جاھان ئاگېنتلىقى 25-ئاپرېل خەۋىرى؛ لەگلەك تورى تەرجىمىسى: شىمالى سىپرۇس تۈرك جۇمھۇرىيتىدا يېڭى پرېزىدېنت سايلاش ئۈچۈن خەلقلەر ئەتە سايلام ساندۇقىغا بېرىپ بىلەت تاشلايدۇ. سايلامنىڭ ئىككىنجى باسقۇچىدا دۆلەت پرېزىدېنتى ۋە مۇستەقىل پرېزىدېنت نامزاتى دەرۋىش ئەر ئوغلى بىلەن يەنە بىر مۇستەقىل نامزات مۇستاپا ئاكىنجى رىقابەتلىشىدۇ.
شىمالى سىپرۇس تۈرك جۇمھۇرىيتىدە 19-ئاپرېلدا ئۆتكۈزۈلگەن پرېزىدېنت سايلىمى بىرىنجى باسقۇچىدا 7 نامزاتتىن ھېچبىرى لاياقەتلىك ئاۋاز 50% گە ئېرىشەلمىگەن. شۇنىڭ بىلەن ئىككىنجى باسقۇچلۇق سايلام ئۈچۈن ئەتە قايتدىن بىلەت تاشلايدۇ. سايلامغا ئىككى پارتىيەنىڭ قوللىشىغا ئېرىشكەن مۇستەقىل نامزات دەرۋىش ئەر ئوغلى، بىرىنجى باسقۇچلۇق سايلامدا 107 مىڭ 741 لاياقەتلىك ئاۋازنىڭ يۈزدە 28.15% كە ئېرىشىپ سايلامدا بىرىنجى بولغان، مۇستاپا ئاكىنجى بولسا 26.94 % ئاۋازغا ئېرىشىپ ئىككىنجى بولغان. باشقا نامزاتلار پەرقلىق نىسبەتتە ئاۋازغا ئېرىشكەن. بۇ قېتىملىق ئىككىنجى باسقۇچلۇق سايلامدا ئەڭ كۆپ ئاۋازغا ئېرىشكەن ئىككى نامزات دەرۋىش ئەر ئوغلى بىلەن مۇستاپا ئاركىنجى رىقابەتلىشىدۇ. سايلامدا ئىككىنجى باسقۇچقا كىرەلمىگەن جۇمھۇرىيەتچى تۈرك پارتىيەسى بۇ قېتىمدا مۇستەقىل نامزات مۇستاپا ئاكىنجىنى قوللايدىغانلىقىنى جاكارلىدى. سايلامغا بىلەت تاشلاش ۋاقتى شۇ يەر ۋاقتى سائەت 08:00 دە باشلىنىپ 18:00 دە ئاخىرلىشىدۇ. شىمالى سىپرۇستا دۆلەت مىقياسىدا جەمئىي 176 مىڭ 980 بىلەت تاشلىغۇچى 693 بىلەت تاشلاش ئورنىدا بىلەت تاشلايدۇ. دۆلەت ئىچىدە سايلام ۋاقتىدا ھاراق ئىچىش، سېتىش چەكلىنىدۇ، بارلىق ئويۇنخانىلار تاقىلىدۇ.
ئەتە ئېلىپ بېرىلدىغان سايلام 1995 ۋە 2000 -يىللىرىدىكى سايلاملاردىن كېيىن ئىككىنجى باسقۇچقا قالغان ئۈچىنجى سايلام ھىسابلىنىدۇ. 1995-يىلىدا رائۇف دەنكتاش بىلەن دەرۋىش ئەر ئوغلى ئىككىنجى باسقۇچتا رىقابەتلىشىپ سايلامدا دەنكتاش غەلبە قىلغان ئىدى. 2000-يىلىدا بولسا دەنكتاش ۋە ئەر ئوغلى قايتىدىن ئىككىنجى باسقۇچلۇق سايلامغا قاتنىشىپ، ئىككىنجى باسقۇچتا ئەر ئوغلى نامزاتلىقتىن ۋاز كەچكەن، شۇنىڭ بىلەن دەنكتاش پرېزىدېنت بولغان.