تېڭشۇن تورى خەۋىرى : لەگلەك تورى تەرجىمىسى

بېيجىڭ ۋاقتى 3-ئاينىڭ 9-كۈنى 2013-2014 پەسىللىك CBA پەسىلدىن كېيىنكى مۇسابىقىسىنىڭ يېرىم ھەل قىلغۇچ مۇسابىقىسى ئۈچىنچى مەيدان مۇسابىقىدە، شىنجاڭ ئۇچار يولۋاس كوماندىسى 100 گە قارشى 108 نومۇر بىلەن گۇاڭدۇڭ دوڭگۈەن كوماندىسىنى مەغلۇپ قىلدى، ھەمدە ئومۇمىي نومۇر3-0 بولۇپ، ئۈچ يىلدىن كېيىن يەنە ھەل قىلغۇچ مۇسابىقىگە قەدەم باستى. شىنجاڭ كوماندىسىنىڭ ھەل قىلغۇچ مۇسابىقىدىكى رەقىبى بولسا بېيجىڭ كوماندىسى بىلەن گۇاڭدۇڭ كوماندىسىنىڭ غەلبە قىلغان بىر تەرەپ بولىدۇ.

بۇ مەيدان مۇسابىقىدە، ئىككى تەرەپنىڭ ئۈچ نومۇرلۇق توپ كىرگۈزۈش نىسبىتى ناھايىتى تۆۋەن، گاردىن قايتقان توپنى ئېلىۋېلىش جەھەتتەشىنجاڭ كوماندىسى 46-53 نەتىجە بىلەن ئۈستۈنلۈكنى ئىگەللىگەن. شەخسلەرنىڭ سانلىق مەلۇماتلىرى تۆۋەندىكىچە، شىنجاڭ كوماندىسىدىن تۆت نەپەر توپچى قوش خانىلىق نومۇر ئالغان.خاندېرسىن پۈتۈن مەيداندىكى ئەڭ يۇقىرى 29 نومۇر، 7 گاردىن قايتقان توپ،ئالدى، تاڭ جېڭدوڭ 27 نومۇر، 14 گاردىن قايتقان توپ ئالدى، شىڭگىردۇن 22 نومۇر ۋە 11 گاردىن قايتقان توپ ئالدى، پەخىرلىك ئوغلانىمىز شىرئەلىجان 11 نومۇر، 6 گاردىن قايتقان توپ، ھەم 4 قېتىم ياردەمچى پاس بەردى، ئۇنىڭدىن باشقا قىرانبىك 9 نومۇر ئالدى. دوڭگۈەن تەرەپتىن، بوب بۇلاڭ 27 نى ئېتىپ ئاران 6 توپ چۈشتى ۋە ئاخىردا 23 نومۇر، 5 قېتىم ياردەمچى پاس بەردى، ئۇنىڭدىن باشقا، لىمۇخاۋ 17 نومۇر، گىرىم 12 نومۇر، لوخەنشېن 11 نومۇر، جاۋجىيې 10 نومۇر، جاڭكەي 9 نومۇر ئالدى. ئىككى تەرەپنىڭ دەسلەپ مەيدانغا چىققان ئەزالىرى. شىنجاڭ: سۇۋېي، ليۇ شۇنەن، شىرئەلىجان، خاندېرسىن، ياڭجىڭمىن. دوڭگۈەن: جاڭكەي، خېجۇڭمىيەن، گۇچۈەن، لىمۇخاۋ، بۇلاڭ. (تېڭشۈن تورى خەۋىرى، لەگلەك تورى تەرجىمىسى)