ئەسسالامۇ ئەلەيكۇم،  كەڭرى زىمىندا قىسىلىپ ياشاۋاتقان كەڭ ساي ئەھلى!
       گەرچە بۇ مۇنبەرنىڭ ئىسمى << مۇنازىرە مۇنبىرى >> بولسىمۇ، ئەمما مۇنبەرگە  قاراپ باقسام، ئادەمنىڭ تەپەككۇرىنى ئاچىدىغان ھەقىقىي مۇنازىرە خارەكتىرىدىكى تىمىلار ئانچە كۆپ ئەمەس ئىكەن. شۇڭا سىلەر بىلەن مۇنداق بىر زۆرۈر ھەم ئالاھىدە تىما ئۈستىدە مۇنازىرىلەشمەكچىمەن:
       مەن ئويلايمەنكى، بۇ مۇنبەرگە كىرىۋاتقان ھەممىمىز مۇسۇلمان. شۇنداق بولغانىكەن، ھەممىمىز ئاللاھنىڭ بارلىقىغا ۋە بىرلىكىگە ئىشىنىدىغانلىقىمىز ئېنىق. ئەمما بۇ ئىشىنىشنىڭ دەرىجىسى ئوخشاشمايدۇ. بەزىلىرىمىز بۇنى دىلىمىزدا ھەم تىلىمىزدا تەستىق قىلىپ، ئەمەلىيىتىمىزدە كۆرسىتىۋاتقان بولساقمۇ، ئەمما بىر قىسىم قېرىنداشلىرىمىزنىڭ دىلىدىكى ئىشەنچىسى تازا كۈچلۈك بولمىغانلىقتىن، ئېغزىدا ئېيتىقىنىنى ئەمەلىيىتىدە كۆرسىتىشكە تىرىشمايۋاتىدۇ. 
       مەيلى قانداقلا بولمىسۇن، ئىمانىڭىز  كۈچلۈك بولسۇن ياكى ئاجىز بولسۇن، سىزنىڭ بىر ئىمانلىق ئادەم بولغانلىقىڭىز سىزنىڭ ئەڭ چوڭ بەختىڭىز. سىزنىڭ بىر ئېغىز ئىمان كەلىمىسىنى ئېيتقانلىقىڭىزنىڭ ئۆزىلا، پۈتۈن زىمىندەك كېلىدىغان ئالتۇن كۈمۈشتىنمۇ قىممەتلىك.شۇڭا ئۆزىڭىزنى ئىنتايىن بەخىتلىك ۋە باي دەپ بىلىڭ. شۇ سەۋەپتىن،  بىزنى مۇشۇ كەلىمىنى ئېيتىيالايدىغان كىشلەردىن قىلىپ، ئاشۇنداق زور بايلىققا ئېرىشتۈرگەن ئاللاھقا چەكسىز رەھمىتىمىزنى بىلدۈرىمىز!
     يۇقىرىكىدەك زور بايلىققا ئېرىشكەندىن كېيىن، ئۇنىڭدىن يەنە نەچچە ھەسسە كۆپ بايلىققا ئېرىشىشنى ئارزۇ قىلامسىز؟  ئەگەر ئارزۇ قىلسىڭىز بۇنىڭ بىردىنبىر يولى __ ئىمانىڭىزنى مۇستەھكەملەش.  ئىماننى مۇستەھكەملەشنىڭ بىرىنچى قەدىمى ياراتقۇچىنى تېخىمۇ چوڭقۇر تۇنۇش. ياراتقۇچىنى ھەقىقىي رەۋىشتە تۇنۇشنىڭ مۇھىم بىر يولى __ كائىناتتىكى مەخلۇقاتلاردىكى قانۇنىيەتلەر ئۈستىدە تەپەككۇر يۈرگۈزۈش.
   مانا مەن بۇ يەردە دەل مۇشۇ مەسىلە ئۈستىدە ھەر بىرىڭلار بىلەن بىرلىكتە تەپەككۇر يۈرگۈزمەكچىمەن. شۇڭا، ھەر بىرىڭلارنىڭ، مېنىڭ بۇ ئىشىمنى قوللاپ بېرىشىڭلارنى، ئۆزۈڭلارنىڭ تەپەككۇر قىلىش دەرىجىسىنى سىناپ بېقىشىڭلارنى، بۇ ئارقىلىق چۈشەنچەڭلارنى چوڭقۇرلاشتۇرۇۋېلىشىڭلارنى، ئەگەر چوڭقۇر چۈشەنچىگە ئىگە بولساڭلار چۈشەنچىسى كەمچىل كىشلەرنىڭ بىلىۋېلىشى ئۈچۈن پىكرىڭلارنى تارتىنماستىن بايان قىلىپ بېقىشىڭلارنى چىن دىلىمدىن ئۈمىد قىلىمەن!
      
