ئەسسالامۇ ئەلەيكۇم قېرىنداشلار ئۆتكەندە بىر تويدا مۇنداق بىر ئىش يۈز بەردى.داستىخان چوڭ ھەم پۈتۈنلا سېلىنغاچقا ساھىپخان مىھمانلارغا تاماق سۇنۇشتا سەل قىينىلىپ قالدى.شۇنىڭ بىلەن تۆردە ئولتۇرغان كىشى داستىخانغا دەسسەپ كىرىۋىرىڭ دەپ تەكلىپ بىرىۋىدى.ئۇ سەل ئارسالدى بولۇپ كىرمەكچى بولدى.دەل شۇ چاغدا يېنىمدىكى دوستۇم ئىتتىكلا ھاي!داستىخانغا دەسسىمىسىلە دىۋىدى تۆردىكى كىشىنىڭ ئاچچىغى كىلىپ دەسسەۋەرسىلە،ھىچگەپ يوق ،نەدىكى بىر زىيالىلار مۇشۇنداق گەپلەرنى تېپىپ يۈرىدىكەن.بىزنىڭ دىنىمىزنىڭ زىيالىلارغا ئىھتىياجى يوق،ئۇلار بىزنىڭ دىنىمىزنى بەلگىلەپ بىرەلمەيدۇ دەپ قايناپلا كەتتى..ئاندىن تۆۋەندىكىدەك بىر قانچە دەلىللەرنى سۆزلەپ ئۆتتى.
1- دىنىمىزنىڭ ھىچقانداق بىر كىتاۋىدا داستىخانغا دەسسەشكە بولمايدۇ دەيدىغان پەتىۋا يوق. شۇڭا بۇنى توسۇشنىڭ ھاجىتى يوق.
2- ئەسلىدە جاينامازنى ھەممىدىن پاكىز تۇتۇشىمىز كىرەك ئىدى.. لىكىن جاينامازغىمۇ پايپاق بىلەن دەسسەۋىرىمىزغۇ؟ داستىخانغا دەسسىسەك نىمە بوپتۇ؟
3-دىنىمىز ۋە ئۆرپ –ئادىتىمىز بىزگە مىھماننى ياخشى كۈتۈشنى بۇيرۇيدۇ..ئەگەر داستىخانغا دەسسەشكە يول قويمىساق مىھماننى خىزمەتكە سېلىپ تاماق سۇنغىلى سالىدىغان ئىش چىقىدۇ..شۇنىڭ بىلەن مىھماننى ھۆرمەت قىلمىغان بولىمىز .شۇڭا ساھىپخان داستىخاننى دەسسىسىمۇ مەيلى مىھماننى خىزمەتكە سالساق بولمايدۇ..ۋاھاكازالار
شۇنداق قىلىپ ئۇ كىشىنىڭ قايتا –قايتا تەكلىپ قىلىشى بىلەن ساھىپخان چوغنىڭ ئۈستىدە ماڭغاندەك مېڭىپ تاماق سۇنۇشقا،چاي قۇيۇشقا باشلىدى..ئىچىمىزدە ئىنتايىن بىئاراملىق ھىس قىلىپ سورۇندىن قايتىپ چىقتۇق..ئەگەر تۆردىكى كىشى ئادەتتىكى بىر ئادەم بولغان بولسا بۇنىڭ كارايىتى چاغلىق ئىدى..ئەمما ئۇكىشى بولسا نۇرغۇن ئىخلاسمەن ياشلارنىڭ ھۆرمىتىگە ئىرىشكەن ياش بىر ئۆلىما ۋە ئاۋات بىر مەسجىدنىڭ خاتىپى ئىدى..كۆڭلۈمدىكى گەپنى قىلسام ئۇ كىشىنىڭ سۆزلىرى ۋە كەلتۈرگەن دەلىل-ئىسپاتلىرى ماڭا پەقەتلا ياقمىدى.. ئەمما ئۇنىڭ بىلەن نەخ مەيداندا مۇنازىرە ئۆتكۈزۈش بىئەپ ھەم ئارتۇقچە ئىدى..شۇڭا دوستلار بىلەن بۇ مەسىلىنى ئورتاقلاشقۇم كەلدى..قېنى ھەر قايسىڭلارمۇ يۇقارقى مەسىلىگە قارىتا ئويلىغىنىڭلارنى دەپ باقساڭلار.داستىخانغا دەسسەش زادى توغرىمۇ –خاتامۇ؟كەلتۈرۈلگەن دەلىل-ئىسپاتلارچۇ؟
