مەن بىر ئېزاھلاپ قۇيىدىغان مەسىلە بار،مىنىڭ نەزىرىمدىكى« دەۋرىلىك»ئۇخشاش بىر ئادەمنىڭ قايتا-قايتا ئۆلۈپ-تىرىلىشى ئەمەس.

.ئاللاھنىڭ بەندىلىرىگە تىخى بىلدۇرمىگەن مەخپىيەتلىكلىرى بار دەپ قارىلامدۇ ياكى بارلىق مەخپىيەتلىكلىرىنى ئاشكارىلاپ بولغان دەپ قارىلامدۇ؟.
2.ئاللاھ بۇنىڭدىن ئىلگىرى ھەرگىز ئالەم ياراتمىغان،پەقەت مۇشۇ بىر قىتىملا ئالەم ياراتقان دەپ قارىلامدۇ ياكى باشقىچە قاراشلارمۇ بارمۇ؟.
3.قىيامەتتە زەررە قاتارلىق نەرسىمۇ قالمامدۇ؟.

قاسىمجان ئاكا  ئەگەردە سىزنىڭ بەزى بىر نەزىريەلىرىڭىز دىنىمىزغا مۇخالىپ كەلمىگەن بولسا مەيلى ئۇ خاتا بولىشىدىن  قەتئىي نەزەر سىزنى ئۆزۈم قوللاپ سىزنىڭ بۇ ئىزدىنىش روھىڭىزنى خەلق ئالەمگە ئېلان قىلغان بولاتتىم  سىزنىڭ بۇ سوئاللارنى سورىشىڭىز سىز بۇ سوئاللارنى زادى بىلىپ ئاندىن بۇ نەزىريەلەرنى ئوتتۇرىغا قويۇۋاتامسىز ياكى بۇ سوئاللارنى بىلمەي تورداشلاردىن بىلىپ باقماقچى بولۇۋاتامسىز ؟؟  قارىسام سىز بىلمەيدىغاندەك قىلىسىز     مەن يازمامنىڭ نىشانىنى بۇراش نىيىتىغا كىلىپ قالدىم چۈنكى بۇ سوئاالىرىڭىز مۇشۇنداق سۇئاللارنى بىلمەي تۇرۇپ بەزى نەزىريەرىڭىز ئلاھى مەسىلىلەرنى  ئىنچىكىلىك بىلەن تەھلىل قىلىشقا باشلاپسىز  ئەمدى مەن يازمامنى مۇنۇ سوئاللىرىڭزغا جاۋاب بىرىپ سىزنىڭ نەزىريەرىڭىزگە رەدىيە بىرىمەن سىزدىن سوراپ باقسام بوپتىكەن سىزنىڭ نەزىريەرىڭزىنى ماركىسىزم پەلسەپەسىنى تەتقىق قىلىدىغان كىشىلەر ياكى ماتىريالىزىم نۇقتىئىنەزەرى مىتافىزىكىغا مۇناسىۋەتلىك تەتقىقات ئورگانلىرى قوللىدىغۇ دەيمەن سىزنىڭ «شەكىل نەزەريەسى،بۇئالەمدىن كىيىن ئۇ ئالەم كىلىدۇ،مەڭگۇ شۇنداق دەۋرى قىلىدۇ،ھاياتلىقنىڭ يوقۇلۇشى-قىيامىتى
بولىدۇ،لىكن ھاياتلىقنىڭ قىيامىتى بىلەن،ئالەمنىڭ يوقۇلىشى-قىيامىتى بىر گەپ ئەمەس،ئالەمدە ئەبەدى-ئەزەلى يوقالمايدىغان
زاتلار بولىدۇ،دەپ چۇشۇنۇدۇ ۋە تەشەببۇس قىلىدۇ» سۆزلىرىڭىز ماركىسىزىم ئىدىيىسىنىڭ پە نەۋرىسى بولۇشىغا مۇناسىپ ئىكەن . مۇنبەردىكى تورداشلار  مۇنۇ تىمىغا سۆز قىستۇرۇپ قويساڭلار  مەن تېخى يېزىۋاتىمەن    