      سوئال:بىز ياشاۋاتقان بۇ كائىناتتىكى مەخلۇقاتلارنى ياراتقۇچى زات بارمۇ؟
       ئەگەر بار بولسا، ئۇ زات كىم؟ 
       ئۇ زات بىرمۇ ياكى بىردىن ئارتۇقمۇ؟

         تەپەككۇرىڭىزنى سىناپ باقماقچى بولسىڭىز قېنى مۇنازىرىگە مەرھەمەت: ←

     ئالاھىدە ئەسكەرتىش: بۇ مۇنازىرىدە باشتىن ئاخىر ئىلمىي تەپەككۇر ئۇسۇلىنى قوللىنىمىز. يەنى، قۇرئاندىن ياكى باشقا كىتابلاردىن نەقىل كەلتۈرمەستىن، ئۆزىمىزنىڭ كاللىسىدا بار بولغان چۈشەنچىنى ئوتتۇرىغا قويىمىز، تەپەككۇرىمىزنى بايان قىلىمىز.
    تارماق ئەسكەرتىش: بۇ مۇنازىرە داۋامىدا، مەن باشتىن -  ئاخىر بىر دىنسىزنىڭ مەيدانىدا تۇرۇپ سىلەر بىلەن مۇنازىرىلىشىمەن.  بۇ ئارقىلىق چۈشەنچىمىزنى بارا-بارا چوڭقۇرلاشتۇرىمىز. ئەمما مەن دىنسىز ئەمەس!

ۋەئەلەيكۇم  ئەسسەلام
1.بار
2.ئۇ  زات  پۈتۈن  كائىناتنىڭ  ئىگىسى  ئاللاھ~~
3.ئۇ  بار  ۋە  بىردۇر.
ھەر قانداق  بىر  ئەقلى ھوشى  جايىدا  ئىنسان  بۇنى  ئېتراپ  قىلىدۇ.
قالغان  پىكىرىمنى باشقىلارنىڭ ئىنكاسىغا  قارىتا  يازاي~~~

ناسارالار  ئۈچ  خۇدا  بار  دەپ  قارىمايدۇ،بەلكى  ئۇلار  ئۆزلىرىنىڭ  بۇتلىرىغا چوقىنىدۇ،بۇ قانداقتۇر ئۇلارنى
ئىلاھ دېگەنلىك  ئەمەس،بەلكى ئاللاھ  بىزنىڭ  ئىباتىمىزنى  قوبۇل قىلمايدۇ،بىز  پەقەت مۇشۇ  بۇتلار  ئارقىلىلا
ئاللاھ بىلەن ئالاقە باغلىيالايمىز،ئۇلار  ئارقىلىق  ئاللاھ  بىزنىڭ  ئىبادىتىمىزنى  قوبۇل  قىلىدۇ،دەپ  قارايدۇ.
شۇ  بۇتلىرىنى ئۆزلىرى  بىلەن  ئاللاھ  ئارىسىدا  ۋاستە  قىلىدۇ .

