ئەسسالامۇ_ئەلەيكۇم   ،  ئەمدى كۆرۋاتاملا قارى  بۇ فىلىمنى  

ئاللاھ بۇ قېرىندىشمىزنىڭ ئىمانىنى مۇستەھكەم قىلسۇن !!  

ياراتقان ئىگەم ھەمىمىزنىڭ كۆڭلىگە ئىمان نۇرى چاچقاي!

ۋە ئەلەيكۇم ئەسسالام!
فىلىم چىقمىدى، مەن كۆرەلمىدىم.
ئەمما 11-سىنتەبىردىن كېيىن ئامېرىكىدا مۇسۇلمانلار سانىنىڭ شىددەت بىلەن كۆپەيگەنلىكى ئەمەلىيەت. ئىلگىرى ئىسلامنىڭ ئىسمىنىمۇ ئاڭلاپ باقمىغان ئامېرىكىلىقلار بۇ ۋەقەدىن كېيىن «ئىسلام زادى تېرورچىلىقنى تەشەببۇس قىلامدۇ؟ بۇ دىننى تەتقىق قىلىپ چاۋىسىنى چىتقا يايىمىز» دەپ قۇرئان ئوقۇپ، ئىسلامنى تەتقىق قىلىپ يۈرۈپ ئىمان ئېيتقان كۆرمىڭ كىشى بار.
بەزى مۇسۇلمانلار بىن لادىن تېرورچىلىق قىلىپ، ئىسلامنىڭ يۈزىنى تۆكتى دېگەندەك بىئارام بولۇپ يۈرگەن كۈنلەرنىڭ بىرىدە بىر ئامېرىكىلىق ئايال بىلەن تونۇشۇپ قالدىم. ئاتلانتا شىتاتىدا ئېنگلىز تىلى ئوقۇتقۇچىسى بولغان بۇ خانىم ئىمان ئېيتىپ مۇسۇلمان بولغىلى 7 يىل بوپتۇ. ئۇ ماڭا «11-سىنتەبىر ۋەقەسى بەك ياخشى بولدى» دېۋىدى، ھەيران قالدىم. «نېمىشقا بۇنداق دەيسىز؟» دېسەم، «شۇ چاغدىن كېيىن ئىسلام ھەققىدە ئىزدىنىشكە باشلىغان ئىدىم. ئاللاھنىڭ ھىدايىتى بىلەن مۇسۇلمان بولدۇم، ئەلھەمدۇلىللاھ. ئېرىم ۋە ئائىلىسىدىكىلەرمۇ شۇندىن كېيىن مۇسۇلمان بولغانلار...» دېدى. «سىز ئىلگىرى ئاتېئىستمىدىڭىز؟» دېسەم، «ياق، بىز ھەر يەكشەنبە كۈنى چىركاۋغا بېرىپ ئىبادەت قىلىدىغان خرىستىئان ئىدۇق. لېكىن خرىستىئان دىنىدىكى بەزى ئىشلار ئىدىيەمدىن ئۆتمەيتتى. مەسىلەن: مەن 13 يېشىمغىچە ۋاپتىز (چۆمۈلدۈرۈش) قىلىنمىغان ئىدىم. پوپ ئانامغا نېمىشقا ۋاپتىز قىلىشتا بۇنچە كېچىكىپ كەتتىڭلار. 