ئەقىل–پاراسەت كەسكىن ئىشلاردا ئىپادىلىندۇ ھەمدە ئادەتتىكى چىۋەرلىكتىنمۇ بەكرەك كىشىنى زوقلاندۇرىدۇ. قىزىقچىلىق قىلىشقا ئامراق كىشىلەر ئادەتتە سۈرلۈك بولىۋالسىمۇ باشقىلار بەرىبىر ئىشەنمەيدۇ،ئۇلارنىڭ قىزىقچىلىقىنى يالغانچىلىق ،كەسكىنلىكنى چاقچاق دەپلا چۈشىنىدۇ. ئۇلار ئۆزلىرىنىڭ ھۆكۈم قىلىش ئىقتىدارىنى ھەر قانچە نامايان قىلغىنى بىلەنمۇ باشقىلارنى ئىشەندۈرەلمەيدۇ، دېمەك, ئۇلاردا ھۆكۈم قىلىش ئىقتىدارى بولغان تەقدىردىمۇ بەرىبىر ئۇنىڭ رولى بولمايدۇ. كۆرگەنلا يەردە قىزىقچىلىق قىلىۋەرسەڭ، باشقىلارنىڭ ئۆزۈڭگە بولغان قىزغىنلىقىنى يوقىتىپ قويىسەن، نۇرغۇن كىشىلەر ‹‹چىۋەر›› لىكى بىلەن داڭق چىقىرىدۇ يۇ، ‹‹دانا›› لىق شۆھرىتىدىن ئايرىلىپ قالىدۇ. قىزىقچىلىقنىڭ ئۈستۈنلىكنى ئىگەللەيدىغان ۋاقتى قىسقا بولىدۇ، ئۇزاق مۇددەت ئۆز ئەۋزەللىكىنى ساقلاپ قالالايدىغىنى يەنىلا سۈرلۈك سالاپەتتۇر.
‹‹ھېكمەتنامە›› دىن ئېلىندى