ئۇنداقتا مەن  تەپسىلىي  توختىلاي~~~
يۇقىرىقى  جاۋابلارنىڭ  ئاساسى:
1.بىز  بىر  يېمەكلىك زاۋۇتى  بار  دەپ پەرەز قىلايلى،بىراق  ئۇنىڭدا  مال  ئىشلەپچىقارغۇچى يوق،
مال توشۇغۇچى يوق،رەھبەرلىك  قىلغۇچى  ھەم يوق.بىراق  ماللار  ئۆزلىكىدىن ياسىلىپ،توشۇلۇپ،ھەرقايسى دۇكانلارغا سېلىنىدۇ،مۇشۇنداق  بىر  زاۋۇت  بار  دېسە  سىز  ئىشىنەمسىز؟ئەقلى  بار  كىشى  ئىشىنەمدۇ؟جاۋابى ياق. دۇنيادا ھېچقانداق
  بىر نەرسە ئۆزلىكىدىن  پەيدا  بولۇپ  قالمايدۇ،شۇنداق  بولغانىكەن،شۇنداق چوڭ پىلانىتلار  قانداقمۇ  ئۆزلىكىدىن  پەيدا  بولۇپ  قالسۇن.دېمەك  بۇ  يەردە  بىر  ياراتقۇچى بار.
ئۇ ياراتقۇچى  دەل بارلىق  كائىناتنى  ياراتقۇچىدۇر.ھەممىمىزگە  مەلۇم ئالەم  بوشلىقىدا  شۇنداق  كۆپپىلانت  ۋە  سەييارىلەر  يۇلتۇزلار  بىرلىكتە ھەرىكەت  قىلىدۇ،لېكىن قايسى  بىرى ئۆز  ئوربىتىسىدىن  چىقىپ كونتىروللىقىنى  يوقىتىپ  باققان.ئۆسۈملۈك،ھايۋانات ۋە  باشقا  جانلىقلارنى  ئۆز  ئالدىغا
 ئۆسۈش قانۇنىيىتى بار،بۇ قانۇنىيەت  ھەم ھەممىمىزگە  ئايان.بۇلاردىن  ھەم  چاتاق  چىقىپ،ئىنسان كالا  تۇغىدىغان،قوي ئادەم  تۇغىدىغان  ئىشلار  كۆرۈلمىگەن.ھەممىسى  بىر  خىل  قانۇنىيەت  ئىچىدە تەرەقىقىي قىلغان.
دەل  مۇشۇنداق تەرتىپلىك ئايلىنىش  پەقەت ۋە پەقەت  بىرلا  باشقۇرغۇچى  بولۇشنى  كەسكىن تەلەپ قىلىدۇ.ئۇنىڭ  
ئۈستىگە بۇ  باشقۇرغۇچى  چوقۇمكى ھەممە  شەيئىنىڭ ئالاھىدىلىكىنى  بىلىدىغان  زات  بولۇشى كېرەك،شۇندىلا  شۇ 
 شەيئىنى  كونتىرول قىلالايدۇ.دېمەك  بۇ باشقۇرغۇچى  ئېنىقكى  شۇ نەرسىلەرنىڭ  ياراتقۇچىسىدۇر.
2.ئەقلى  نورمال  ئىنسان  ئاللاھنى ئېتراپ  قىلىدۇ.بۇ  ئىنساننىڭ  تەبئىي خۇسۇسىيىتى.مەسىلەن بىر كىشى قاتتىق كېسەل بولدى،دوختۇر  ھەم  داۋالىيالمىدى،ئۆلۈم  گىردابىغا  بېرىپ  قالدى،دەل شۇ  ئەل  ئامالسىز  قالغاندا ئىختىيارسىز ئاھ  خۇدا  دەيدۇ،يا  خۇدادىن  زارلىنىدۇ،ئىشقىلىپ  بۇ  دۇنيادا  تۈرلۈك  سەۋەپلەر  بىلەن خۇدانى ئىنكار  قىلغان  بىلەن،
ئىنسان  قەلبى يەنىلا  خۇدانىڭ  بارلىقىنى ئىنكار  قىلمايدۇ.
3.قەدىمدىن  تارتىپ  نۇرغۇن  پەيغەمبەرلەر  كەلگەن،بۇ پۈتۈن  دۇنيا ئەھلىگە  ئايان.ئەنە  شۇلار  ئاللاھنىڭ دىنىنى  ئېلىپ  كەلگەن،ئىنساندا  بولمىغان  مۆجىزىلەنى  ئوتتۇرىغا  چىقارغان.مۇشۇنچىلىك  يازاي،قالغىنىنى 
 كېيىنكى  ئىنكاسا  قارىتا يازىمەن،،،،

