2010-يىلى دۇنيا لوڭقىسى مۇسابىقىسى ئاخىرلاشقاندىن كېيىن، رونالدو تۇيۇقسىزلا ئۆزىنىڭ دادا بولغانلىقىنى ئېلان قىلدى. بۈگۈنكى كۈندە، كىچىك رونالدونى ئانىسىنىڭ كىملىكى يەنىلا سىر. رونالدو ئېرىنا بىلەن ئايرىلىپ كەتكىلى بىر يىل بولدى، بۈگۈنكى كۈندە ئۇ ئىككىنچى قېتىم دادا بولۇشنى پىلانلىدى. پورتوگالىيەنىڭ Flash!Vidas تورىنىڭ خەۋەر قىلىشىچە، رونالدو ئىككىنچى بالىلىق بولۇش مۇساپىسىنى قوزغاتقان. ئۇنىڭ روجىستوۋ مەزگىلىدە مىئامىغا بېرىشىدىكى سەۋەب بولسا ئۆزى ئۈچۈن بالا تۇغۇپ بېرىدىغان ۋاكالەتچى ئانا تېپىشنى مەقسەت قىلغان.

         روجىستوۋ مەزگىلىدە، رونالدو مىئامىغا باردى ھەمدە نەق مەيداندا مىئامى ئوت كوماندىسى بىلەن دىترويىت پورشىن كوماندىسىنىڭ مۇسابىقىسىنى كۆردى. ئىگەللىنىشىچە رونالدونىڭ بۇ ھەرىكىتىنىڭ ھەقىقى مەقسىتى بولسا ۋاكالەتچى ئانا ئىزدەش ئىكەن. رونالدونىڭ ئانىسى فىلورىدادا تۇغۇت دوختۇرى بىلەن ئالاقىلەشكەن. 2010-يىلى كىچىك رونالدو فىلورىدادا تۇغۇلغان. ناۋادا رونالدونىڭ ئىككىنچى ئوغلى فىلورىدادا تۇغۇلسا، ئۇنداقتا رونالدونىڭ ئىككىلا بالىسى ئامېرىكا تەۋەلىكىگە ئىگە بولىدىكەن.

     گەرچە ۋاقتىنچە قىز دوستى يوق بولسىمۇ، ئەمما رونالدو يەنىلا دادا بولۇشنى ئۈمىد قىلىدۇ. رونالدو ئىلگىرى كۆپ قېتىم دادىغا ئايلانغاندا مەسىلىگە مۇئامىلە قىلغاندا پۈتۈنلەي ئوخشىمايدىغان نۇقتىدىن قارايدىغانلىقىنى بىلدۈرگەن. ئۇنىڭ ئۈستىگە رونالدو ئالدىنقى يىلى 8-ئايدا ئۆزىنىڭ بەش-ئالتە بالىلىق بولۇشنى ئۈمىد قىلىدىغانلىقى، ئۆزىنىڭ بالىغا ئامراقلىقىنى بىلدۈرگەن.

     رونالدو بالىنى ياخشى كۆرىدۇ، كىچىك رونالدومۇ ئاتىسىنى ياخشى كۆرىدۇ. تىۋىتىردا رونالدو بىر بۆلۈك ۋىدىئونى ھەمبەھىرلىگەن. بۇ ۋىدىئودا كىچىك رونالدو بىر يالغان سائەت سىزغان ھەمدە سائەتنى سوۋغات سۈپىتىدە دادىسى رونالدوغا سوۋغا قىلغان.