دەۋەتچى قېرىنداشلىمىغا...

يېقىندىن بۇيان مۇنبىرىمىزدە ئىسلامىي تىمىلارنىڭ كۆپىيشىگە ئەگىشىپ،بەزى ئىنسانلار ھەزىم قىلغىلى بولمايدىغان تىمىلارمۇ بارلىققا كىلۋاتىدۇ.ئىسلامنىڭ ھەقىقى ماھيتىنى چۇشەندۇرىدىغان تىمىلار ئاز، شاخچە مەسىلىلەردىكى تالاش – تارتىش كۆپىيۋاتىدۇ. بۇ مۇسۇلمانلارغا ئىنتايىن پايدىسىز بولغان بىر ئىش. بۇلۇپمۇ بەزىبىر ‹بىدئەت› ئاتالغۇلىرىنى بەكمۇ تەرەققىيلاشتۇرۋاتىمىز.چوڭ بىدئەت بىلەن كارىمىز يوق كىچىك بىدئەتلەرنى نىشانغا ئېلۋاتىمىز.بەزىلىرىڭلار بىدئەتنىڭ چوڭ كىچىكى يوق دىيشىڭلار مۇمكىن.خۇددى گۇناھلارنىڭمۇ چوڭ كىچىكى بولغىنىغا ئوخشاش بىدئەتنىڭ چوڭ كىچىكى بۇلىدۇ.بەزى بىدئەتلەر تەرەققىي قىلىپ شىرىككە ئېلىپ بارىدىغان بىدئەتلەر.بۇ بىدئەتلەر جەزمەن تازلىنىشقا تىگىشلىك بىدئەت.يەنە بەزى بىدئەتلەر باركى تەرەققىي قىلالمايدىغان بىر ئىزدىلا داۋام ئىتىدىغان بىدئەت.بۇ بىدئەتكە ئېسلىۋالمىساقمۇ بۇلىدۇ.بۇنداق بىدئەت ئىتقاد تۈزلەنسە،ئىمان-ئىسلامنىڭ ھەقىقىيتى ياخشى چۈشەندۇرۇلسە ئۆزلىگىدىن يۇقايدۇ. ئىسلام دىنى دىيارىمىزغا كىرگىلى مىڭ يىلدىن ئاشقان بولسىمۇ بەزى قېرىنداشلىرىمىزغا ئۆردەككە سۇ يۇقمىغاندەك ئىسلام دىنى يۇقمايۋاتىدۇ.مۇسۇلمانلىق دەۋاسى قىلىدۇيۇ مۇسۇلمانچىلىقنىڭ ئەمەللىرىنىڭ نىمە ئىكەنلىكىنى بىلمەيدۇ.مۇسۇلمانچىلىقنى پەقەتلا ئۇيغۇرچە سۆزلىگەنلىكى ئۈچۈن،اللەنىڭ بارلىقىغا ئىشەنگەنلىكى ئۈچۈن،يىلدا بىرە ئاي رۈزا تۇتۇپ ئىككى ھېيت نامىزىنى ئۇقۇغانلىقى ئۈچۈن، ئاتا-ئانىسىنىڭ ناماز ئۇقۇغانلىقى ئۇچۇنلا ئۆزىنى ‹مەن مۇسۇلمان›دەپ دەۋا قىلىدۇ.بۇ قۇرۇق خىيال. شەھىد سەييىد قۇتۇپ ئۆزىنىڭ رىسالىلىرىدە ‹سىنىڭ ئەرەپ تىلىدا سۆزلىگەنلىكىڭ،ئاتا-ئاناڭنىڭ مۇسۇلمان بولغانلىقى سىنىڭ مۇسۇلمان ئىكەنلىكىڭنى بىلدۇرمەيدۇ› دىگەن. بىزنىڭ مانا مۇشۇنداق ‹مۇسۇلمان›تەخەللۇسىنى قوللىنىۋالغانلار بىلەن كارىمىز يوق.ئۇلار نىمە قىلسا ئۇنى توسمايمىز مۇسۇلمان قېرىنداشلىرىمىزدىن سادىر بولغان ‹بىدئەت›كە چىڭ ئېسلىۋالىمىز.بەزى قېرىنداشلىرمىزنىڭ چىركاۋلارغا كىرىپ كەتكەنلىكىنى كۆرۋاتىمىزيۇ ئۇنى توسمايمىز.مەسچىتكە كىرگەنلەرگە ئارلىشىۋېلىپ‹ئىشتىنىڭنى ئۇزۇن كەيدىڭ،يالاڭباش مەسچىتكە كىردىڭ›دەپ ئۇلارنى ئىسلامدىن يىراقلاشتۇرۋاتىمىز.كىشىلەر پەرزۋە ۋاجىپ ئىشلارنى تەرك ئېتپ يېقىن كەلمەيۋاتسا ئۇلارغا مۇستەھەپ،سۇننەت ئىشلارنى تېڭىپ ئۇلارنى قاچۇرۋېتىش ئەخمىقانىلىك بىر ئىش.

