دەۋەتچى قېرىنداشلىمىغا...

يېقىندىن بۇيان مۇنبىرىمىزدە ئىسلامىي تىمىلارنىڭ كۆپىيشىگە ئەگىشىپ،بەزى ئىنسانلار ھەزىم قىلغىلى بولمايدىغان تىمىلارمۇ بارلىققا كىلۋاتىدۇ.ئىسلامنىڭ ھەقىقى ماھيتىنى چۇشەندۇرىدىغان تىمىلار ئاز، شاخچە مەسىلىلەردىكى تالاش – تارتىش كۆپىيۋاتىدۇ. بۇ مۇسۇلمانلارغا ئىنتايىن پايدىسىز بولغان بىر ئىش. بۇلۇپمۇ بەزىبىر ‹بىدئەت› ئاتالغۇلىرىنى بەكمۇ تەرەققىيلاشتۇرۋاتىمىز.چوڭ بىدئەت بىلەن كارىمىز يوق كىچىك بىدئەتلەرنى نىشانغا ئېلۋاتىمىز.بەزىلىرىڭلار بىدئەتنىڭ چوڭ كىچىكى يوق دىيشىڭلار مۇمكىن.خۇددى گۇناھلارنىڭمۇ چوڭ كىچىكى بولغىنىغا ئوخشاش بىدئەتنىڭ چوڭ كىچىكى بۇلىدۇ.بەزى بىدئەتلەر تەرەققىي قىلىپ شىرىككە ئېلىپ بارىدىغان بىدئەتلەر.بۇ بىدئەتلەر جەزمەن تازلىنىشقا تىگىشلىك بىدئەت.يەنە بەزى بىدئەتلەر باركى تەرەققىي قىلالمايدىغان بىر ئىزدىلا داۋام ئىتىدىغان بىدئەت.بۇ بىدئەتكە ئېسلىۋالمىساقمۇ بۇلىدۇ.بۇنداق بىدئەت ئىتقاد تۈزلەنسە،ئىمان-ئىسلامنىڭ ھەقىقىيتى ياخشى چۈشەندۇرۇلسە ئۆزلىگىدىن يۇقايدۇ. ئىسلام دىنى دىيارىمىزغا كىرگىلى مىڭ يىلدىن ئاشقان بولسىمۇ بەزى قېرىنداشلىرىمىزغا ئۆردەككە سۇ يۇقمىغاندەك ئىسلام دىنى يۇقمايۋاتىدۇ.مۇسۇلمانلىق دەۋاسى قىلىدۇيۇ مۇسۇلمانچىلىقنىڭ ئەمەللىرىنىڭ نىمە ئىكەنلىكىنى بىلمەيدۇ.مۇسۇلمانچىلىقنى پەقەتلا ئۇيغۇرچە سۆزلىگەنلىكى ئۈچۈن،اللەنىڭ بارلىقىغا ئىشەنگەنلىكى ئۈچۈن،يىلدا بىرە ئاي رۈزا تۇتۇپ ئىككى ھېيت نامىزىنى ئۇقۇغانلىقى ئۈچۈن، ئاتا-ئانىسىنىڭ ناماز ئۇقۇغانلىقى ئۇچۇنلا ئۆزىنى ‹مەن مۇسۇلمان›دەپ دەۋا قىلىدۇ.بۇ قۇرۇق خىيال. شەھىد سەييىد قۇتۇپ ئۆزىنىڭ رىسالىلىرىدە ‹سىنىڭ ئەرەپ تىلىدا سۆزلىگەنلىكىڭ،ئاتا-ئاناڭنىڭ مۇسۇلمان بولغانلىقى سىنىڭ مۇسۇلمان ئىكەنلىكىڭنى بىلدۇرمەيدۇ› دىگەن. بىزنىڭ مانا مۇشۇنداق ‹مۇسۇلمان›تەخەللۇسىنى قوللىنىۋالغانلار بىلەن كارىمىز يوق.ئۇلار نىمە قىلسا ئۇنى توسمايمىز مۇسۇلمان قېرىنداشلىرىمىزدىن سادىر بولغان ‹بىدئەت›كە چىڭ ئېسلىۋالىمىز.بەزى قېرىنداشلىرمىزنىڭ چىركاۋلارغا كىرىپ كەتكەنلىكىنى كۆرۋاتىمىزيۇ ئۇنى توسمايمىز.مەسچىتكە كىرگەنلەرگە ئارلىشىۋېلىپ‹ئىشتىنىڭنى ئۇزۇن كەيدىڭ،يالاڭباش مەسچىتكە كىردىڭ›دەپ ئۇلارنى ئىسلامدىن يىراقلاشتۇرۋاتىمىز.كىشىلەر پەرزۋە ۋاجىپ ئىشلارنى تەرك ئېتپ يېقىن كەلمەيۋاتسا ئۇلارغا مۇستەھەپ،سۇننەت ئىشلارنى تېڭىپ ئۇلارنى قاچۇرۋېتىش ئەخمىقانىلىك بىر ئىش.