مەن بىرەر ئورۇننىڭ قوللىشى ياكى مەدەت بىرىشى بىلەن،ياكى ئاللىقانداقتۇر بىر "ئىزىم'نى ئاساس قىلىپ بۇ نەزەريىۋى يەكۇنگە كىلىپ قالغىنىم يوق.مەن ھازىرقى زامان فىزىكىسىدىكى "ساقلىنىش قانۇنلىرى 'نۇقتىسىدا تۇرۇپ مۇشۇنداق بىر لوگىكىىلىق ھۆكۆملەرنى كەلتۈرۈپ چىقاردىم.20يىل ئىلگىرى مىنى بەزىلەر ماركىسىزىمغا خىلاپلىق قىلدى دەپ ئەيىپلىگەن،ھازىرمۇ بەزىلەر شۇنداق قارىمايدۇ دىگىلى بولمايدۇ."يوقلۇق'ئىدىيىسىنى بۇددىسىتلاردىن قوبۇل قىلىپ تارقىتىۋاتىدۇ،دىگەن كۈزقاراشلارمۇ بولغان.بەزى فىزىكلارمىنى يەنە ھەرخىل مەۋقەلەردىن چىقىپ ئەيىپلەپ كۆرۆشتى.ھازىر سىز بۇ نەزەريىنىڭ ئىسلام ئەقىدىلىرىگە خىلاپ ئىكەنلىگىنى ئوتتۇرىغا قويۇۋاتىسىز.مەن بىلمىگەنلىرىمنى سۇرۇشۇم كىرەك.خاتالىقلار بولسا كونكىرىت كۈرسىتىپ بىرىلسە بولىدۇ.سىزمۇ ،مەنمۇ ئالدىراپ يەكۈن چىقارمايلى.مىنىڭ ئىدىيىلىرىمدە پەقەت خاتالىقلا بۇلۇپ ئازىراقمۇ توغرا يىرى بولمىسا بۇ بىر گەپ ،ئازدۇر-كۆپتۇر ئەقىلغە ئۇيغۇن يەرلىرى بار دەپ قارالسا بۇنى قانداق ئىسلاھ قىلىش ھەققىدە پىكىر بەرسەڭلار،يول كۆرسەتسەڭلار بولىدۇ.لىكىن مىنىڭ قىلۋاتقىنىمنىڭ تەبىئەت دۇنياسىغا،ماددا ۋە ئۇنىڭ ھەركىتىگە بولغان ئىزدىنىش ئىكەنلىگىنى،بۇ ئىزدىنىشنىڭ ئاساسى تەبىئەت پەنلىرى ئىكەنلىگىنى نەزەردىن ساقىت قىلماسلىغىڭلارنى ئۆمىت قىلمەن.ئۇنىڭ ئۈستىگە ھازىرغىچە تەبىئەت پەنلىرى بىلەن ئىسلامىيەتنى ئۈنۈملۆك بىرلەشتۈرىۋىتىدىغان بىرەر ئۆلگە يارالغىنى يوق.بۇنداق ئىشنى يالغۇز مەن قىلىپ كىتەلىشىم ناتايىن.ھەممەيلەن ئويلۇشۇپ كۆرسە بولىدۇ.

سۆزلىرىڭىز ماركىسىزىم ئىدىيىسىنىڭ پە نەۋرىسى بولۇشىغا مۇناسىپ ئىكەن . مۇنبەردىكى تورداشلار  مۇنۇ تىمىغا سۆز قىستۇرۇپ قويساڭلار  مەن تېخى يېزىۋاتىمەن    
ــــــــــــــــــــــــــــ
ھە،راسىت ،مىنىڭ ماركىسىزىم ھەققىدىمۇ چۆشەنچەم ئانچە چۇڭقۇر ئەمەس،سىزنىڭ بىلىم قۇرۇلمىڭىز خىلى ئەتراپلىقتەك قىلىدۇ.شەكىل نەزەريىسى قانداق قىلىپ ماركىسىزىمنىڭ پەي نەۋرىسى بولۇپ قالدى ؟تەلىمىڭىزنى ئايىمىغايسىز.
بۇنىڭدىن باشقا مەن تۇرۇپلا «ئىسلامىيەت فىزىكىسى»،«خىرىستىيان فىزىكىسى«،بۇددا فىزىكىسى»،«ماركىسىزىم فىزىكىسى» دىگەندەك فىزىكىلارمۇ بولىشى لازىممىكىن دەپ ئويلاپ قالدىم،تەبىئى پەنلەرنى ئىنسانىيەتكە ئورتاق قىلىشنىڭ ئامالى بارمىدۇ.سىزچە ئۇنىڭ لايىھىسى قانداق بولىشى كىرەك؟.مەن سەمىمى سۇراۋاتىمەن.گىپىم شۇنداق ئۇچۇق. ئەيىپكە بۇيرىمىغايسىز.