قېرىنداشلار:كۈچنى پەرزگە مەركەزلەشتۈرۈڭلار،ۋاجىبنى ئاساس قىلىڭلار.سۈننەت ۋە مۇستەھەپكە كۆپ كۈچەپ كەتمەي ئىسلام ئەقىدىسىگە بەكرەك ئېسلىڭلار.

كىشىلەر پەرزنى تۇلۇق چۇشۇنۇپ بولغاندا ئاندىن سۇننەتنى چۇشەندۇرسەكمۇ كىچىكىپ قالمايمىز.زىيالىيلارغا زىيالىي ئەقىل بىلەن خىتاب قىلىڭلار.ئىسلامنى چىرايلىق كۆرسىتىڭلار،ئىسلامنىڭ ئالاھىدىلىكى ۋە مەدىنىيتى توغرىسىدا كۆپرەك توختۇلۇڭلار. ئۈزۈڭلارنىڭ ئەخلاقىنى باشقىلارغا نەمۇنە بولغۇدەك دەرىجىدە تۇزىۋېلىڭلار. مۇلايىم سىلىق سىپايە بۇلۇڭلار.گەپ-سۆزلىرىڭلاردىن ،ئىش-ھەركەتلىرىڭلاردىن ئىسلامنىڭ گۈزەل خىسلىتى نامايەن بولسۇن.بەزى خاتالىقلارنى قىلىپ سالغانلارغا كۈيۈمچانلىق بىلەن مۇئامىلە قىلىپ،ئىسلام سېپىگە قايتۇرۇپ كىلىڭلار. دۇختۇر كىسەلگە قانداق مۇئامىلە قىلسا سىلەرمۇ خاتالاشقۇچىغا شۇنداق مۇئامىلە قىلىڭلار.ھەر ۋاقىت رەسۇلۇللەنىڭ مۇنۇسۆزىنى ئەستىن چىقارمايلى.{ئاسانلاشتۇرۇڭلار،تەسلەشتۇرمەڭلار.خۇش بىشارەت بىرىڭلار،ھۈركىتىۋەتمەڭلار ئاللاھنىڭ قېرىنداش بەندىلىرىدىن بۇلۇڭلار}.

قېرىنداشلار سىلەرگە دۇكتۇر يۇسۇف قەرداۋىينىڭ ‹فىقھۇلئەۋلەۋىيات›دىگەن كىتابىنى تەۋسىيە قىلىمەن.

تۇۋەندە يۇسۇپ قەرداۋىينىڭ دەۋەتچى قېرىنداشلىرىمىزغا قىلغان خىتابىنى يەتكۈزىمەن.

