بۇرۇن بىر سودىگەر تۆگە سېتىۋالماقچى بوپتۇ ،تۆگە بازىرىدا بىر بوزغا كۆزى چۈشۈپتۇ . سېتىۋالماقچى بولغاندا تۆگە ساتقۇچى سودىگەرگە ؛
- بۇ تۆگىنىڭ بىر ئەيىپى بار ،دىمىسەم سودام ھارام بولىدۇ دەپتۇ .
سودىگەر قىزىقىپ ،_ قېنى ئاڭلاپ باقاي ، قانداق ئەيىپى باركىن ؟ _ دەپتۇ .
تۆگە ساتقۇچى - بۇ تۆگىدە ھېچقانداق ئەيىپ يوق ،شۇغىنىسى ئۇنىڭ ئانىسى دەريانىڭ ئوتتۇرسىغا كەلگەندە تۇيۇقسىز چۆكىۋالىدىغان بىر خۇيى بار ئىدى ،ئۇنىڭ خۇيى بالىسىغا ئۇدۇم قالغان بولسا ، ئۆزلىرىنى نادامەتتە قويامىكى دەيمەن ، دەپتۇ .
سودىگەر بۇ گەپنى ئاڭلاپ ئىككىلىنىپ قاپتۇ ، لىكىن بۇ بوز ئۇنىڭ كۆزىگە بەك چىرايلىق كۆرۈنۈپ كەتكەچكە ، سودىگەر < ئانىسىنىڭ خۇيى بالىسىغا ئۇدۇم بۇلۇپ قېلىشى ناتايىن > دەپ ئويلاپ ، تۆگىنى ئېلىپ قايتىپ كەپتۇ .
ئارىدىن بىر قانچە يىل ئۆتۈپ كىتىپتۇ .بۇ جەرياندا سودىگەر بۇ بوزنى مىنىپ نۇرغۇنلىغان مۈشكۈل سەپەرلەرگە ئاتلىنىپتۇ .چوڭ دەريالاردىنمۇ ئۆتۈپتۇ ، تۆگىدە ھېچقانداق بىنورمال ئالامەتلەرمۇ كۆرۈلمەپتۇ .بارا بارا تۆگە ساتقۇچىنىڭ سۆزى ئىسىدىن كۆتۈرلۈپ كىتىپتۇ .بىر كۈنى سودىگەر بوزنى مىنىپ بىر ئەزىم دەريادىن ئۆتۈپتۇ . دەريانىڭ ئوتتۇرىغا كەلگەندە ، تۆگە تۇيۇقسىز چۆكىۋاپتۇ . سودىگەرنىڭ تۆگىگە ئارتقان ماللىرى ئېقىپ تۈگەپتۇ .مالايلىرى سودىگەرنى مىڭ بىر جاپادا ئاران قۇتقۇزىۋاپتۇ .
سودىگەر قىرغاققا چىقىپلا مالىيىغا - سەن دەرھال تۆگە بازىرىغا بېرىپ بۇ تۆگىنى ساتقان ئادەمنى تاپ ،ئۇنىڭغا ماۋۇ بىر ھەميان تىللانى ھەدىيە قىلغانلىقىمنى ئېيتقىن ، ئاندىن ئۆيۈمگە بېرىپ خوتۇنۇمغا مىنىڭ ئۇنى تالاق قىلغانلىقىمنى ئېيتقىن ،ئۆيدىن خالىغىنىنى ئېلىپ دەرھال يوقالسۇن ، _ دەپتۇ .
مالاي ئىشنىڭ تىگىگە يىتەلمەي تۆگە ساتقۇچىغا تىللانى بىرىپتۇ . ئاندىن سودىگەرنىڭ ئۆيىگە بېرىپ سودىگەرنىڭ سۆزىنى خوتۇنىغا يەتكۈزۈپتۇ .
ئايال ھۇدۇققان ھالدا _ ئەينى ۋاقىتتا ئانام دادامغا خىيانەت قىلىپ تۇتۇلۇپ قالغاندا ،ئېرىم بۇ ئاناڭنىڭ خاتالىقى ، سەن بىلەن ھېچقانداق مۇناسىۋىتى يوق دەپ مىنى ئەمرىگە ئالغان ،ئەمدىلىكتە بۇ قانداق ئىش ؟- دەپ تۇرۇپ قاپتۇ .
مالاي سودىگەرنىڭ قېشىغا كېتىۋىتىپ توساتتىن ئايال تۇرغان ئۆينىڭ دەرىزىسىدىن ، بىر يالىڭاپ ئەرنىڭ ئۆزىگە قاراۋاتقانلىقىنى سىزىپ قاپتۇ .
مەنبە ؛ چوڭلار ئاغىزىدىن .
شۇڭا يىگىتلەر قىز تاللىغاندا ، دىيانەتلىك ، ئىمانلىق ، ئەخلاقلىق ، ھايالىق قىزلارنى تاللىشى كىرەك . بۇنداق ئاياللارنىڭ تەربىيلىگەن پەرزەنتلىرىمۇ ئۆزىگە ئوخشاش بولىدۇ .