ئۇنداقتا  سىز  جاۋاب  بېرىڭ خۇرشىدى  ئەپەندى:
1.كۈچ  جىسىمنىڭ  جىسىمغا  بولغان  تەسىرىدۇر،دېمەك  كۈچنىڭ  مەنبەسى  دەل  جىسىم.ئۇنداقتا
ئاشۇ  غايەت زور  جىسىملار  نەدىن  پەيدا بولغان؟
2.ھامىلە  مەسىلىسى ،ئالىملار  يېقىنىقى يىللار مابەينىدە بۇنى ئېنىقلىدى.بىزگە بۇنىڭدىن1400 
 نەچچە  يىل ئىلگىرى پەيغەمبەر ئەلەيھىسسالام  قۇرئان كەرىم ئارقىلىق  يەتكۈزۈپ  بولغان.
ئۇنىڭدا  يەنە ھامىلىنىڭ ھەرقايسى  باسقۇچلىرىدىكى ئاتىلىش  ناملىرى  ھەم
تەپسىلىي  ئېنىق  ئوتتۇرىغا  قويۇلغان،ھازىرقى  دۇنيا  تىببىي  پەن  ئالىملىرى  بۇنىڭغا  ئىقرار.
يەنە  شۇنىسى  ئېنىقكى پەيغەمبەر  ئەلەيھىسسالامنىڭ ساۋاتسىز  كىشى  ئىكەنلىكى  پۈتۈن  دۇنيا 
 ئەھلىگە  ھەم ئايان،شۇنداق  تۇرۇپ ئاشۇنداق  مۆجىزىلەرگە  تولغان  قۇرئان  كەرىمنى  بىر  ساۋاتسىز كىشىنىڭ  بارلىققا  كەلتۈرىشى  مۇمكىنمۇ؟ئۇنىڭ ئۈستىگە  شۇ  دەۋردىكى تېخنىكا  بىلەن  بۇنى  بارلىققا  كەلتۈرۈش  تېخىمۇ  مۇمكىن  ئەمەس،شۇنداق بولغانكەن
قانداق كىشى  بۇنى  قوبۇل  قىلالايدۇ؟

مەن يۇقىرىدا  ھامىلە  توغرىسىدا  سۆزلىسەم  سىز  توغرا  كېلىپ  قېلىش  دېدىڭىز~~~
ئەمىسە  مەن  يەنە  بىر  قانچە  مىساللارنى  كەلتۈرەي بۇنىمۇ توغرا  كېلىش  دەپ  قارامسىزكىن......
1.پروفېسسور ،گىئولوگىيە  ۋە  ئاستىرونومىيە  ئالىمى  ئالفەرد كرونېر ھە دېسىلا پۇرسەت  ئىزدەپ قۇرئاندىكى
ھەقىقەتنى  بۇرمىلايتى.بىر  قېتىملىق  سۆھبەتتە ئۇنىڭدىن ئىسلام  ئالىملىرى  ئۇنىڭغا ئالەمنىڭ يارىتىلىشى
توغرىسىدىكى ئايەتلەرنى  بايان قىلدى. ئەلۋەتتە  ئۇ كافىر  بولسىمۇ،ئىلىم-پەنگە  كۆز يۇممايدىغان ئالىم.
پاكىت  ئالدىدا  شۇنداق  دېدۇكى:مېنىڭ  قارىشىمچە،1400 يىل بۇرۇن ئاتوم فىزىكىسىنى بىلمەيدىغان بىر
شەخىسنىڭ،ئاسمانلار  ۋە يەر شارىنىڭ ئەسلىدە بىر-بىرىگە تۇتاش بىر جىسىم  ئىكەنلىكىنى ۋە بىز مۇھاكىمە قىلىپ
ئۆتكەن باشقا مەسىلىلەرنى ئۆز ئەقلى بىلەن تېپىپ چىقىشى مۇمكىن ئەمەس.دېدى.چۈنكى  يۇلتۇزلارنىڭ قانداق
پەيدا بولغانلىقى  ھەققىدىكى مەلۇماتلارنى  ئىنسانلار ئىنچىكە تېخنىك  سايمانلارنى  ئىشلىتىپ،يېقىنقى يىللاردا
بىلگەن.پەيغەمبەر ئەلەيھىسسالام ساۋاتسىز  كىشى ئىدى،ئۇنىڭ ئۆز ئەقلىگە  ۋە زامانىسىدىكى تېخنىكىغا تايىنىپ
بۇلارنى  بىلەلىشى  مۇمكىن  ئەمەس.
ئۇنىڭدىن يەنە  مۇنداق  سۇئال  سورالغان:ئەرەن يېرىم ئارىلىدا باغۇ-بوستانلار،ئېرىق-ئۆستەڭلەر بولغانمۇ؟
ئۇ  دېدىكى:شۇنداق،بولغان،بۇ پالېئونتولوگىيىلىك تەكشۈرۈش ئارقىلىق ئېنىقلانغان.
قاچان بولغان دەپ  سورالغاندا. ئۇ : يەرشارىدا بولۇپ ئۆتكەن،مۇز دەۋرىدە شۇنداق  بولغان،مۇزلار شىمالىي
مۇز ئوكياندا كۆپىيىدۇ،ئاندىن جەنۇپقا سۈرىلىدۇ،ئەرەپ يېرىم ئارىلىغا نىسپىي يېققىنلاشقاندا  ھاۋادا ئۆزگىرىش
بولۇپ ،شۇنداق باغۇ-بوستانلىق  بىر  شەھەرگە  ئايلىنىدۇ.دېگەن.
ئۇنىڭدىن يەنە :بۇ كەلگۈسىگە  باغلىق  بىر  ئىش  تۇرسا،بۇنى  قانداقمۇ  ئىلمىي  ھەقىقەت  دېگىلى  بولسۇن.دەپ
سورالدى.ئۇ:ھازىر  يىڭى  مۇز  ئەسرى  باشلاندى،قار  توزانلىرى شىمالىي مۇز ئوكياندىن جەنۇپقا 2-قېتىم يۈرۈش
قىلىۋاتىدۇ.ھازىر ئەرەپ  دۆلەتلىرىگە يېقىن رايونلارغا يېقىنلىشىش يولىدا.يەنە  بىر  ئىلمىي پاكىت يېقىنقى يىللاردا
ياۋروپا  ۋە شىمالىي  ئامېرىكىنىڭ  شىمالىي  قىسىملىرىدا  قىش  پەسلىدە يۈز  بېرىۋاتقان ئاجايىپ  قارلىق  بوران.
ئىسلام  ئالىملىرى  دېدىكى،دېمەك  سىلەر  بۇنى  شۇنداق  ئىلغار  ئۈسكۈنە-تېخنىكىلار  بىلەن  ئەمدى  بايقاپسىلەر
بىراق بىزگە  1400 يىل  بۇرۇنلا بۇنىڭدىن بىشارەتبېرىلىپ  بولغان  دەپ،ئەرەپ ئارىلى قايتا باغۇ بوستانلىق
بولماي تۇرۇپ قىيامەت  قايىم بولمايدىغانلىقى  توغرىسىدىكى ھەدىسنى بايان قىلدى.