1.مۇسۇلمانلارنىڭ دوسلۇقى اللە ۋە ئۇنىڭ دىنى ئۇچۇنلا بۇلىشى:مىللەت،سىياسى تۈزۈم،ۋەتەن،پارتىيە ۋە شەخسلەرگە بولغان مۇھەببىتى ئۇلارنىڭ دىن بىلەن بولغان مۇناسىۋېتىگە،دىنغا يىراق يېقىنلىقىغا قاراپ بۇلىشى لازىم

2.ھەرقانداق مەسىلىدە اللە نىڭ كىتابىنى،پەيغەمبەرنىڭ سەھىھ سۇننتىنى،ئىسلامنىڭ روھىنى جانلىق چۈشىنگەن،ئىسلامدىن ئەسىرلەر بۇيى بىدئەتلەرنى ،باتىل قاراشلار ۋە نادانلارنىڭ تەئۋىللىرىدىن تازلىغان بۇ ئۇممەتنىڭ سالىھ بەندىلىرىنىڭ تۇتقان يۇلىنى ئۆزلىرىنىڭ مىتودى قىلىش لازىم.

3.دەۋەتچى قېرىنداشلارنىڭ ھەرۋاقىت رەسۇل اللەنىڭ مۇئاز بىلەن ئەبۇ مۇسا نى يەمەنگە ئەۋەتكەن چاغدا قىلغان مۇنۇ نەسھىتىنى ئەستىن چىقارماسلىق لازىم

مەن سىلەرگە بۇ نەسھەتنى تەۋسىيە قىلىمەن‹ئاسانلاشتۇرۇڭلار،قىيىنلاشتۇرماڭلار.كىشىلەرگە خۇش بىشارەت بىرىڭلار،قاچۇرۋەتمەڭلار....› دەۋرىمىزدىكى ئالىم ،دەۋەتچى قېرىنداشلىرىمىز بۇ نەسھەتكە نەقەدەر مۇھتاج ھە.........

بۇنداق دىگەنلىك دەۋەتچىلەرنڭ شۇئارى زوراۋانلىق ئەمەس مۇلايىملىق.رادكاللىق ئەمەس ،ئەپۇچان بۇلۇش لازىم.اللە مۇئامىلىدىكى يۇمشاقلىقنى سۈيىدۇ.مىنىڭ ئەپۇچانلىقنى كۆزدە تۇتقىنىم،پەرئى(شاخچە مەسىلىلەر)بۇلۇپ ،ئۇ ھەرگىزمۇ ئۇسۇل ۋە غايىلەرنى ئۆزئىچىگە ئالمايدۇ. كىشىلەر بىلەن مانا بۇ قائىدە ئىچىدە مۇئامىلە قىلىشىمىز لازىم.

4.پەرزلەرنى ئادا قىلىپ گۇناھى كەبىرلەدىن يىراق بولغانلارنى بىزنىڭ دوستىمىز دەپ سانىشىمىز،بىزنىڭ ئۇنىڭ بىلەن بىرگە ئىكەنلىكىمىزنى بىلدۇرۇپ قۇيشىمىز لازىم.گەرچە ئۇلاردا ئۆزلۇكسىز داۋاملاشمايدىغان بىر قىسىم مەكرۇھ ئىشلار،كىچىك گۇناھلار بولسىمۇ ئۇلارنى دوست ساناپ ياخشى ۋەز نەسھەت قىلىپ پكىرلىشىپ ئۇنىڭ بىلەن توغرا يۇلنىشتە بۇلىشىمىز لازىم.

5.ئىتىپاق كەلگەن مەسىلىلەردە ھەمكارلىشىپ ،ئىختىلاپلىشىپ قالغان جايلاردا بىر-بىرىمىزنى ئەپۇ قىلىشىمىز لازىم.دەۋەتچى ئالىم ئۇلىما قېرىنداشلىرىمىز ئۆز-ئارا مۇناسىۋەت ئورنىتىپ ئالاقىلىشىپ تۇرشىمىز لازىم.ئىسلام ئۇلىمالىرى قوللۇغۇچىلىرى بار،تەسرى كۇچى بار كىشىلەر بۇلۇپ ئۇلارنىڭ ھەرقانداق رايۇن ياكى بىر جايدا بىرلىشىشى،ھەمكارلىق ئورنىتىشى ئۇنتايىن زور كۇچنى شەكىللەندۇرىدۇ.