1.ئاللاھنىڭ بەندىلىرىگە تىخى بىلدۇرمىگەن مەخپىيەتلىكلىرى بار دەپ قارىلامدۇ ياكى بارلىق مەخپىيەتلىكلىرىنى ئاشكارىلاپ بولغان دەپ قارىلامدۇ؟.

     ئاللاھنىڭ ئىلمى ۋە قۇدرىتى چەكسىزدۇر.  بۇ سۆز بىر جۈملە بولغىنى بىلەن مەناسىنى يايساق كۆپلىگەن تەرەپلەرگە يايالايمىز. بىزگە غەيبىي بىلىملەر ئاللاھ تەرىپىدىن بىلدۈرۈلگەن بىلىملەر، مۇقەددەس كىتاپلار، پەيغەمبەرلەرنىڭ ۋاستىسى بىلەن بىلدۈرۈلدى. ئەمما بىز بىلمىگەن نۇرغۇن نەرسىلەرنىڭ بارلىقى ھەممىگە ئايان. بىلمىگەنلىرىمىزنىڭ بىلگەنلىرىمىزدىن چەكسىز ئازلىقىدىن ئاللاھنىڭ ئىلمى ۋە قۇدرىتى چەكسىز ئىكەنلىكىنى بىلىمىز. ئاللاھنى بىزگە تونۇتىغان ئۈچ مۇئەللىف باردۇر: بىرى، قۇرئانى كەرىمدۇر. ئىككىنچىسى، پەيغەمبىرىمىز مۇھەممەد ئەلەيھىسسالامدۇر. ئۈچىنچىسى، بۇ كائىناتتۇر. ئۈچىنچىسى بولغان كائىناتنى تاماشا قلىپ، تەپەككۇر قىلىپ ئاللاھنى تونۇش بولسا، قۇرئان ۋە پەيغەمبىرىمىزنىڭ ئۈگۈتلىرىدىن ئايرىلىپ قالماسلىقى لازىم. كائىناتقا ئىمان نۇرى بىلەن قارىغىنىمىزدا، ماكان ۋە زامان جەھەتتىكى ئەقىل يەتمەس چەكسىزلىكى بىلەن بىزگە ئاللاھنىڭ چەكسىز كامالىتىنى تونۇتتۇرۇش بىلەن بىرگە، بىزنىڭ ئەقلىمىزنىڭ ئاللاھنىڭ ئىلمىنى قورشاپ بولالمايدىغانلىقىنى ئىتىراپ قىلماي تۇرالمايمىز. دېمەكچى، بىزنىڭ بىلىدىغىنىمىز، پەقەت دېڭىزدىن بىر تامچە.

2.ئاللاھ بۇنىڭدىن ئىلگىرى ھەرگىز ئالەم ياراتمىغان،پەقەت مۇشۇ بىر قىتىملا ئالەم ياراتقان دەپ قارىلامدۇ ياكى باشقىچە قاراشلارمۇ بارمۇ؟  