13 يېشىغىچە ۋاپتىز بولمىغان كىشى جەھەننەمگە كېتىدۇ...» دېگەندەك گەپلەرنى قىلغاندىلا، قەلبىمدە بۇ دىنغا مۇھەببەت قالمىغان. ئەمما تەڭرىدىن قورقۇپ ۋە ئاتا-ئانامدىن ئىزا ئاڭلىماي دەپلا 28 ياشقىچە ئۆزەمنى خرىستىئان ھېساپلاپ كەلگەن ئىدىم. كېيىن ئىسلامغا كىرگەندىن كېيىن قەلبىم شۇنچىلىك راھەتلىدىكى، ناماز قىلىش ماڭا ھۇزۇر ۋە لەززەت بېغىشلايدۇ. ئەڭ كۆڭۈللۈك ئىشىم ناماز. ھىجاپلىنىشمۇ پەقەت ئېغىر كەلمىدى، ھىجاپ بىلەن ئۆزەمنى تېخىمۇ بىخەتەر، خاتىرجەم ھېس قىلىدىغان بولدۇم...» دېدى.
يەنە بىر قانچە يىلنىڭ ئالدىدا دانىيەدە بىر ھەجۋى رەسىم سىزغۇچى شەخس پەيغەمبىرىمىز مۇھەممەد سەللەللاھۇ ئەلەيھى ۋەسەللەمنى ھاقارەت قىلىدىغان كاتون رەسىملەرنى سىزىپ چىقاندا، كۆڭلىمىز قاتتىق يېرىم بولدى. دۇنيادىكى مۇسۇلمانلار بۇنىڭغا نارازىلىق بىلدۈرۈپ نامايىش قىلدى. دانىيە بىلەن بولغان تىجارەت مۇناسىۋىتىنى ئۈزگەنلەر بولدى. تۈركىيەدىمۇ دانىيە ماللىرىنى بويقۇت قىلىش شامىلى كۆتۈرۈلگەن ئىدى. بۇنىڭغا  قاتتىق ھەيران قالغان دانىيەلىكلەر ۋە ياۋرۇپادىكى بەزى شەخسىلەر بۇ ئىشتىن كېيىن ئىسلامنى تەتقىق قىلىشقا باشلاپ، ئىككى يىلغا يەتمىگەن ۋاقىت ئىچىدە پەقەت دانىيەدىلا يېڭىدىن مۇسۇلمان بولغانلارنىڭ سانى 5000 كىشىدىن ئارتۇق بولدى. (بۇنىڭغا ئېنگلىزچە تور بەتتە ئىشەنچىلىك پاكىت بار. تەلەپ قىلغۇچىلارغا كۆرسەتەلەيمەن).
گەرچە دىن دۈشمەنلىرى دىنىمىزنى قارىلاپ تەشۋىق قىلسىمۇ، ئەمما ئاللاھ شۈبھىسىز ئۆزىنىڭ ھەق دىنىنى ھەمممىدىن ئۈستۈن قىلىدۇ.
«ئۇلار (دىن دۈشمەنلىرى) مىكىر ئىشلەتتى. ئاللاھ ئۇلارنىڭ مىكرىنى بەربات قىلدى. ئاللاھ مىكىر قىلغۇچىلارنىڭ ئەڭ ئۇستىسىدۇر(جازاسىنى ئوبدان بەرگۈچىدۇر).» (ئال-ئىمران، 54-ئايەت)
«ئۇلار ئاللاھنىڭ نۇرىنى (يەنى ئاللاھنىڭ دىنىنى ۋە نۇرلۇق شەرىئىتىنى) ئېغىزلىرى بىلەن ئۆچۈرۈۋەتمەكچى بولىدۇ. كاپىرلار يامان كۆرگەن تەقدىردىمۇ، ئاللاھ ئۆزىنىڭ نۇرىنى مۇكەممەل قىلغۇچىدۇر (يەنى ئۆزىنىڭ دىنىنى ئاشكارىلىغۇچىدۇر).» (سەپ، 8-ئايەت)