مانا يۇقارقى 5جۇملە سۆز پۇتۇن ئىسلام ئالىملىرىنىڭ رەئىسى دۇكتۇر يۈسۈف قەرداۋىينىڭ روشەن چاقىرقى.

تىمام ئۇزراپ كەتتى. مۇنبەرگە ئىسلامىي تىما يازىدىغان  قېرىنداشلىرىمىز پەقەتلا اللەنىڭ رىزالىقى ئۇچۇنلا دىنىمزنىڭ ئۇستتۇنلىكى ئۇچۇنلا تىرشىۋاتىمىز اللە خالىسا... شۇنداق بولغانىكەن شاخچە مەسىلىلەرگە ئېسلىۋالماي ئەقىدە،تەۋھىد ۋە ھازىرقى جەمىيىتىمىزنىڭ قانداق ئىلىمگە بەكراق ئىھتىياجلىق ئىكەنلىكىنى قېرىنداشلىرىمىزغا بىلدۇرەيلى.مانا مۇشۇنداق قىلغاندا بىدئەتلەر ئۆزلىگىدىن تۈگەيدۇ.

ئۇنداق بولماي ‹دۇئانى قول كۇتۇرۇپ قىلساڭ بىدئەت،ئۆيگە كىرگەندە دۇئا قىلساڭ بىدئەت...........دەپ يىڭىدىن دىننى چۇشىنىشكە باشلىغان قېرىنداشلىرىمزىنى دىندىن يىراقلاشتۇرۇش ئىنتايىن خەتەرلىك ئەھۋال. دىنىمىزدا بۇنىڭدىن كاتتىراق بىدئەت بولمىسا كىرەك.

   اللە ھەممىمىزنى توغرا يول ئۇستىدە قىلسۇن،ئىمانىمىزنى مۇكەممەل،ئېتىقادىمىزنى مۇستەھكەم قىلسۇن ،ھەممىمىزنىڭ قەلبىنى بىر ئادەمنىڭ قەلبىدەك قىلۋەتسۇن امىن..

ئەسسالامۇ-  ئەلەيكۇم  ھەمشىرەم ، يوللىغان  مەنپەئەتلىك تېمىلىرىڭىز  ئۈچۈن ئۇلۇغ اللاھ  دۇنيا  ۋە  ئاخىرەتتە ياخىشىلىقلار   ئاتا  قىلغاي ،  امىين !

‹ئاسانلاشتۇرۇڭلار،قىيىنلاشتۇرماڭلار.كىشىلەرگە خۇش بىشارەت بىرىڭلار،قاچۇرۋەتمەڭلار

يۈرەك قانغۇدەك

رەھمەت قېرىندىشىم

مۇسۇلمان قېرىنداشلىرىمىزدىن سادىر بولغان ‹بىدئەت›كە چىڭ ئېسلىۋالىمىز.بەزى قېرىنداشلىرمىزنىڭ چىركاۋلارغا كىرىپ كەتكەنلىكىنى كۆرۋاتىمىزيۇ ئۇنى توسمايمىز.
-------------
خېنىم،
مەن مۇسۇلمان، دېگەن دەۋاسى بار كىشى قۇرئان، ھەدىس كۆرسەتمىسىگە ئۇنىماي بىدئەتچىلىك قىلىۋاتسا، مۇسۇلمان ئەمەس ئادەمنىڭ گەپ ئاڭلىشى تېخىمۇ يىراق.

ئاندىن بىدئەتچى يۈسۈپ كىتابلىرىنى ھەممىلا ئادەم ياقتۇرۇپ كەتمەيدۇ. بوش ماختىغىڭىز تۈزۈك.

