يېقىندا گۈيياڭ ساقچى تەرەپ ئالاھىدە چوڭ كۈلەمدىكى قورال ياساش ، سېتىش ، ۋە قورال ياساش ئەسۋابلىرىنى ياساش قاتارلىق  قىلىمىشقا مۇناسىۋەتلىك بولغان چوڭ بىر دېلونى پاش قىلىپ ، جەمئى 15مىڭ دانە تاپانچا ، باشقۇرۇلىدىغان تېغلىق ئەسۋابتىن 12 مىڭنى قولغا چۈشۈرگەن . نۆۋەتتە دېلوغا چېتىشلىق بولغان 15 كىشى قولغا ئېلىنغان .بۇ جىنايەت شايكىسىنىڭ  قورال سېتىش دائىرىسى خۇنەن، گۇڭدۇڭ ، سىچۈئەن،گۈيجوۋ قاتارلىق 27 ئۆلكە ، رايون ، شەھەرنى ئۆز ئىچىگە ئالدىكەن.

ساقچى تەرەپ بىر قېتىمدىلا 10مىڭدىن ئارتۇق قورال-ياراغ،12مىڭدىن ئارتۇق تىغلىق ئەسۋابنى قولغا چۈشۈرگەن 

گۈيياڭ شەھەرلىك جامائەت خەۋىپسىزلىك ئىدارىسى گۇئەنشەنخۇ رايونلۇق تارماق ئىدارىسىنىڭ يىغىن زالىدا نۇرغۇن قورال- ياراغ تىزىۋىتىلگەن .سىرىتتىن قاراشقا ، بۇ قورال - ياراغلار ھەقىقى قورالدىن ھېچقانداق پەرقى يوق ، پەقەت  ئوخشىمايدىغىنى بۇ قوراللارغا ئىشىلتىلىدىغان ئوق  پولاتتىن ياسالغان شارچە ئىكەن .

ھوقۇقلۇق ئورگانلارنىڭ سىناپ بىكىتىشىچە ، بۇ خىل قوراللارنىڭ ئېتىش ئارلىقى 30مىتىردىن 50 مىتىرغىچە بۇلۇپ ، يىراق ئارلىقتىن ئاتقاندا ئادەمنى مېيىپ قىلىپ قۇيالايدىكەن ، يېقىن ئارلىقتىن ئەجەللىك جايغا ئاتقاندا ئادەم ئۆلتۈرەلەيدىكەن.

15مىڭ قورال ياراغنى قولغا چۈشۈرگەندىن باشقا ساقچى تەرەپ يەنە 12 مىڭدىن ئارتۇق ھەرخىل تىغلىق ئەسۋابلارنى قولغا چۈشۈرگەن . دېلو بىر تەرەپ قىلىش خادىمىنىڭ تۇنۇشتۇرىشىچە، بۇ مەملىكەت ئىچىدىكى بىر قېتىمدىلا قولغا چۈشۈرلگەن قورال ياراغ سانى ئەڭ كۆپ بولغان چوڭ دېلو ھېسابلىنىدىكەن .

دېلونىڭ پاش بۇلۇش ۋاقتى 4 ئايغا سۇزۇلغان بۇلۇپ ، ئەڭ دەسلەپكى يىپ ئۇچى گۇيياڭنىڭ مەلۇم كۇچىسىدىكى ئوق چىقىرىپ بۇلاڭچىلىق قىلىش ۋەقەسىدىن كەلگەن . ساقچىلار بىر نەپەر گۇماندارنى قولغا ئالغاندا ئۇنىڭ يېنىدىن سېتۋېلىپ ئەكەلگەن بىر قورال چىققان .