ئەسسالامۇ_ئەلەيكۇم دىلارە ھەدە ، سىز كۆرگەننى بىر كۆرەلمەيمىز . بولسا ئاشۇنداق خەۋەرلەرنى كۆپرەك تەرجىمە قىلىپ يوللىسىڭىز ، ئاللاھ ئەجىرڭىزنى بەرسۇن !!  

خەنزۇچە نور ئىسلام مۇنبىرى 伊光论坛نىڭ تەرجىمە سەھىپىسى بىلەن فىلىم سەھىپىسى 伊光影音گە كىرىپ «يېڭىدىن ئىمان ئېيتقانلار ھېكايىسى» 皈依故事دېگەن سەھىپىگە قارايدىغان بولسىڭىز، نەچچە يۈز غەرپلىكنىڭ تىلى ئېنگلىزچە ئەمما خەنزۇچە تەرجىمىسى خەتلىك كىرىشتۈرۈلگەن نوتۇقلىرىنى ئاڭلىيالايسىز. ئامېرىكىلىق پوپلار، قىزلار، ئىتالىيەلىك پاپالار، ياشلار، ئاۋىستىرالىيەلىكلەر بولامدۇ قاندىغىنى ئىزدىسىڭىز تېپىلىدۇ. بۇ ھەقتە خەنزۇچە ۋە ئېنگلىزچە تور بەتلەردە بەك كۆپ ئۇچۇرلار بار.
مەن يالغۇز بىر كىشى بۇلارنىڭ ھەممىسىنى تەرجىمە قىلىپ بولالمايمەن. ئەمما خەنزۇچە ۋە ئۇيغۇرچە تىلغا پىششىق دوستلار بولسا، ھەمكارلىشىپ، بۇنداق قىسقا فىلىملەرنى خەنچىدىن ئۇيغۇرچىغا تەرجىمە قىلىپ ئۇيغۇرچە خەتلىك قىلىپ ئىشلىسەك بولىدۇ. قىلىشنى خالايدىغانلار بولسا، خەنزۇچە تىكىست ھۆججىتى بار....تېخنىك ئىشلارنىمۇ ئۆگەندىم...

[quote]بۇ مەزمۇن 5قەۋەتتىكى dilara نىڭ 2011-06-12 12:47 يوللىغان يازمىسىغا نەقىل  4-قەۋەت (
مەن يالغۇز بىر كىشى بۇلارنىڭ ھەممىسىنى تەرجىمە قىلىپ بولالمايمەن. ئەمما خەنزۇچە ۋە ئۇيغۇرچە تىلغا پىششىق دوستلار بولسا، ھەمكارلىشىپ، بۇنداق قىسقا فىلىملەرنى خەنچىدىن ئۇيغۇرچىغا تەرجىمە قىلىپ ئۇيغۇرچە خەتلىك قىلىپ ئىشلىسەك بولىدۇ. قىلىشنى خالايدىغانلار بولسا، خەنزۇچە تىكىست ھۆججىتى بار....تېخنىك ئىشلارنىمۇ ئۆگەندىم...
---كەڭساي مۇنبىرىدە سىزدەك بىلىملىك قىرىنداشلىرمزنىڭ بۇلۇشى كەڭسايدىكى ھەممەيلەننىڭ پەخرى،،،

ئەسسالامۇ ئەلەيكۇم .ياخشى ئىنكاسىلار بولدى ھەممىڭلارغا رەھمەت.
ئاللاھ ھېدايەت قىلغان بەندىسىنى ھىچكىمۇ تۇسالىماس.
دىلارە شۇنداق تىمىلانى يۇللاپ تۇرغايسىز .

ئۇلۇغ ئاللاھ ھەممىمىزنىڭ ئىمانىنى مۇستەھكەم قىلسۇن، توغرا يولدىن ئېزىپ كەتكەن ئىنسانلارنى ھىدايەت قىلسۇن ئامىن!!!بۇ دۇنيا ۋە ئۇ دۇنيادا ئاللاھنىڭ مۇھەببىتىگە ئىرىشكەن كىشىدىنمۇ بەختلىكرەك كىشى بولمىسا كىرەك.

باشقىسىنى قويۇپ تۇرۇپ ، ئۆزۈمنىڭ ئىمانىمنىڭ يورۇق ھەم مۇستەھكەم بولىشىنى تىلەيمەن!(ئامىن!)