2.ياپونىيەدىكى توكيو رەسەتخانىسىنىڭ مۇدىرى پروفېسسوريۇشيۇدى كۇزان قۇائاندىكى ئىلمىي ھەقىقەتلەرگە
قايىل بولغان.ئۇ ئاسمان جىسىملىرى ھەققىدە  توختىلىپ  مۇنداق  دېدى:ئاسمان جىسىملىرى ئەسلى ئىس-تۈتەك
بولۇپ،بۇنى تەكىتلەيدىغان ماددىلار  ئىنتايىن كۆپ.ھازىرقى پەيتتە بۇنى كۆز بىلەنمۇ كۆرگىلى بولىدۇ.ئالىملار
يېقىندا  ئالەم  كېمىسىدە  تۇرۇپ  تارتقان  سۈرەتلەردە  بىر يۇلتۇزنىڭ شەكىللىنىۋاتقانلىقىنى كۆرگەن..............
دېمەك  ئالەممۇ   ئەسلى  ئىس-تۈتەك  ئىدى  دېگەن.
ئىسلام  ئالىملىرى دەل  مۇشۇ  توغرىسىدىكى  ئايەتنى  بايان  قىلدى.شۇنىڭ  بىلەن بۇكىشى تېخىمۇ قايىل بولدى.
چۈنكى قۇرئاندا ئىس-تۈتەك  دەپ بايان  قىلغان،بىراق بەزى  ئالىملار  تۇمان  دەپ كەلگەنىدى.بۇ  توغرىسىدا
ئۇ يەنە:تۇمان  دىيىش  تازا توغرا ئەمەس،تۇمان ئېنىرگىيەسىز   ماددا  بولۇپ،كائىناتنىڭ  ئەسلى  مەنبەسى  بولغان
ئىس-تۈتەك ئىسسىقلىق  ئېنىرگىيەسى  بولغان  ماددا.دېمەك  ئالەم  ھازىرقى  ھالىتىگە  كېلىشتىن  بۇرۇن قاتتىق 
 ماددىلار چاپلاشقان  تۇتۇق  گازلاردىن  ئىبارەت.دېگەن.
بۇ  يەردە  ئايەتلەرنى  مىسال  ئالمىدىم،چۈنكى  سىز  ئۇنىڭغا  ئەمەس،ئالىملارنىڭ  گىپىگە  بەكرەك  ئىشىنىسىز،
شۇڭا  سىزگە  ئاللاھنىڭ  بارلىقىنى  ئىسپاتلاپ  بېرىشتىن  بۇرۇن،ئاللاھنىڭ سۆزىنى  بايان  قىلىش يەنىلا بىھاجەت،
سۇئاللىرىڭىز   بولسا  جاۋاب  بېرىشكە  تىرىشىمەن. يەنە  يۇقىرىقىلارنى توغرا  كېلىپ  قىلىش  دەپ  قارامسىز؟؟؟
ئەسلى  ھامىلە  توغرىسىدا  تەپسىلىي  توختالسام،قايىل  بولماي  قالمايتتىڭىز،بىراق  بەك  ئۇزىراپ  كەتمىسۇن،
ئوقۇرمەنلەر  زېرىكىپ  قالمىسۇن  دەپ،يەنە  ۋاقىت  مۇناسىۋىتى  بىلەن  يازمىدىم~~~

