق تۇغۇت كومىتېتىنى قاتارلىق بىرنەچچە ئورۇن بىرلىشىپ ،ئاياللار سالامەتلىكىنى ئىلگىرى سۈرۈش تۈرىنى يولغا قويدى بۇ يىلنىڭ ئاخىرىدا دۆلىتىمىز 250 دورا سېتىش دۇكىنىدا مەخسۇس سۇپا تەسىس قىلىپ ،ھامىلدارلىقتىن ساقلىنىش بىلىملىرىنى تەشۋىق قىلىدىكەن .

مۇتەخەسسىسلەرنىڭ ئېيتىشىچە ،دۆلىتىمىزدە سۈنئىي ئۇسۇلدا ھامىلە چۈشۈرۈش ئوپېراتسىيىسى قىلدۇردىغانلارنىڭ 30% توي قىلمىغانلار بۇلۇپ ،45% تېخى ئانا بولمىغان .بۇنداق قىلىش ئۇلارنىڭ كەلگۈسىدىكى ئائىلىسىگە ۋە ئۆزىنىڭ سالامەتلىكىگە زىيان ئېلىپ كېلىدۇ .سۈنئى ئۇسۇلدا ھامىلە چۈشۈرۈش ئەگەشمە كېسەللىكنى كەلتۈرۈپ چىقىرىپلا قالماستىن ،ياللۇغلىنىشنى ،ئاسانلا كېسەللىك ئاسارىتى ساقلىنىپ قېلىشنى ،تۇغماسلىقنى ۋە ماددا قان ئايلىنىشى توسقۇنلۇققا ئۇچراشنى كەلتۈرۈپ چىقىرىدۇ .

ئەمەلىيەتتە سۈنئىي ئۇسۇلدا ھامىلە چۈشۈرۈش ھامىلدارلىقتىن ساقلىنىشتا مەغلۇپ بولغاندىن كېيىن، پەقەت بولمىغاندا قوللىنىدىغان چارە بولۇپ،مەيلى قايسى خىل ئۇسسۇلدىكى ھامىلە چۈشۈرۈش ئۇسۇلى بولسۇن ئوخشاشلا ساغلاملىققا زىيىنى ناھايىتى چوڭ بولىدۇ. شۇڭا ئاياللار ئۆزىنى ئاياشنى، قەدىرلەشنى بىلىشى، سۈنئىي ئۇسۇلدا ھامىلە چۈشۈرۈشكە ئېھتىياتچانلىق بىلەن مۇئامىلە قىلىشى كېرەك. ئەگەر بالىلىق بولۇش پىلانى بولمىسا ئەڭ ياخشىسى ھامىلدارلىقتىن ساقلىنىشقا ئالاھىدە دىققەت قىلىشى،ئاغرىتماي ھامىلە چۈشۈرۈشنى ھەرگىزمۇ ئاددى ئىشقۇ دەپ قاراپ ، ئۇنى ھامىلدارلىقتىن ساقلىنىشنىڭ بىر چارىسى قىلىۋالماسلىق كېرەك. نۆۋەتتە دۆلىتىمىزنىڭ مۇناسىۋەتلىك ئورگان خادىملىرى بۇ مەسىلىنى ھەل قىلىش چارىلىرى ئۈستىدە ئىزدىنىۋاتىدۇ .

لەگلەك تورى ئۈندىدار سالونىنى قۇشىۋېلىڭ ،ئىزدەش نومۇرى :LEGLEK