قېرىنداشلار:كۈچنى پەرزگە مەركەزلەشتۈرۈڭلار،ۋاجىبنى ئاساس قىلىڭلار.سۈننەت ۋە مۇستەھەپكە كۆپ كۈچەپ كەتمەي ئىسلام ئەقىدىسىگە بەكرەك ئېسلىڭلار.

كىشىلەر پەرزنى تۇلۇق چۇشۇنۇپ بولغاندا ئاندىن سۇننەتنى چۇشەندۇرسەكمۇ كىچىكىپ قالمايمىز.زىيالىيلارغا زىيالىي ئەقىل بىلەن خىتاب قىلىڭلار.ئىسلامنى چىرايلىق كۆرسىتىڭلار،ئىسلامنىڭ ئالاھىدىلىكى ۋە مەدىنىيتى توغرىسىدا كۆپرەك توختۇلۇڭلار. ئۈزۈڭلارنىڭ ئەخلاقىنى باشقىلارغا نەمۇنە بولغۇدەك دەرىجىدە تۇزىۋېلىڭلار. مۇلايىم سىلىق سىپايە بۇلۇڭلار.گەپ-سۆزلىرىڭلاردىن ،ئىش-ھەركەتلىرىڭلاردىن ئىسلامنىڭ گۈزەل خىسلىتى نامايەن بولسۇن.بەزى خاتالىقلارنى قىلىپ سالغانلارغا كۈيۈمچانلىق بىلەن مۇئامىلە قىلىپ،ئىسلام سېپىگە قايتۇرۇپ كىلىڭلار. دۇختۇر كىسەلگە قانداق مۇئامىلە قىلسا سىلەرمۇ خاتالاشقۇچىغا شۇنداق مۇئامىلە قىلىڭلار.ھەر ۋاقىت رەسۇلۇللەنىڭ مۇنۇسۆزىنى ئەستىن چىقارمايلى.{ئاسانلاشتۇرۇڭلار،تەسلەشتۇرمەڭلار.خۇش بىشارەت بىرىڭلار،ھۈركىتىۋەتمەڭلار ئاللاھنىڭ قېرىنداش بەندىلىرىدىن بۇلۇڭلار}.

قېرىنداشلار سىلەرگە دۇكتۇر يۇسۇف قەرداۋىينىڭ ‹فىقھۇلئەۋلەۋىيات›دىگەن كىتابىنى تەۋسىيە قىلىمەن.

تۇۋەندە يۇسۇپ قەرداۋىينىڭ دەۋەتچى قېرىنداشلىرىمىزغا قىلغان خىتابىنى يەتكۈزىمەن.

