بۈگۈن سەھەردىكى بىر مەيدان گېرمانىيە A دەرىجىلىكلەر بىرلەشمە مۇسابىقىسىدە ئالدىنقى پەسىللىك ھەممە مۇسابىقىنىڭ چېمپىيۇنى بولغان بايرىن مىيۇنخېن كۇلۇبى مېھمان مەيداندا يېڭىدىن دەرىجە ئۆسكەن بىرلىن خىتا كۇلۇۈبىنى ئۇتۇپ ، بىرلەشمە مۇسابىقىسىنىڭ يەنە يەتتە ئايلانما مۇسابىقىسى ئوينالمىغان ئەھۋال ئاستىدا بىرلەشمىدىكى رەت تەرتىپى ئىككىنچى بولغان دورتمۇند كۇلۇبىدىن 25 نومۇر ئۈستۈنلۈك بىلەن مۇسابىقە پەسلى ئاخىرلاشماستىلا چېمپىيۇنلۇققا ئېرىشتى.

يەتتە ئايلانما ئالدىن چېمپىيۇنلۇققا ئېرىشىش گېرمانىيە A دەرىجىلىكلەر بىرلەشمە مۇسابىقىسىدىكى ئەڭ بۇرۇن چېمپىيۇن بۇلۇش رېكورتىنى ياراتتى. ھەمدە پەسىل ئاتلاپ بىرلەشمە مۇسابىقىدە 52 مەيدان ئۇتتۇرماسلىقتەك نەتىجىسىمۇ گېرمانىيە A دەرىجىلىكلەر بىرلەشمە مۇسابىقىسىنىڭ يېڭى رېكورتىنى ياراتتى. بايرىن مىيۇنخېن كۇلۇبىنىڭ باش مەشقاۋۇلى گۇئاردىيولا بۇ مەيدان مۇسابىقىدىن كېيىن ئۇلارنىڭ ئىپادىسىنىڭ ئالدىنقى پەسىلدىن تېخىمۇ ياخشى بولغانلىقىنى بىلدۈردى.

«مەن بىزنىڭ خىزمىتىمىزدىن ناھايىتى رازى،بۇ بايرىن كۇلۇبى ئېرىشكەن يەنە بىر مۇھىم چېمپىيۇنلۇق.بىز ناھايىتى ئۇلۇغ بولغان بىر مۇسابىقە پەسلىنى باشتىن كەچۈردۇق.ئەمدى بىزنىڭ مۇشۇلاردىن ھۇزۇرلىنىدىغان ۋاقتىمىز كەلدى. ھەرخىل لوڭقا تالىشىش مۇسابىقىسىدە پەقەت تۆت بەش مەيدان يەڭسىلا چېمپىيۇنلۇقنى قولغا كەلتۈرگىلى بولىدۇ.بىراق بىرلەشمە مۇسابىقىدە بىز چوقۇم ھەر ھەپتە، ھەر كۈنىتىرىشىپ خىزمەت قىلىشىمىز كېرەك.توپچىلارمۇ بۇلتۇرقىغا قارىغاندا تېخىمۇ تىرىشىپ مەشىق قىلىۋاتىدۇ. گېرمانىيە A دەرىجىلىكلەر بىرلەشمە مۇسابىقىسىنىڭ چېمپىيۇنلۇقى ئۇلارنىڭ ھەر كۈنى جاپا تارتىپ مەشىق قىلغانلىقىنىڭ نەتىجىسى.» دېدى گۇئاردىئولا بۇ مەيدان مۇسابىقىنىڭ غەلبىسىدىن كېيىن.

گۇئاردىئولا بايرىن مىيۇنخېن كۇلۇبىنىڭ بۇنچە تېز گېرمانىيە A دەرىجىلىكلەر بىرلەشمە مۇسابىقىسىنىڭ چېمپىيۇنلۇقىغا ئېرىشكەنلىكىدىن خۇشال بۇلۇپ مۇنداق دېدى:« مۇسابىقە پەسلىنىڭ بېشىدا مەن ھەممە ئىشىمنىڭ ئۇتۇقلۇق ئىلگىرلىشىنى ئۈمىد قىلاتتىم، بىراق ئەزەلدىن مۇنداق ئۇتۇقلۇق بولۇشىنى ئويلاپ باقماپتىكەنمەن. دەسلەپكى تۆت بەش ئاي ئىچىدە بىزدە مەسىلىلەر خېلى كۆپ ئىدى، ھەم خېلى يارىدار توپچىلارمۇ بار ئىدى، ھەمدە توپچىلارنىڭ ھالىتىمۇ دېگەندەك ياخشى ئەمەس ئىدى. بىراق توپچىلارنىڭ ئەمەلىي كۈچى ۋە خىسلىتى بىزنىڭ نۇرغۇن مۇسابىقىلەردە ئۇتۇپ چىقىشىمىزغا ئاساس بولدى. كېيىنچە بىز بارغانسېرى ياخشى بولۇپ كەتتۇق.»

بايرىن كۇلۇبىنىڭ يەنە بىر قېتىم ھەممە مۇسابىقىلەرنىڭ چېمپىيۇنلۇقىنى قولغا كەلتۈرۈش پۇرسىتى بار. ئۇلار گېرمانىيە لوڭقىسىنى تالىشىش مۇسابىقىسىدە ئاللىقاچان تۆت كۈچلۈككە كىردى.ياۋروپا ئۇزغۇنلۇقىنى تالىشىش مۇسابىقىسىدىمۇ سەككىز كۈچلۈككە كىردى. شۇڭا بۇ يىلمۇ ئۇلار ھەممە مۇسابىقىنىڭ چېمپىيۇنلۇقىنى قولغا كەلتۈرۈشىگە ئىشەنچ زور.

پۇتبول تورى خەۋىرى، لەگلەك تورى تەرجىمىسى.

لەگلەك تورى ئۈندىدار سالونىنى قوشىۋېلىڭ——ئىزدەش نامى LEGLEK