مەن "ناچار دېمەڭ مىللەتنى<تەۋسىيە>"دېگەن تېمىنى ۋە ئۇنىڭغا چۈشكەن بىر قىسىم ئىنكاسلارنى كۆرگەندىن كېيىن بۇ تېمىنى يېزىشنى ئويلاشتىم.چۈنكى،مۇنبەردىكى تورداشلارنىڭ خېلى كۆپ قىسمىدا ئۆزىگە خاس كۆزقاراش تېخىچە شەكىللەنمەپتۇ.مىللىتىمىزنىڭ ئىللىتىنى كۆرسىتىپ بەرگەن ئەسەرنى كۆرسىمۇ ياخشى يېزىلىپتۇ دەپ،مىللەتنى ناچار دېمەڭ دېسىمۇ ياخشى يېزىلىپتۇ دەپ باھالارنى بىرىۋىرىدىكەن.ئەمدى،ئاساسىي مەقسەتكە كەلسەم،مىللىتىمىزنىڭ ئىللەتلىرىنى كۆرسىتىپ ئەسەر يازىدىغانلار ھەرگىزمۇ مىللەتنى باشقا مىللەتلەردىن چۈشۈرۈش ئۈچۈن ياكى مىللەتنى تىللىۋېلىش ئۈچۈن يازمايدۇ.بەلكى،مىللىتىمىز ئىچىدىكى كىشىلەرنىڭ چۈشكۈنلىشىپ كىتىۋاتقانلىقىدىن،باشقا مىللەتلەرنىڭ يامان ئىللەتلىرىنى ئۈگىنىۋېلىپ،ئۇنى بار كۈچى بىلەن زورايتىۋىتىپ بارغانلىقىدىن ئەپسۇسلىنىپ يازىدۇ.بۇنداق ئەسەرنى يازىدىغانلار قانداقتۇ،«ناچار دېمەڭ مىللەتنى<تەۋسىيە>»دە دېيىلگىنىدەك ۋە ئىنكاسلاردا دىيىلگىنىدەك ئۇنداق ناچار كىشىلەر ئەمەس.ئەگەر ناچار دېسەك ئابدۇخالىق ئۇيغۇرنى نېمە دەيمىز؟لۇتپۇللا مۇتەللىپنى نېمە دەيمىز؟ئەختەم ئۆمەر"ئۆزىمىزنى ئىتىراپ قىلايلى "دېگەن كىتىپى ئارقىلىق بىزدىكى خېلى كۆپ ئىللەتلەرنى ئىتىراپ قىلغان.زۇلپىقار بارات ئۆزباش "شىنجاڭ مەدەنىيىتى"ژۇرنىلىدا بىرقىسىم ئەسەرلەرنى يېزىپ بىزدىكى زامانىۋى ئىللەتلەرنى ئىتىراپ قىلغان.بۇ كىشىلىرىمىزنى نېمە دەيمىز؟؟ئۈمەرجان ئالىمنىڭ ناخشا تېكىسىتلىرىنى يېزىپ بەرگەن شائېرلىرىمىزنى نېمە دەيمىز؟تاشمۇھەممەت باتۇرنىڭ ناخشا تېكىسىتلىرىنى يېزىپ بەرگەن شائېرلارنى نېمە دەيمىز؟ئۈمەرجان ئالىمنى،تاشمۇھەممەت باتۇرنى نېمە دەيمىز؟ھەممىمىز ياخشى ئويلىنايلى،مىللىتىمىزنى ماختىيالايدىغانلار ھەقىقىي قايىل بولغىدەك ماختايلى.ھەقىقىي سەزگۈرلەر مىللىتىمىزنىڭ ئىللەتلىرىنى ۋاقتىدا كۆرسىتىپ بىرەيلى.ئەمما،ئۈمدنى ئۈزمەيلى!بىز ھامان تۈزىلىمىز.چۈنكى،ئابدۇخالىق ئۇيغۇر،لۇتپۇللا مۇتەللىپ قاتارلىقلارنىڭ ئىللەتلىرىمىزنى كۆرسىتىپ بىرىشى بىلەن بىزنىڭ خېلى كۆپ ئىللەتلىرىمىز تۈزەلدى.خەيىر،مەن كۆپ گەپ قىلماي،پەقەت بارلىق تورداشلارغا ئەختەم ئۆمەرنىڭ"ئۆزىمىزنى ئىتىراپ قىلايلى"دېگەن كىتاپنى،زۇلپىقار بارات ئۆزباشنىڭ ماقالىلىرىنى،"ئۇيغۇرلارنىڭ ئەنئەنىۋى ئەخلاقى"دېگەن كىتاپنى ئوقۇپ بېقىشقا تەۋسىيە قىلىمەن