1.مۇسۇلمانلارنىڭ دوسلۇقى اللە ۋە ئۇنىڭ دىنى ئۇچۇنلا بۇلىشى:مىللەت،سىياسى تۈزۈم،ۋەتەن،پارتىيە ۋە شەخسلەرگە بولغان مۇھەببىتى ئۇلارنىڭ دىن بىلەن بولغان مۇناسىۋېتىگە،دىنغا يىراق يېقىنلىقىغا قاراپ بۇلىشى لازىم

2.ھەرقانداق مەسىلىدە اللە نىڭ كىتابىنى،پەيغەمبەرنىڭ سەھىھ سۇننتىنى،ئىسلامنىڭ روھىنى جانلىق چۈشىنگەن،ئىسلامدىن ئەسىرلەر بۇيى بىدئەتلەرنى ،باتىل قاراشلار ۋە نادانلارنىڭ تەئۋىللىرىدىن تازلىغان بۇ ئۇممەتنىڭ سالىھ بەندىلىرىنىڭ تۇتقان يۇلىنى ئۆزلىرىنىڭ مىتودى قىلىش لازىم.

3.دەۋەتچى قېرىنداشلارنىڭ ھەرۋاقىت رەسۇل اللەنىڭ مۇئاز بىلەن ئەبۇ مۇسا نى يەمەنگە ئەۋەتكەن چاغدا قىلغان مۇنۇ نەسھىتىنى ئەستىن چىقارماسلىق لازىم

مەن سىلەرگە بۇ نەسھەتنى تەۋسىيە قىلىمەن‹ئاسانلاشتۇرۇڭلار،قىيىنلاشتۇرماڭلار.كىشىلەرگە خۇش بىشارەت بىرىڭلار،قاچۇرۋەتمەڭلار....› دەۋرىمىزدىكى ئالىم ،دەۋەتچى قېرىنداشلىرىمىز بۇ نەسھەتكە نەقەدەر مۇھتاج ھە.........

بۇنداق دىگەنلىك دەۋەتچىلەرنڭ شۇئارى زوراۋانلىق ئەمەس مۇلايىملىق.رادكاللىق ئەمەس ،ئەپۇچان بۇلۇش لازىم.اللە مۇئامىلىدىكى يۇمشاقلىقنى سۈيىدۇ.مىنىڭ ئەپۇچانلىقنى كۆزدە تۇتقىنىم،پەرئى(شاخچە مەسىلىلەر)بۇلۇپ ،ئۇ ھەرگىزمۇ ئۇسۇل ۋە غايىلەرنى ئۆزئىچىگە ئالمايدۇ. كىشىلەر بىلەن مانا بۇ قائىدە ئىچىدە مۇئامىلە قىلىشىمىز لازىم.

4.پەرزلەرنى ئادا قىلىپ گۇناھى كەبىرلەدىن يىراق بولغانلارنى بىزنىڭ دوستىمىز دەپ سانىشىمىز،بىزنىڭ ئۇنىڭ بىلەن بىرگە ئىكەنلىكىمىزنى بىلدۇرۇپ قۇيشىمىز لازىم.گەرچە ئۇلاردا ئۆزلۇكسىز داۋاملاشمايدىغان بىر قىسىم مەكرۇھ ئىشلار،كىچىك گۇناھلار بولسىمۇ ئۇلارنى دوست ساناپ ياخشى ۋەز نەسھەت قىلىپ پكىرلىشىپ ئۇنىڭ بىلەن توغرا يۇلنىشتە بۇلىشىمىز لازىم.

5.ئىتىپاق كەلگەن مەسىلىلەردە ھەمكارلىشىپ ،ئىختىلاپلىشىپ قالغان جايلاردا بىر-بىرىمىزنى ئەپۇ قىلىشىمىز لازىم.دەۋەتچى ئالىم ئۇلىما قېرىنداشلىرىمىز ئۆز-ئارا مۇناسىۋەت ئورنىتىپ ئالاقىلىشىپ تۇرشىمىز لازىم.ئىسلام ئۇلىمالىرى قوللۇغۇچىلىرى بار،تەسرى كۇچى بار كىشىلەر بۇلۇپ ئۇلارنىڭ ھەرقانداق رايۇن ياكى بىر جايدا بىرلىشىشى،ھەمكارلىق ئورنىتىشى ئۇنتايىن زور كۇچنى شەكىللەندۇرىدۇ.