      بۇ تېمىنى ئلگىرى «ئىلىم»ئىسىملىك بىر قېرىندىشىمىزمۇ يوللىغان،بۇ تېما كۆپچىلىكنىڭ ھۇزۇرىغا يەنە بىر قېتىم سۇنۇلدى.بولۇپمۇ مۇشۇ ڭش بىلەن مەشغۇل بولىۋاتقان قېرىنداشلارنىڭ ئارقا-ئارقىدىن باشقىلار تەرىپىدىن«قىلغىلى ئىش تاپالماي قالغان»دېگەندەك بىھۇدە گەپلەرگە ئۇچراپ قول ئۈزمەكچى بولۋاتقان قېرىنداشلارغا ئىلھام بۇلۇش سۈپىتىدە،ھەق يول ئۈستىدە ئىزدىنىۋاتقان،كۆپلەپ ئەرزىيەت چېكىۋاتقان،ئاز بولمىغان مالەمەتلەرگە ئۇچىرسىمۇ يەنىلا اللە رىزالىقىنى كۆزلەپ سەۋىرچانلىق بىلەن مېڭىۋاتقان قېرىنداشلىرى،ىزغا پايدىسى بۇلۇپ قالار دېگەن ئۈمىدتە يەنە بىر قېتىم يوللاندى.جانابىي اللە دىن ھەممىمىزگە تەۋپق-ھىدايەت تىلەيمەن،اللە باسقان قەدىمىڭلار ئۈچۈن،تارتقان ھەربىر ئەرزىيتىڭلار ئۈچۈن اللە كۆپلەپ ئەجىر بەرسۇن،امىن...

ئىشلىتىش

بۇ مەزمۇن 3قەۋەتتىكى qutluq نىڭ 2011-11-15 21:42 يوللىغان يازمىسىغا نەقىل   :
مۇسۇلمان قېرىنداشلىرىمىزدىن سادىر بولغان ‹بىدئەت›كە چىڭ ئېسلىۋالىمىز.بەزى قېرىنداشلىرمىزنىڭ چىركاۋلارغا كىرىپ كەتكەنلىكىنى كۆرۋاتىمىزيۇ ئۇنى توسمايمىز.
-------------
خېنىم،
مەن مۇسۇلمان، دېگەن دەۋاسى بار كىشى قۇرئان، ھەدىس كۆرسەتمىسىگە ئۇنىماي بىدئەتچىلىك قىلىۋاتسا، مۇسۇلمان ئەمەس ئادەمنىڭ گەپ ئاڭلىشى تېخىمۇ يىراق.

.......

ئەپەندىم،
ئەقلىڭىز جايىدىمۇ؟ بىدئەت دېگەن سۆزنىڭ تىرناق ئىچىگە ئېلىنغىنىنى كۆزىڭىز كۆرمىدىمۇ؟
چىركاۋغا كىرىپ كېتىۋاتقانلار سىزنىڭ قېرىنداشلىرىڭىزنىڭ ئەۋلادلىرى بولماي نېمە؟ ئۇلار مۇسۇلمان بولماي كاپىر يارىتىلىپتىمىكەن؟  ئاتا -ئانىسى ئىنجىلدىن تەلىم بېرىپتىمىكەن؟ شۇلارمۇ چىركاۋغا كىرىپ كېتىشتىن بۇرۇن مۇسۇلمان بولغىيتتى؟
..........
«بىدئەتچى يۈسۈپ كىتابلىرى» نى نېمە دەپ ماختاپتۇ؟    پەقەت ئوقۇپ بېقىشقا تەۋسىيە قىلىپتۇغۇ؟  ئۇ كىتابتا خاتالىق بار دەيلى بوپتۇ،  خاتالىق بار كىتابنى ئوقۇشقا بولمامدىكەن؟ ئوقۇپ بېقىشقا تەۋسىيە قىلسا بولمامدىكەن؟  ئوقۇمىسا خاتالىقنى قانداق بىلىدۇ؟  
مەن سىزگە «مۇھەممەد ئەلەيھسالام ھەققىدە قىسسە»  دېگەن كىتابنى ئوقۇپ بېقىشنى تەۋسىيە قىلىمەن. (ئۇيغۇرچە نەشىر قىلىنغان كىتاب)
  «مۇھەممەد ئەلەيھسالام ھەققىدە قىسسە» دېگەن كىتابتا پەيغەمبىرىمىز قاتتىق ھاقارەتلەنگەن، نۇرغۇن بوھتان چاپلانغان، دىنىمىز قاتتىق مازاق قىلىنغان، ئاللاھنى تولۇق ئىنكار قىلغان،  مەن ئۆمرۈمدە بۇنداق ئەسكى كىتابنى كۆرۈپ باقمىدىم،  ئەمما مەن سىزگە بۇ كىتابنى ئوقۇشنى تەۋسىيە قىلىمەن.  
سىز سالمان راشىد توغرىسىدىكى ۋەقەنى بىلەمسىز؟ ئەگەر بىلسىڭىز بۇ كىتابنىڭ پەيغەمبىرىمىزگە سالمان راشىد يازغان كىتابتىن نەچچە يۈز ھەسسە كۆپ بوھتان چاپلىغانلىقىنى كۆرىسىز.  

