رۇسىيە سۈنئىي ھەمراھ تورى 2-دېكابىر كورېيە بىرلەشمە ئاگېنتلىقىنىڭ 1-دېكابىردىكى خەۋىرىدىن نەقىل ئېلىپ: « چاۋشيەن ئۆزىنىڭ ئەيدىز يوق دۆلەت ئىكەنلىكىنى جاكارلىدى» دېگەن.

خەۋەردە دېيىلىشىچە، چاۋشيەننىڭ ئورگان گېزىتى «دېموكراتىك چاۋشيەن» 1-دېكابىر ماقالە ئېلان قىلىپ، بۇ دۆلەتتە ئەيدىز ۋىرۇسى بىلەن يۇقۇملانغان ئادەم يوقلىقىنى، بۇنىڭ ئەڭ ياخشى داۋالاش سىستېمىسى ۋە خەلق سىياسىتىدىن بولغانلىقىنى دەلىللىگەن.

ماقالىدە:«دۆلىتىمىز ئەيدىز كېسىلىنىڭ ئالدىنى ئېلىش سەھىيە نازارەت خىزمىتىنى داۋاملىق كۈچەيتىپ، خەلق ئاممىسىنىڭ ھاياتى ۋە ساغلاملىقىنى قوغدايدۇ» دېيىلگەن.

        چاۋشيەن 1-دېكابىر پيوڭياڭ خەلق مەدەنىيەت سارىيىدا دۇنيا ئەيدىز كۈنى پائالىيىتى ئۆتكۈزگەن، چاۋشيەن سەھىيە تارماقلىرىنىڭ كادىرلىرى، دۇنيا سەھىيە تەشكىلاتىنىڭ چاۋشيەندە تۇرۇشلۇق ۋەكىلى، ب د ت نىڭ چاۋشيەندە دائىمىي تۇرۇشلۇق ماسلاشتۇرغۇچىسى قوشۇمچە ب د ت ئېچىش-پىلانلاش مەھكىمىسىنىڭ چاۋشيەندە دائىمىي تۇرۇشلۇق ۋەكىلى قاتارلىق خەلقئارا تەشكىلاتلار ۋەكىللىرى، شۇنداقلا چەت ئەللەرنىڭ چاۋشيەندە تۇرۇشلۇق ئەلچىلىرى پائالىيەتكە قاتناشقان.