ئاتىغايمەن بۇ يولغا مال-بىساتىم، جېنىمنى
كىچىكىمدىن ئۆگەنگەن ئون بەش يىللىق بىلىمنى.
گۇناھلاردىن قايتۇراي پۇتۇمنى ھەم تىلىمنى،
توغرا يولغا يېتەكلەي ئېزىپ كەتكەن ئىنىمنى.

توغرا يولغا يېتەكلەي ئېزىپ كەتكەن ئىنىمنى،                          
ھەمدە بىللە ئۆگىنەي دىنىمدىكى ئىلىمنى،
كۆپ ئۆتكۈزدۈم گۇناھنى بىلىپ بىلمەي ئىلگىرى،
مەغفىرەتلەر تىلەيمەن پاكلاپ تەن ۋە دىلىمنى.

ئىشلىتىش

بۇ مەزمۇن 21قەۋەتتىكى لۇتفى نىڭ 2011-10-03 22:06 يوللىغان يازمىسىغا نەقىل   :
توغرا يولغا يېتەكلەي ئېزىپ كەتكەن ئىنىمنى،                          
ھەمدە بىللە ئۆگىنەي دىنىمدىكى ئىلىمنى،
كۆپ ئۆتكۈزدۈم گۇناھنى بىلىپ بىلمەي ئىلگىرى،
مەغفىرەتلەر تىلەيمەن پاكلاپ تەن ۋە دىلىمنى.

مەن سىزنى تونۇيدىغاندەك تۇرىمەن. بۇيىل شىنجاڭ ئۇنىۋېرىستىتىنى پۈتتۈردىڭىزمۇ؟
بۇلتۇر ئاۋۇ باش سۈرەتنى مەن تونۇيدىغان بىرىنىڭ ئىشلەتكەنلىكىنى كۆرگەنىدىم.

مەغفىرەتلەر تىلەيمەن پاكلاپ تەن ۋە دىلىمنى،
يولاتمايمەن ئېغىزغا تاماكىنى چىلىمنى،
ھەقىقەتتە مېڭىشقا تىك رۇسلايمەن بېلىمنى،
ئەۋلاد ئۈلگە ئالغۇدەك قالدۇرغايمەن ئىزىمنى!

  ياق ، بىراق تونۇشۇپ قالساق ياخشى بولىدۇ .

ئەۋلاد ئۈلگە ئالغۇدەك قالدۇرغايمەن ئىزىمنى،
جاھالەتكە ئازغۇنغا ئەگمەسمەن ھەم تىزىمنى .
ھەر ئىشىمدا ياد ئېتىپ شۇ ھەق زاتنىڭ ئىسمىنى،
گۇناھلارغا پاتقاندا ئەسلەي شۇئان رەببىمنى

گۇناھلارغا پاتقاندا ئەسلەي شۇئان رەببىمنى،
تەۋبە قىلاي چىن دىلدىن، ئەمدى بىلەي ھەددىمنى،
كۇللى ئاسمان-زىمىنغا ھاكىم پەقەت بىر ئاللاھ،
شەيتانلارنىڭ ئالدىغا  ئاپارمايمەن ئەرزىمنى!

شەيتانلارنىڭ ئالدىغا  ئاپارمايمەن ئەرزىمنى،
رەببىم ئۈچۈن ھەر يولدا ئادا قىلاي ھەققىمنى،
رەببىمدىنلا قورقىمەن ئۇندىن ئۆزگە يات ماڭا،
شەرىئەتنى دوست تۇتۇپ ئادا قىلاي قەرزىمنى.

ئۇڭ قۇلۇمدا شەرىئەت سۇل قۇلۇمدا مەرىپەت
يۇرۇكۇمدە ئەقىدە ،كۇزلىرىمدە مۇھەببەت
ھايات قىسقا ئۇمۇر ئۇزۇن بەكمۇ تاتتىم رىيازەت
بەزەن ماختاش ،بەزەن ھەسەت ھەتتا بۇلدى ئاھانەت،،..........

كۆۋرۈك بوۋا  شېئىرىڭىز ياخشى  چىقىپتۇ،  ئەمما  مۇشائىرە قىلاي دېسەم  شېئىرىڭىزنىڭ ھىچ بىر قاملاشقۇدەك بىرەر مىسراسى يوقكەن،  شۇڭا ئۈستىدىكى لۇتفىنىڭكىگە قاپىيە كەلتۈرىۋەردىم ئەمىسە ھە

شەرىئەتنى دوست تۇتۇپ ئادا قىلاي قەرزىمنى،
دەل ۋاقتىدا ئورۇنداي كۈندە بەش ۋاق پەرزىمنى.
دىنى ئىسلام بولسىلا دوست تۇتىمەن ھەر كىمنى،
ئۇنتۇمايمەن ھەرگىزمۇ مۇسۇلمانلىق ئەھدىمنى!

ئىلھام دېگەن باشقىچە بۇلدىكەن جۇمۇ! قالتىس...

ئۇنتۇمايمەن ھەرگىزمۇ مۇسۇلمانلىق ئەھدىمنى،
بار جاھاننى بەرسىمۇ ئالتۇن قىلىپ تەختىمنى،
شەيتان ئىشى دۇنيالىق ،ئۇنتۇماسمەن ئەسلىمنى،
مۇساپىرمەن دۇنياغا يېڭەي ئارزۇ نەپسىمنى.