ئىشلىتىش

بۇ مەزمۇن 5قەۋەتتىكى oylinish نىڭ 2011-11-15 21:59 يوللىغان يازمىسىغا نەقىل :

مەن سىزگە «مۇھەممەد ئەلەيھسالام ھەققىدە قىسسە»  دېگەن كىتابنى ئوقۇپ بېقىشنى تەۋسىيە قىلىمەن. (ئۇيغۇرچە نەشىر قىلىنغان كىتاب)
.......

كىم يازغان كىتابكەن؟ قاچان نەشردىن چىقىپتۇ؟ كىم تەرجىمە قىپتۇ؟ باھاسى قانچە پۇلكەن؟ ئىنكاسىڭىزغا قارايمەن.

    ئەسسىلامۇ ئەلەيكۇم،مەن تېخى بايام «تۆگە گۆشى يېسە تاھارەت سۇنىدۇ»دېگەن تېمىڭىزدا رىدا بىلەن ئېلىپ بېرىلغان ئىكاسلىرىڭىزنىڭ ھەممىسىنى كۆرۈپ چىقتىم.سىز بىلەن تۇتامىغا چىقمايدىغان ئشلار ئوتتۇرسىدا تاللىشىپ ئولتۇرمايمەن.بۇ بىر خىل جاھىللىق خالاس.ئۆزبېك ئالىم ئابدۇۋېلى قارىمنىڭ 16-دەرس«اللەنىڭ بەندىلىرى ۋە ئۇنىڭ سۈپەتلىرى»دېگەن دەرستە بۇ خىل مەزمۇنلار بار،ئاڭلاپ بېقىشىڭىشنى تەۋسىيە قىلىمەن.ئاندىن سىز پۈتكۈل دۇنيا مۇسۇلمانلىرى ئېتراپ قىلىۋاتقان ئسلامدا ئوتتۇرا يول تۇتۇۋاتقان يۈسۈپ قەرداۋىينى بىدئەتچى قاتارىغا چىقىرۋەتتىڭىز دەڭە....قالتىستە.............
                ئۆزۈمگە ئارتۇقتىن ئارتۇق كۆڭۈل ئاغرىقى تېپىۋالغۇم يوق.سىزگە بۇ ئككى ھەدىسنى ھەدىيە قىلاي،خۇشياقمىسىمۇ ئاڭلاپ قويۇڭ؛
               ...«اللە مۇلايىم بۇلۇپ ھەرقانداق ئشتا مۇلايىم بولغان كىشىنى ياخشى كۆرىدۇ.»سەھىھ ھەدىس.(ئەپسۇس رىۋايەت قىلغۇچىسىنى ئۇنتۇپ قاپتىمەن.)
             ئابدۇللا ئبنى مەسئۇد رەزىاللاھۇ ئەنھۇدىن رىۋايەت قىلندۇكى،پەيغەمبەر سەللالاھۇ ئەلەيھى ۋەسسەلەم مۇنداق دېگەن:«قەلبىدە زەررىچىلىك تەككەببۇرلۇق بۇلغان ئادەم جەننەتكە كىرەلمەيدۇ،ھەققەتەن بىر ئادەم كىيمىنىڭ ۋە ئايىقىنىڭ چىرايلىق بۇلۇشىنى ئۈمىد قىلىدۇ.رەسسۇللاھ(س ئە ۋ)اللە گۈزەلدۇر گۈزەللىكىنى ياخشى كۆرىدۇ،تەككەببۇرلۇق دېگىنىمىز:ھەقنى ئىنكار قىلىش،باشقىلارنى تۆۋەن كۆرۈش.»

