ئادەم كىشلىك ھاياتتا خىلمۇ-خىل ئازاپ-ئوقۇبەت،مۇشكۇلاتلارغا ،جەبىر- جاپالارغا ،مەقسەتلىك ئېزىقتۇرۇشلارغا ئۇچىراپ تۇيۇق يوللارغا كىرىپ قالىدۇ. بىر ئادەمنىڭ ھايات سەپىرىدە قىيىن مەسىلىلەرگە يولۇقۇپ تۇرۇشى قانداقتۇر شۇ ئادەمنىڭ بىتەلەيلىكىدىن ئەمەس،بەلكى چوڭ مەسىللەرنى كىچىكلىتىش،كىچىك مەسىلىنى تۇگىتىش ئىقتىدارنىڭ كۈچلۈك-ئاجىزلىقىنى سىنايدىغان سىناقتىن ئىبارەت.
قىزلار ئۈچۈن ئېيىتقاندا،ئۆزىنىڭ كىشلىك قەدىر -قىممىتى،غۇرۇرىنى،ئار-نۇمۇسقا تاقىلىدىغان مەسىللەرگە يولۇققاندا ناھايىتى سوغۇققان بولۇپ،مەڭگۈلۈك ھەسرەت-نادامەتتە قالمايدىغان،ئۆزى،ئاتا-ئانىسى يۈز كىلەلىگىدەك بىر تەرەپ قىلىش-قىلماسلىق شۇ قىزنىڭ قىزلىق ئىڭىغا ،ئىپپەت قارىشىغا باغلىق.
خېلى يىقىن ئارلىشىدىغان قىزدىن ئاڭلىشىمچە ، ئۇنىڭ بىر دوستى توي قىلىپ بىر ئايغا بارمايلا ئاجىرشىپ كەتكەن.
ئۇنىڭ ئېيتىشىچە،دوستى كىچىگىدىن تارتىپ ياخشى ئوقۇغان ،ئالىي مەكتەپتىمۇ ئەلاچىلىقنى قولدىن بەرمەي ئوقۇپتۇ. ئۇ قىز تېرىشچان بولۇپلا قالماستىن ،ناھايىتى ئەدەپ-ئەخلاقلىق ئىكەن.بۇ قىزغا نۇرغۇن يىگىتلەرمۇقوغلىشىپ مەقسىتىگە يىتەلمەي مېھرىنى ئۇزۇشكە مەجبۇر بولۇشۇپتۇ .ياش ئوقۇتقۇچىلارمۇ بۇ قىزغا بەك ھەۋەس قىلىدىكەن .
ئوقۇش پۇتتۇردىغانغا ئاز قالغاندا قىز قاتتىق ئاغرىپ قاپتۇ .شۇنداق بولسىمۇ ئىمتىھانلارغا تولۇق قاتنىشىپتۇ. ئۇ ئىلگىرىكىدەكلا يۇقىرى نۇمۇر ئالالمىسىمۇ،ئوتتۇرھال نۇمۇر ئىلىشقا ئىرشەلەيدىغانلىقىغا ئىشەنىچ قىلىپ يۇرگەندە، بىر ئوقۇتقۇچى كەچقۇرۇن ئىشخانىسىغا چاقىرىپ ئۆزى بەرگەن دەرىسىنىڭ ئىمتىھانىدىن ئۆتەلمىگەنلىكىنى ئېيتىپتۇ.
قىزچاق بۇنى ئاڭلاپ < مەن ئەزەلدىن ئىمتىھاندىن ئۆتەلمەي قالغان ئەمەس،خېلى ياخشى بەرگەنتىمغۇ؟ماڭا چاقچاق قىلمايۋاتقانسىز > دەپ سوراپتۇئوقۇتقۇچىسىدىن.
ئوقۇتقۇچىسى؛< مەن سىزنىڭ مەكتەپكە كەلگەندىن بىرى قانداق ئوقۇغانلىقىڭىزنى ياخشى بىلىمەن.ئەمما بۇ قېتىم سالامەتلىكىڭىزنى ياخىش بولماسلىقى سەۋەبىدىن مەن بەرگەن دەرىستىن ئىلىنغان ئىمتىھاندا تۆۋەن نۇمۇر ئىلىپ لاياقەتلىك بولالماپسىز . سىزمۇ بىلىسىز،ھەممە پەندىن لاياقەتلىك بولمىسا دىپلوم بىرىلمەيدۇ،سىزدەك ئەلاچى قىزنىڭ دىپلوم ئالالماسلىقى ھەممە ئادەمنى ئەجەپلەندۇرمەي قالمايدۇ> دەپتۇ.