مانا يۇقارقى 5جۇملە سۆز پۇتۇن ئىسلام ئالىملىرىنىڭ رەئىسى دۇكتۇر يۈسۈف قەرداۋىينىڭ روشەن چاقىرقى.

تىمام ئۇزراپ كەتتى. مۇنبەرگە ئىسلامىي تىما يازىدىغان  قېرىنداشلىرىمىز پەقەتلا اللەنىڭ رىزالىقى ئۇچۇنلا دىنىمزنىڭ ئۇستتۇنلىكى ئۇچۇنلا تىرشىۋاتىمىز اللە خالىسا... شۇنداق بولغانىكەن شاخچە مەسىلىلەرگە ئېسلىۋالماي ئەقىدە،تەۋھىد ۋە ھازىرقى جەمىيىتىمىزنىڭ قانداق ئىلىمگە بەكراق ئىھتىياجلىق ئىكەنلىكىنى قېرىنداشلىرىمىزغا بىلدۇرەيلى.مانا مۇشۇنداق قىلغاندا بىدئەتلەر ئۆزلىگىدىن تۈگەيدۇ.

ئۇنداق بولماي ‹دۇئانى قول كۇتۇرۇپ قىلساڭ بىدئەت،ئۆيگە كىرگەندە دۇئا قىلساڭ بىدئەت...........دەپ يىڭىدىن دىننى چۇشىنىشكە باشلىغان قېرىنداشلىرىمزىنى دىندىن يىراقلاشتۇرۇش ئىنتايىن خەتەرلىك ئەھۋال. دىنىمىزدا بۇنىڭدىن كاتتىراق بىدئەت بولمىسا كىرەك.

   اللە ھەممىمىزنى توغرا يول ئۇستىدە قىلسۇن،ئىمانىمىزنى مۇكەممەل،ئېتىقادىمىزنى مۇستەھكەم قىلسۇن ،ھەممىمىزنىڭ قەلبىنى بىر ئادەمنىڭ قەلبىدەك قىلۋەتسۇن امىن..