    بۇ سۇئالىڭىزغا جاۋاپ بېرىشتىن ئاجىزمىز. بۇ جەھەتتە بىرەر مەلۇمات يوق. ئەمما كۆزىمىزگە كۆرۈنىۋاتقان ماددى ئالەم بىلەندىن باشقا، روھلار ئالىمى،ئالەمى بەزراھ (قەبىر ئالىمى)، خىيال ئالىمى قاتارلىق ماددى بولمىغان ئالەملەرنىڭ بارلىقى مەلۇمدۇر. يەنە 18 مىڭ ئالەم دەپ تەرىپ قىلىنىدىغان بۇ ماددى ئالەمگە تەۋە بولغان كىچىك ئالەملەر: ھايۋانات ئالىمى(ئىچىدىن ئۇششاق ئالەملەرگە يەنە بۆلۈش مۇمكىن)، زەررە ئالىمى، ... دېگەندەك بۆلۈش مۇمكىن. مۇنداقچە قىلغاندا، ھەربىرىمىزنىڭ بەدىنىمۇ ئايرىم بىر ئالەمدۇر. چۈنكى قانۇنىيەت بىر-بىرىدىن پەرقلىقتۇر.ئاللاھ قىيامەتتىن كېيىن ئەبەدىي جەننەت ۋە جەھەننەم ئالىمىنى يارىتىدۇ. بىزگە مەلۇم بولغىنى بۇ قەدەردۇر. ئۇنىڭدىن سىرت بىزگە غەيپ بولغان ئىشلارنى پەرەز قىلىش ھەم ئەخمىقانىلىك، ھەم بەزىدە گۇناھتۇر.

3.قىيامەتتە زەررە قاتارلىق نەرسىمۇ قالمامدۇ؟.

   بۇ جەھەتتە ئىككى خىل قاراش بار: بەزى قىيامەت كۈنى ئالىملار ئاللاھتىن باشقا ھېچ نەرسە قالمايدۇ، ۋە بىر جەننەت ۋە جەھەننەمنىمۇ ئۆز ئىچىگە ئالغان ھەممە نەرسە يوق بولىدۇ ۋە ناھايىتى تېز سۈرەتتە قايتا يارىتىلىدۇ دەپ قارايدۇ. بەزى ئالىملار بولسا، قىيامەت كۈنى يوق بولۇش پەقەت كۆز ئالدىمىزدىكى ماددىي ئالەمدە يۈز بېرىدۇ دەپ قارايدۇ. خۇلاسە: ئىككى خىل قاراش ئورتاق ھالدا، بۇ ماددىي ئالەمنىڭ پۈتۈنلەي (زەررىلەرمۇ) يوق بولۇپ، قايتا يارىتىلىدىغانلىقىدا بىردەكلىككە ئىگە. (ئاللاھقا ئاسان.)

3.قىيامەتتە زەررە قاتارلىق نەرسىمۇ قالمامدۇ؟.

   بۇ جەھەتتە ئىككى خىل قاراش بار: بەزى قىيامەت كۈنى ئالىملار ئاللاھتىن باشقا ھېچ نەرسە قالمايدۇ، ۋە بىر جەننەت ۋە جەھەننەمنىمۇ ئۆز ئىچىگە ئالغان ھەممە نەرسە يوق بولىدۇ ۋە ناھايىتى تېز سۈرەتتە قايتا يارىتىلىدۇ دەپ قارايدۇ. بەزى ئالىملار بولسا، قىيامەت كۈنى يوق بولۇش پەقەت كۆز ئالدىمىزدىكى ماددىي ئالەمدە يۈز بېرىدۇ دەپ قارايدۇ. خۇلاسە: ئىككى خىل قاراش ئورتاق ھالدا، بۇ ماددىي ئالەمنىڭ پۈتۈنلەي (زەررىلەرمۇ) يوق بولۇپ، قايتا يارىتىلىدىغانلىقىدا بىردەكلىككە ئىگە. (ئاللاھقا ئاسان.)
ــــــــــــــــــــــــــــــــــ
رەھمەت،زەررىلەرمۇ يۇق بولسا،ئالەمنى يارىتىشتا بىرەر تەرتىپ،قەدەم باسقۇچ بىلەن ياراتقانمۇ،ياكى بىراقلا ھازىرقى ھالىتىدە يارىتىلغانمۇ؟.يەنى زەررىلەر قانداق،قاچان يارالغان؟.ئىلگىرىمۇ -كىيىنمۇ؟،قۇرئاندا زەررىلەر ھەققىدە قانداق مەلۇماتلار بار؟. بۇ بەك مۇھىم ئىدى،باشقا بىلىدىغانلار تەمىنلىسىمۇ بولىدۇ.شەكىل نەزەريىسىدە زەررە بەك مۇھىم ئورۇندا تۇرىدۇ.
تۇرداشلار،بىلىدىغانلار ئۇچۇرلار بىلەن تەمىنلەڭلار ،بىر ئىككۆيلەنگىلا قاراپ قالمايلى.ئوسمانلى ئەپەندىم،سىزنى كۆپرەك مالال قىلمەن،ئەيىپكە بۇيرۇماسسىز؟!.