قىزچاق ؛ <مەن ئىمتىھاننى خىلى ياخشى بەردىم دەپ ئويلىغانتىم ،دىپلوم ئالالمىسام ،ئاتا-ئانام ،ئۇرۇق-تۇققانلىرىمغا نىمە دەيمەن،ئۇنىڭدىن ئۆلگىنىم تۈزۈك دەپتۇ> مۇئەللىم قىزنىڭ ھالىغا ئېچىنغان قىياپەتتە ؛ <مەن بىر ئامال قىلىپ باقاي،سىز دىپلوم ئالالمىسىڭىز مېنىڭمۇ كۆڭلۇم پەرىشان بولىدۇ،مەن ئەتە سىزگە خەۋىرىنى بىرەي> دەپ خوشلىشىپتۇ.
قىزچاق ئەتىسى دەككە-دۇككىدە يۇرۇپ كۈننى كەچ قىپتۇ.كەچ سائەت 9 بولاي دىگەندە مۇئەللىم ئۇنى چاقىرىپتۇ. ئۇ مۇئەللىمنى كۆرۇپلا؛< قانداق بولدى> دەپ سوراپتۇ
مۇئەللىم ؛< سىزنىڭ بۇ ئىشىڭىزغا بەك كۈچ كېتىدىغان ئوخشايدۇ،فاكۇلىتىت مۇدىرىغا تولا گەپ قىلىپ ئاران ماقۇلغا كەلتۇردۇم،تىخى كافىدىرا مەسئۇلى ۋە باشقا ئوقۇتقۇچىلارنىڭ ماقۇللىقىنى ئىلىشىم كېرەك .ئىش دېگەننى بىكارغا قىلمايمىز .مەن سىزگە ئاشىق بولغىلى خىلى بولغان .سىزدەك ئاشىقىمنىڭ دىپلومسىز قېلىشىنى ئەلۋەتتە خالىمايمەن. بۇ ئىشنىڭ ھەل بولۇش- بولماسلىقى سىزنىڭ ماڭا < سۆيۈش > پۇرسىتى بىرىش -بەرمەسلىكىگە باغلىق بولۇپ قالدى. ئەگەر ئىش ئەتىدىن قالسا دىپلومسىز قالىسىز ،ئەستايىدىل ئويلىنىپ ماڭا خەۋىرىنى بىرىڭ> دەپتۇ.
قىزچاق ئۇيان ئويلاپ بۇيان ئويلاپ ئاتا-ئانىسىنىڭ ئالدىدا يۈزىنى كۆتۇرۇپ يۇرۇش ئۈچۈن ھېلىقى ئوقۇتقۇچىنىڭ تەكلىپىنى قوبۇل قىلىش قارارىغا كەپتۇ.
قىزچاق ئوقۇتقۇچىسى تەرپىدىن خارلانغان بولسىمۇ،ئاخىرى دىپلوم ئېلىش سالاھىيتىگە ئېرىشىپتۇ. ئۇ قىز قىزلىق ئىپپىتىنىڭ بەدىلىگە ھەممە پەندىن لاياقەتلىك بولغاچقا ئوقۇش پۇتتۇردىغان كۈنى دىپلومنى قولغا ئاپتۇ. ئۇ دىپلۇمنى ئوقۇتقۇچىسىدىن تاپشۇرۋالغاندا كۆزلىرىدىن تاراملاپ ياشلار تۆكۇلۇپتۇ.ساۋاقداشلىرى بۇنىڭ نىمە ئىش ئىكەنلىكىنى بىلمەپتۇ.
ئۇ قىز ئوقۇش پۇتتۇرۇپ كەتكەندىن كېيىن سىنىپ مەسئۇلى ئۇ قىزغا مۇنداق خەت يىزىپتۇ؛
مەن سىزنى ئوقۇغۇچىلىرىمنىڭ ئىچىدىكى ئەڭ تىرىشچان ،ئەڭ ئەخلاقلىق،ئەڭ باتۇر ئوقۇغۇچى دەپ ئويلايىتتىم ،ئەخلاق- پەزىلىتىڭىز مىنى قايىل قىلاتتى،مەن سىزدىن پەخىرلىنەتتىم .ئويۇنخۇمار ،ئىستىلى ئانچە ياخشى ئەمەس ساۋاقداشلىرىڭىزغا تەربىيە بەرگەندە سىزنى ئۈلگە قىلاتتىم .
ئەپسوس < ئىشەنگەن تاغدا كىيىك ياتماپتۇ > دىگەندەك سىزنىڭ بىر ئوقۇتقۇچىنىڭ قىلتىقىغا چۇشۇپ قىزلىق ئەڭگۈشتىرىڭىزدىن ئايرىلغانلىقىڭىزنى ئاڭلىدىم . ئۇ ئوقۇتقۇچى مەس بولۇپ قىلىپ سىزنى قانداق قىلىپ قىلتاققا چۇشۈرگەنلىكىنى سۆزلەپ بەردى.شۇ چاغدا ئۇنىڭ ياقىسىدىن تۇتۇپ قانچىلىق ئۇرۇۋەتكىنىمنى بىلمەيمەن .