ئاللاھ ھەممىڭلارغا رەھمەتلرىنى ياغدۇرۇپ بەرسۇن! شۇنداق ياخشى تىما يوللاپسىلەر ھەم شۇنداق ياخشى ئىنكاسلارنى يىزىپسىلەر. مەنمۇ ھازىرغىچە ھەرقانداق ئىتىلاپنى يامان كۆرمەن ھەم ھەرقانداق بولۇنۇشكە بەكلا ئۆچ.ئىختىلاپ قىلىشقانلارنى يامان كۆرەتتىم لىكىن قىرىنداشلىرىمنىڭ شۆزلىرىنى ئاڭلاپ بەزى ئىختىلاپنى ئەگەشكۇچى مۇسۇلمانلار قىلىشماي ئىلمىي ھالدا ئالىم يول باشچى مۇسۇلمانلارنىڭ قىلشىپ پىكىر بىرلىكى ھاسىل قىلشىنىڭ بەك زورۇرلىكىنى ھىس قىلدىم.
مەنمۇ شەخسەن ھەرقانداق ئادەمنىڭ ياكى تارىخى مەسىلنىڭ ۋە ياكى بىر تەشكىلتنىڭ توغرىسىنى قوبول قىلىپ خاتاسىدىن ئىبرەت ئىلىشنى ئۆزۇمگە مىزان قىلغانمەن.پەقەت ئىمانغا تاقىشىدىغان مەسلە بولمىسىلا قايسى مۇسۇلمانلارغا قولاي ۋە پايدىلىق بولسا شۇنى قىلىشنى زورور دەپ قارايمەن.ھەم كىچە كۇندۇز مەزھەپ بولونىشى مەسىللىرى ماجرالىرىنى كۆرمىسەم ھەم بولمىسىكەن دەيمەن. بولمىسا ياتلارنىڭ ئارنى ئايرىپ يىتىم قالدۇرۇش قىلتىقىغا چۇشۇپ قوش مەسچىت ۋەقەسىنى قايتا ئويناپ باللىزمىزنىڭ ئاھانىتىگە قالدىغان گەپ.
شۇڭا مەيلى يۇسۇپ قارداۋىينى دەيلى،سەيىد قۇتۇپنى دەيلى.ۋە ياكى زامانىمىز ئالىملىردىن ھەرقانداق بىرىنى دەيلى كەمچىلىكتىن خالى ئەمەس.ھەم ئۇلار بىزنىڭ ئاچا سىڭىل ئاكا ئىنلىرمىزدەك يىنىمىزدا تۇرمىغاندىكىن بىزنىڭ ئەھۋالىمىزدىن خەۋرى يوق.شۇڭا بەزى ھۆكۇملىرى چۇشمەيدۇ.خالىغانلار چۇشكەنلەر خالىس ئەمەل قىلسۇن خالىمىغانلار ئۇلار بىلەن پىكىرلەشمىگۇچە بدئەت دىمىسۇن.ئابدىقادىر داموللامنىمۇ بىدئەت دەپ ئولتەرگەنلەرمۇ بىزنىڭ ئاتا بوۋلىرىمىز.ئىشەكمۇ پۇتى شىپىلغان كۆۋرۇكتىن ئىككىنچى ماڭمايدۇ. دىسەم خاپا بولماڭلار ھىتلىر لىنىن ۋە شۇنىڭدەك بەزى باتىلللارنىڭ ئىرادىسى ۋە بەزى قابىليەتلىرى بىزدە ئازراقمۇ يوق.بەزىدە ئەرەپ پادىشاھلىرغا ئۇلارنىڭ پوقلىرنى ئازراق يىگۇزۇپ قويغۇم كىلدۇ.
بىلىم چىن دا بولسىمۇ ئىلىش شۇنداق زورۇر(بىز شۇ يەردە بولساقمۇ) مەيلى كىمنىڭ توغرا بولسۇن ئىمانغا تاقاشمەيدىغان ئاللاھنىڭ نۇرىنى تارىتىدىغان ئۇلگىلىك ئىشلار بولسا قوبول قىلايلى.(يولباشچىمىز كۆرسەتكەن يول يىتەرلىك ئىدى،لىكىن زامانىۋىيلىشىپ بەك ئۇنىڭغا زەڭ سالغىمىز كەلمىگەندىكىن.بىزنىڭ بىر دوستىمىز بۇنداقلارنى لىڭسىگۇڭ مۇسۇلمان دەپ چاقچاق قىلاتتىقان.دىمسىمۇ رەسۇلىمىز دىدى دىسە ھەيران قالماي قايسى بىر دوكتۇر دىدى دىسە ياقا يىرتىپ ھەيران قالمىز.)
شۇڭا قىرىنداشلىرىم ئىيىتقاندەك ئىسلام ئىتتىپاقلىقى ياشسۇن! ھەم بىزنىڭ مەسئۇليىتىمىز ئىسلامنى تەشۋىق قىلىش .ھىدايەت ئاللاھنىڭ ئىلكىدە.شۇڭا ئىسلامنىڭ ئابرويىنى ئانمىزنى قوغدىغاندىنمۇ بەكرەك قوغدايلى.گۇناھلارنى قىرىنداشلىرمىزنىڭ ئالدىدا قىلىپ سالساق ھىچ گەپ يوق(بولسا قىلمايلى)يات دىندىكىلەرگە ئولسەكمۇ يامان كۆرسەتمەيلى بۇ دىننى.ياخشى ئىت ئىگسىگە ئۆلگىنى كۆرسەتمەيمىش.ھەم قىرىنداشلارنىڭ ھەرقانداق بىرىنى تىللىماسلىقىنى بەكلا تەۋسىيە قىلمەن.بولمىسا ئوركۇپ كەتكەن زىناخور،نەشكەش ۋە ئاقچىلار قىيامەتتە سىىلەرگىمۇ ئاز بولمىغان گۇناھلارنى يۇكلەپ قويمىسۇن.
ئاخردا دەۋەتچى قىرىنداشلىرمغا رەھمەت جاسارەت غەيرەت ئۇتۇق سالامەتلىك دائىما توغرا يول تىلەيمەن!ئامىن