مۇشۇ بىر قىسىم مەكتەپلەرنى ۋە مەكتەپ باشلىقلىرىنى تۈزۈمىسە بولمايدىغان يەرگە يەتتى جۇمۇ. بولۇپمۇ مۇشۇ مەكتەپلەرگە شۇجى بولىۋاتقانلار مەكتەپنىڭ سىياسىي-ئىدىيۋى خىزمەتلىرى بىلەن بولماي ھەدېسىلا مەكتەپ مۇدىرلىرىنىڭ ئىشلىرىغا ئارلىشىپ، گوروھۋازلىق قىلىشىپ مەكتەپلەردە ئاز بولمىغان زىدىيەتلەرنى پەيدا قىلدى. ئوقۇتۇشنىڭ ۋە قوشۇمچە خىزمەتلەرنىڭ ھۆددىسىدىن چىقماقمۇ ئاسان ئەمەس ئىدى. ئەمدىلىكتە مەكتەپ باشلىقلىرىنىڭ ۋە ئۇلارنىڭ يېقىنلىرىنىڭ، گوروھۋازلارنىڭ زۇلىمىدىنمۇ شۇ بىچارە ئوقۇتقۇچىلارنىڭ ئۇھ دېگىدەكمۇ ھالى قالمىدى. ھەي مەكتەپ باشلىقلىرى قاچانمۇ كاللاڭلارنى سىلكىۋىتەرسىلەر؟ قاچانمۇ ئوقۇتۇش سۈپەت ئۈچۈن باش قاتۇرارسىلەر؟ ھەي بەزى مەكتەپلەرنىڭ ياچىكا شۇجىلىرى، سىلەر قاچانمۇ ئوقۇتۇشقا ۋە ھەممە ئىشقا خالىغانچە چېپىلىپ، قالايمىقانچىلىق چىقارماي،ئۆز دائىرەڭلەردىكى خىزمەتلەرنى ياخشى ئىشلەرسىلەر؟ سىلەر مەكتەپ پارتىيە ياچىكىسىنىڭ شۇجىسى جۇمۇ. شۇجى دەپ چاقىرساق ئۆزەڭلارنى ناھىيە، ۋىلايەت، ئۆلكە ئاپتۇنۇم رايۇن دەرىجىلىك شۇجى چاغلاپ قالماڭلار. ناھىيىلىك پارتكومنىڭ شۇجىسىمۇ خەلقنىڭ گىپىنى ئاڭلايدۇ. ۋىلايەتلىك پارتكومنىڭ شۇجىسىمۇ خەلق ئۈچۈن ئىشلەيدۇ. ئاپتۇنۇم رايۇنلۇق پارتكومنىڭ شۇجىسىمۇ كېچە-كۈندۈز خەلقنىڭ غېمىنى يەپ، جان پىدالىق بىلەن ئىشلەپ، خەلق مەنپەئەتىنى بىرىنچى ئورۇنغا قويۇۋاتىدۇ ھەم ئەمەلىيەتتە كۆرۈۋاتىمىزغۇ. شۇڭا بەزى مەكتەپ باشلىقلىرى سىلەرمۇ يىل ئاخىرىدا تەشكىلگە ۋەزىپە ئۆتەش دوكلاتى بەرگەندە ھەممەيلەننىڭ ئالدىدا ئوتتۇرىغا قويغان دەبىدەبىلىك تىرىشىش نىشانىڭلارنى ئەمەلىيەتتە كۆرسەتسەڭلار، شۇ بەرگەن ۋەدە-قەسىمىڭلار بويىچە ئىش كۆرسەڭلار بولاتتى.
كەڭ ساي مۇنازىرە مۇنبىرى » پەندى نەسھەت » نۆۋەتتىكى ئۇيغۇر مائارىپىىدا ساقلىنىۋاتقان بىر قىسىم مەسىلىلەر 