تورداش  تۇغرۇل،ئۆزىڭىزنى  ئېتراپ  قىلغىنىڭىزنىڭ  ئۆزى  بىر  ياخشى  باشلىنىش،سىزنىڭ1-2-سۇئالغا  بەرگەن  جاۋابىڭىز  قايىل  قىلارلىق  ئەمەس،سىز  شۇنداق  بىر  كۈچ  بار  دەپسىز، بىراق  كۈچنىڭ  قانداق  شەكىللىنىدىغانلىقىنى  ئۇنتۇپ  قالغان  بولسىڭىز  كېرەك.ماددا  بولمىسا 
 كۈچ  بولمايدۇ. ماددا  بولغانىكەن،ئۇنىڭ  ياراتقۇچىسى  بولىدۇ.
ئەيسا  ئەلەيھىسسالام  كىرىسقا  مىخلانغىنى   يوق  ،بۇ  بىر  ئويدۇرما،خالاس.ئۇنىڭ  ئۈستىگە مەيلى  خىرىستىئانلار بولسۇن،ياكى  يەھۇدىلار  بولسۇن ھەممىسى  ئاللاھنى بار  دەيدۇ.كافىرلارمۇ  شۇنداق.بىراق  ئۇلار ئاشۇ  بۇتلىرىنىئاللاھ بىلەن  ئۆزلىرى  ئارىسىدا  ۋاستە  قىلىدۇ.3- سۇئالغا  بەرگەن  جاۋابىڭىزنىڭ  تېخىمۇ  ئاساسى  يوق.قانداق 
 بىر  ئەقىل  ئىگىسى  شۇنداق بىر  كۈچنىڭ  بارلىقىنىئېتراپ  قىلىدۇ.نەدىمۇ  بىر  خىل  كۈچ  بارلىق  كۈچلەرنى 
 كونتىرول  قىلالىسۇن.بۇنىڭ  بىر  ئازمۇ  ئىلمىيلىكى  يوق. ئۇنىڭ  ئۈستىگە  سىز  دىندىن  خەۋىرىڭىز  يوقلىقىنى
  ئېتراپ  قىلىپسىز  يۇ ،بىراق  ھەممە  ئېتراپ  قىلغان ئالىمىمىزدىنگۇمانلىنىدىگەنسىز،دۇنيادا  نەدىمۇ  مۇكەممەل  كىشى  بولسۇن،سىز  ئاڭلاپ  باققانمۇ؟سىزنىڭ  
مەنتىقىڭىز  بويىچە بولغاندا  سىز  ھېچنىمە  ئۆگەنمىسىڭىز  بولىدۇ،چۈنكى  سىز  ئۆگەنگەن  نەرسىلەرنىڭ  ھەممىسى 100%  مۇكەممكەلكىشىلەرنىڭ  ئىجادىيىتى  ئەمەستە...................

دەل  مۇشۇنداق  مۇنازىرىدە  ئىلىم  ئەھلىلىرى  ئۆزىنى  چەتكە  ئالماسلىقى كېرەك  ئىدى.
ئەپسۇس................

ئۇنداقتا  سىز  بىرىنچى  بولۇپ  باشلاپ  بەرمەمسىز............تەپەككۈرقىلىش يالغۇز  ئەرلەرنىڭ  ئىشى
بولمىسا،ھەممىمىزدە  ئەقىل  بارغۇ،قىزلارنىڭ  كىرمىگىنى  قىززىق.................