ئەينى چاغدا ئەھۋالنى ماڭا نىمىشقا دىمىدىڭىز، بىر پەندىن ئۆتەلمىگەن تەغدىردىمۇ دىپلوم ئىلىشىمغا تەسىر يېتىدۇ دەپ باشقىلارنىڭ ئاياق-ئاستى قىلىشىغا رازى بولغىنىڭىز نىمىسى ؟ بىر قىز ئۈچۈن دىپلوم مۇھىممۇ ياكى ئىپپەتمۇ ؟ ئالىي مەكتەپتە ئوقۇغان بىر قىز ئۆزى يولۇققان مەسىلىنى ئىلمىي بىر تەرەپ قىلشنى بىلمىسە ،تەربىيسىز قالغان قىزلاردىن نە پەرىقى قالدى مەن سىزدىن شۇنداق ئۇمۇتسىزلەندىم.بۇنىڭدىن كېيىنكى ياشاش يولىڭىزدا بۇنداق خاتالىقنى سادىر قىلىپ سالماڭ> .
ئەمما قىز توي قىلىپ بىر ئايغا بارمايلا يولدىشى كۈندىلىك خاتىرسىگە يىزىلغان سەزگۈرەشتىسىنى ئوغۇرلۇقچە ئوقۇپ ئاجىرشىشنى تەلەپ قىپتۇ.قىزمۇ تارتىشمايلا ماقۇل بوپتۇ. دوستۇمنىڭ قارىشىچە ، ئۇ قىز بۇ خاتىرىنى يازمىغان بولسا ، ئۇنداق ئاقىۋەت يۈ بەرمەيدىكەن.
بۇ يەردىكى مەسىلە خاتىرە يېزىشتا ئەمەس ،بەلكى ئۆتكۈزگەن خاتالىقلىرىنى ئەسلەش ئارقىلىق كېيىنكى ھاياتىغا يول ھازىرلاشتۇر.
بۈگۈنكى قىزلارنىڭ ساپاسى ئەتىكى ئانىلارنىڭ ساپاسىدۇر.ئالىي مەكتەپ مەزگىلى قىزلارنىڭ بىرىلىپ ئۈگۈنىدىغان ،ئۆزىنىڭ كەم تەرەپلىرىنى تولۇقلايدىغان ،كەسىپ ، تۇرمۇش يولىنى تاللاشقا يول ھازىرلايدىغان ھالقىلىق مەزگىلىدۇر. پۇتۇن ۋۇجۇدى بىلەن ئۈگۈنىدىغان ،ئەدەپ- ئەخلاقتا كىشىنى سۈيۈندۇردىغان قىز سىتۇندېنىتلار بىلەن بىرگە ئالىي مەكتەپنى ئويۇن- تاماشا بىلەن ئۆتكۇزىدىغان ، ئويناپ- يايرايدىغان ماكان دەپ دەرىسكە شەكىل ئۈچۈن قاتنىشىپ قويدىغان ،قىزلىق ئوبرازىنى خۇنۇكلەشتۈرۈرۋاتقان قىزلارمۇ مەۋجۇت بولۇپ تۇرۇۋاتقان مانا مۇشۇنداق دەۋىردىمۇ قىزلىق نومۇسى ھەققىدە تەربىيىنى كۈچەيىتمەي بولمايدۇ.
قىزلىق نۇمۇس ئاددي ئاتالغاندەك ئاڭلانسىمۇ،لېكىن ئۇنىڭغا قىزلارنىڭ پاكلىقى،غۇرۇرى،ساداقىتى ،ۋاپادارلىقى،ئادىمىيلىك ئېڭى .ئەدەپ-ئەخلاق قارىشى،ئۆزىنى قوغداش ئېڭى مۇجەسسەملەنگەن بولىدۇ.
قىزلار نۇمۇسى بىلەن ئېزىزلىنىدۇ ۋە ئىززەتلىنىدۇ. قىزلار ئوقۇشسىز ، دىپلومسىز قالسىمۇ ئىپپەتسىز قالماسلىقى كېرەك. ئېپپىتىنى ساقلىيالىغان قىز ئوقۇش ،ھايات يولىنى تاللىيالايدۇ .
قولىدا ھەر قانچە داڭلىق مەكتەپلەرنىڭ دىپلومى بولۇپ ،جىسىمى ۋە روھىدا نومۇس بولمىغان قىز ھامان جەمئىيەت تەرپىدىن شاللىنىۋىتىلدۇ.قىزلارنىڭ قىممىتى قانداقتۇر گۈۋاھنامە ئىلىش-ئالماسلىق بىلەن بەلگىلەنمەستىن ،بەلكى ئاشۇ نەرسىلەرگە ئېرىشىش ، ئۆز ئىپپىتىنى ساقلاپ ،ھالال ياشاش،ھالال تەر تۆكۇش ئارقىلىق بەلگىلىنىدۇ. قىزلىق نۇمۇس تۇيغۇسى كۈچلۈك قىز ھەقىقى پەزىلەتلىك قىزدۇر.
ئاپتۇرى؛ئانقىز ئەزىز
مەنبە ؛پەن ۋە تۇرمۇش ۋورنىلىدىن ئىلىندى