ئىشلىتىش

بۇ مەزمۇن 6قەۋەتتىكى qutluq نىڭ 2011-11-15 22:05 يوللىغان يازمىسىغا نەقىل   :

كىم يازغان كىتابكەن؟ قاچان نەشردىن چىقىپتۇ؟ كىم تەرجىمە قىپتۇ؟ باھاسى قانچە پۇلكەن؟ ئىنكاسىڭىزغا قارايمەن.

ئۇ كىتاب ھازىر مەندە يوق. كىتابنىڭ نەشىر قىلىنغىنىغا كەم دېگەندىمۇ 15 يىل بولدى، كىتابنى خەنزۇ يازغان،  تەرجىمانىنىڭ ئىسمى يېزىلمىغان،  بەلكىم ئېھتىيات قىلغاندۇ. باھاسى 2 يۈەن بولۇشى مۇمكىن.

قۇتلۇق ئەپەندى!!!  سىلى ھەر قانداق مەسىلىدە ئالدىرماي ، ئويلۇنۇپراق گەپ قىلسىلا؟
يۈسۈف  قەرداۋىنى (بىدئەتچى)  دەۋاتىلا؟ بۇنىڭغا نىمە ئاساس بىلەن شۇنداق دىدىلە؟
ئۆزىمىزدىن چوڭ ئالىملارنىڭ خاتالىقنى كۆرگەندە ، خاتا بولسا ئالمىساق بولىدىغۇ؟  ئىگىسىنى ئاقچى-كۆكچى دىمىسەكمۇ بۇلىدىغۇ؟
ئۇنىڭ باشقا ياخشى ئىشلىرىمۇ باردۇ بەلكىم!!!!
بىز دىن ھازىر مۇسۇلمانلارنى تۈرگە ئايرىپ،ئۇلارغا ھەر خىل ناملارنى بىرىش تەلەپ قىلىنمايدۇ!!! بەلكى، ئۇلارنىڭ ئارىسنى ئامال بار بىرلىككە كەلتۈرۈش تەلەپ قىلىنىدۇ،
مۇسۇلمانلارنىڭ بىرلىكى مۇھىممۇ؟ ياكى كىچىك مەسىلىلەردە ئىختىلاپلىشىشمۇ؟
ئاددى كىچىك ، فەرئى مەسىلىلەر  مۇسۇلمانلارنىڭ بىرلىكىگە تەسىر يەتكۈزمەسلىكى كېرەك ئىدى!
ئەمما بىز ھازىر ئۈممەتنىڭ بىرلىكىگە ،ئىتىپاقلىقىغا مۇناسىۋەتلىك، ھەم  ئاساسلىق مۇھىم مەسىللەرنى بىر ياقتا قۇيۇپ ، كىچىك ئىشلار بىلەن مەشغۇل بولىۋاتىمىز!!!
بىز مۇشۇ تەرىقىدە ماڭساق كەلگۈسىمىز قانداق بۇلار!!!!
بىزگە بىرلىك ،ئىتىپاقلىق بەك بەك مۇھىم!!!
بىرلىكى يوق قويلارنى بۆرىلەر تىز يەۋىتىدۇ،
ھەممىمىز ئىسلامغا كىرمىگەنلەرنى ئىسلامغا كىرگۈزۈشكە تىرىشايلى!
ۋەزىپىمىزنى ئۇنۇتمايلى!