سىز توختاپ تۇرۇڭ ئەتە ئورنىڭىزدىن تۇرۇپ بۇ تىمىنى كۆرۈڭ  مەن بۇ كىچىدە بۇنى تازا ئويلىنىپ ئاندىن سىزگە سۇناي  ئاندىن بىر نىمە دىيىشەيلى قانداق ؟ سىزنىڭ سوئاللىرىڭىزدىن  ئىسلام ھەققىدە فىزىكا بەك كۆڭۈل بۆلگەندەك كۆڭۈل بۆلمەيدىكەنسىز  مۇشۇ نەزىريەنى ئوتتۇرىغا قويۇشنىڭ ئالدىدا قۇرئاننى بىر ئوقۇپ تۈگەتكەن  بولسىىڭىزچۇ كاشكى بۇنىڭدىن بەك ئىسپاتلىق قايىل قىلارلىق نەزىريەنى ئوتتۇرىغا قويغان بولاتتىڭىز ....  يەنە سۇئال بولسا ئوتتۇرىغا قويۇڭ  ئۈزۈلۈپ قالمىسۇن  

سىزنىڭ سوئاللىرىڭىزدىن  ئىسلام ھەققىدە فىزىكا بەك كۆڭۈل بۆلگەندەك كۆڭۈل بۆلمەيدىكەنسىز  
ــــــــــــــــــــــــــــــ
تەقسىر،بۇنداق گەپلەرنى قىلىشقا بەك ئالدىراپ كەتمەڭ.مەن راستچىللىق ۋە سەمىمىلىك بىلەن گەپ قىلىۋاتىمەن،بىلمىگەنلىرىمنى سۇراۋاتىمەن.خالىسىڭىز جاۋاپ بىرىڭ،خالىمىسىڭىز ئىختىيارىڭىز.مىنى مەيلى دىنسىزلىقتا ياكى دىندارلىقتا جازاغا تارتىپ تون پىچىدىغان مۇناسىپ ئىگىلەر بار.بىر-بىرىمىزگە باھا بىرىشتە ئالدىراپ كەتمەيلى.چۈنكى بۇ ھەرتەرەپلىمە زىل مەسىلىلەر،سىزمۇ،مەنمۇ جاۋاپ بىرىشنى خالىمايدىغان مەسىلىلەرگە جاۋاپ بەرمىسەكمۇ بولىدۇ.بىز ئۇرتاق بىر تىل تاپالامدۇق-يوق بۇ ئەڭ مۇھىم مەسىلە.ئاللاھقا بولغان ئىتىقادىمىزدا كىمنىڭ بۆيۆك ،كىمنىڭ پەس ئۇرۇندا تۇرىدىغانلىغىنى ئاللاھنىڭ ئۆزىنىڭ باھالىشىغا قالدۇرايلى،سىزچە شۇنداق قىلساق بولارمۇ؟!.
ئەيىپكە بۇيرۇماڭ،تاڭ ئاتقىچە يەنەمەن ئۈچۈن قىيىن، سىز ئۈچۈن ئاددى بىر مەسىلىنىڭ جاۋابىنىمۇ تەييارلىغاچ كىلەرسىز،ئۇ بولسىمۇ،قۇرئاننىڭ ئەڭ مۇكەممەل دەپ قارىلىدىغان،ھەممە ئۆلىمالار ئۇرتاق ئىتراپ قىلىدىغان شەرھى بارمۇ؟،ئۇ قايسى كىتاپ؟!.

شۇ قۇرئان كەرىم  ئۆزى شۇ  بۇنىڭدىن ئارتۇق توغرا كىتاب يوق  قۇرئاندىكى بارلىق ھۆكۈملەرنى بارلىق ئۆلىمالار ئورتاق ئىتىراپ قىلىدۇ  زادى سىز نىمىنى دېمەكچى  ؟  يەنە گەپ مەن سىزنىڭ ئىمانىڭىزغا باھا بەرگىنىم يوق  بۇنى ئاللاھ باھا بىرىدۇ   سىز بىلەن ئورتاقلىشىشنى خالايمەن ئەمما مەن دىمىگەننى دېدى دىمەڭ ..

