ياپونىيەنىڭ باش ۋەزىرى ئابې شىنزونىڭ 29-ئاپرېل ئامېرىكا پارلامېنىتىدا قىلغان نۇتقىدا، تاجاۋۇزچىلىق تارىخى بىلەن ھەربىيلەرنى ھاجىتىدىن چىقىدىغان ئاياللار مەسىلىسىدە ئەپۇ سورىمىغانلىقىتىن، خەلقئارا جەمئىيەت بىلەن مۇتەخەسسىسلەر ئابې شىنزونىڭ سۆزىنى بەس-بەستە تەنقىد قىلدى.
ئامېرىكا سىملىق تېلېۋىزىيە ئىستانسىسى خەۋەرلەر تورى 1-ماي مۇنداق دېدى: ئابې شىنزونىڭ ياپونىيەنىڭ ئۇرۇش دەۋردىكى تارىخىي مەسىلىسىگە بولغان پوزىتسىيىسى كىشىنى ئۈمىدسىزلەندۈردى. ئۇنىڭ ياپونىيەنىڭ ئۇرۇشتىكى مەسئۇلىيتىگە بولغان پوزىتسىيەسى مۇجمەل بولۇپ، مەسئۇلىيەتتىن قەستەن ئۆزىنى قاچۇردى.
ئەنگلىيەدە چىقىدىغان پۇل مۇئامىلە گېزىتىنىڭ ئامېرىكىدا تۇرۇشلۇق باش ئوبزورچىسى روس 30-ئاپرېل ماقالىسىدا مۇنداق دەپ ھېسابلىدى: ئابې شىنزونىڭ نۇتقىدا قىلچىمۇ يېڭى مەنا يوق بولۇپ، مىلىتارىستلىق تۈسى قويۇق بولدى. ئابې شىنزو ھەربىيلەرنىڭ ھاجىتىدىن چىقىدىغان ئاياللار مەسىلىسىدە يەنىمۇ ئىلگىرىلىگەن ھالدا پوزىتسىيە بىلدۈرمىدى، شۇنداقلا ياپونىيەنىڭ ئوقۇتۇش دەرسلىكىدىكى تارىخقا تۈزىتىش كىرگۈزۈش خاھىشىنى ئوڭشاش توغرىسىدا ۋەدە بەرمىدى. بۇ مەنىدىن ئېلىپ ئېيتقاندا، بۇ نۇتۇقتىن كىشىلەر ئۈمىدسىزلەندى.
رۇسىيەنىڭ 2-دۇنيا ئۇرۇش تارىخشۇناسلىق جەمئىيىتى ئىجرائىيە كومىتېتىنىڭ ئەزاسى، ياپونىيە مەسىلىسى بويىچە مۇتەخەسسىسى كوشكىن مۇنداق دېدى: ياپونىيەنىڭ تارىخىي مەسىلىلەرگە تۇتقان پوزىتسىيىسى ئاسىيا ئەللىرىنى ئەندىشىگە سالدى. ئامېرىكا تاراتقۇلىرىمۇ دائىم ماقالە ئېلان قىلىپ، ياپونىيەنىڭ 2-دۇنيا ئۇرۇشىنىڭ نەتىجىسىنى ئېتىراپ قىلمىغانلىقىنى ۋە 2-دۇنيا ئۇرۇشى مەزگىلىدىكى جىنايىتى ئۈستىدە قايتا ئويلاشمىغانلىقىنى ئەيىبلىدى. ئەگەر، ئابې شنزو 2-دۇنيا ئۇرۇش ئاخىرلاشقانلىقىغا 70 يىل بولغان مەزگىلدە، تاجاۋۇزچىلىق تارىخىنى ئېتىراپ قىلماسلىقتەك بۇ خىل پوزىتسىيىسى توغرىسىدا سۆز قىلسا، ئۇنداقدا ياپونىيەنىڭ قوشنا دۆلەتلىرى بىلەن بولغان مۇناسىۋىتىنى ياخشىلىشى قىيىنغا توختايدۇ.