قۇرئاندا كائىناتنىڭ 6 كۈندە يارىتىلغانلىقى تىلغا ئېلىنىدۇ. بۇ 6 كۈن بىزنىڭ كۈنىمىز بويىچە ھېساپلىنىدىغان ئالتە كۈن ئەمەس، بەلكى باشقا بىر ۋاقىت دەۋرىدۇر. يۇقىرىدا دېيىلگەندەك، قۇرئاندا «بىر كۈنى زېمىننىڭ 1000 كۈنىگە تەڭ» ۋە «50 مىڭ كۈنگە تەڭ» دېگەندەك ئوخشىمىغان كۈنلەر بار. بۇنىڭدىن ئالىملار بۇ ئالەمنىڭ تەدرىجىي يارىتىلغانلىقىنى ئوتتۇرىغا قويۇش بىلەن بىرگە، كۆپىنچە ئىسلام ئالىملىرى بىگباڭ نەزىيىسىنى قۇبۇل قىلماقتا. «ئىنجىل» دا كائىنات دەسلەپتە سۇ ھالىتىدە ئىكەنلىكى بايان قىلىنىدىغانلىقى، قۇرئاندا بولسا، ئاسمانلار دەسلەپتە تۇمان ھالىتىدە ئىكەنلىكى بايان قىلىنغانلىقى، بىگباڭ نەزىرىيىسىنىڭ جەريانى بىلەن بىردەك بولغانلىقىنى بۇنىڭ دەلىلى قىلىدۇ. بايانلار قىسقىچە بولۇۋاتىدۇ. بۇ يەردە ئىسپاتلاپ ئولتۇرمىدىم.  قىسقىسى، بۇ ئالەم سەۋەپلەر ئالىمى، ھىكمەت دىيارىدۇر. بۇ ئالەمدە شامال چىقمىسا دەرەخ لىڭشىمايدۇ؛ ئەمما ئاخىرەت ئالىمى بولسا قۇدرەت دىيارىدۇر، ئۇ ئالەم قۇدرەت دىيارى بولغانلىقىدىن، ئاللاھ رازى بولغان قۇللىرى نېمىنى خالىسا، ئاللاھ شۇنى دەرھال، ھېچ سەۋەپكە ھاۋالە قىلماي پەيدا قىلىدۇ. ئۇ يەردە بىر مېۋىنىڭ پىىشىشى ئۈچۈن بىر يىل ساقلىمايمىز. 

قۇرئاندا زەررە، قۇياش، سەييارىلەر ھەققىدە بايانلار بولسىمۇ، قۇرئان ھىدايەت كىتابى بولغانلىقى ئۈچۈن، بۇ بايانلار ھىدايەتنىڭ تەقەززاسى بولغان، مەرىفەتۇللاھقا (ئاللاھنى ھەقىقى تونۇش) ئىشىك قىلىنىپ سۆزلىنىدۇ. بەزى پەننىي ئىلىملەرنى يۇشۇرۇن ۋە كىنايىلىك شەكىلدە بايان قىلغان بولسىمۇ، ئاساسلىق مەقسەت يەنىلا ئاللاھنى تونۇتۇش بولغاچقا، پەننى بايانلار ئۇ قەدەر تەپسىلىي بايان قىلىنمايدۇ. ئۆتكەن ئەسىردىكى مەشھۇر مۇجتەھىد ئالىم بەدىئۇززامان سائىد نۇرسى ھەزرەتلىرى ئۆز زامانىنىڭ پەن تەرەققىياتىدىن ھالقىغان ھالدا، كائىناتنىڭ ئەڭ كىچىك بىرلىكى «ئەسىر ماددىسى»دۇر دېگەن ئىدى. سىزنىڭ نەزىرىيىڭىزدىمۇ «ئېن» دىن ئىبارەت ئەڭ كىچىك ماددى بىرلىك ھەققىدە بايانلار بار ئىكەن. بۇمۇ بىر مەلۇمات بولۇپ قالسۇن. ئەتە داۋام قىلارمىز.. ئاللاھقا ئامانەت.