ئەر - خوتۇن نىكاھتىن ئاجراشقاندا پەرزەنتلىرىنى بېقىش ھوقۇقىنى تالىشىپ، نۇرغۇن ئاۋارىچىلىقلارغا يولۇقىدۇ. ئەگەر بۇ جەھەتتىكى ئىسپاتلارنى تولۇق توپلىيالمىسا، بېقىش ھوقۇقىغا ئېرىشىشكە تېگىشلىك بولسىمۇ ئېرىشەلمەيدۇ - دە، سوت مەھكىمىسى بالىنى قارشى تەرەپكە بۇيرۇپ بېرىدۇ. پەرزەنتلەرنى بېقىش ھوقۇقىنى قولغا كەلتۈرۈش ئىسپاتلىرىنى توپلاشتا تۆۋەندىكىلەرگە دىققەت قىلىش كېرەك:
1. ئەر - خوتۇن ئىككى تەرەپنىڭ ئۇنىۋېرسال ساپاسى ئىنتايىن مۇھىم. بېقىش ھوقۇقىنى قولغا كەلتۈرۈشتە بىر تەرەپ ئىمكانبار ئۆزىدە بار بولغان ئەۋزەللىكلەرنى نامايەن قىلىشى كېرەك. مەسىلەن، باشقىلارغا بولغان مۇئامىلە، كىشىلىك تۇرمۇش قارىشى، ئەدەپ - ئەخلاق قاتارلىقلاردا باشقىلارغا ئۈلگە بولغىدەك سالاھىيەت ھازىرلاپ، ئوقۇش تارىخى، خىزمەت ئورنىدىكى مۇكاپاتلىنىش ئەھۋالى قاتارلىقلارغا ئىسپات تېپىش بىلەن بىر ۋاقىتتا، قارشى تەرەپنىڭ قانۇن - نىزاملارغا خىلاپلىق قىلىش، خىزمەتتە خاتالىق سادىر قىلىش، جازالىنىش قاتارلىق ئەھۋاللىرى بولسا، بۇ ھەقتىكى ئىسپاتلارنىمۇ تەييارلاش كېرەك. ئىز تورى بەك ياخشى
2. ئىككى تەرەپنىڭ بېقىش ئىقتىدارى. سوت مەھكىمىسى ئىككى تەرەپنىڭ بېقىش ئىقتىدارىنى بېكىتىشتە، ئاساسلىقى مۇنداق 2 جەھەتكە قارايدۇ: 1) 2 تەرەپنىڭ ئىقتىسادىي ئەھۋالىغا قارايدۇ؛ 2 ) 2 تەرەپنىڭ ئائىلە مۇھىتىغا قارايدۇ. بۇنىڭدا ئائىلە ئەزالىرىنىڭ ئەھۋالى كۆپرەك كۆزدە تۇتۇلىدۇ. ئەگەر ئالاقىدار كىشىنىڭ ئائىلىسىدە تېنى ساغلام ئاتا - ئانىسى بولسا، ئۇلار بالىغا ياخشى قاراش ئىقتىدارىغا ئىگە، دەپ قارىلىدۇ. ئالاقىدار كىشى يەنە ئۆزىنىڭ ئىقتىسادىي ئەھۋالى، كىرىمى توغرىسىدىكى ئىسپات، باج تاپشۇرۇش تالونى، تىجارەتچى بولسا تىجارىتى توغرىسىدىكى ئىسپات - ماتېرىياللارنى ھازىرلىشى كېرەك، بۇلاردىن باشقا يەنە ئاتا - ئانىسى سوتتا ئىزاھات بېرىشى كېرەك. بۇنىڭدىن باشقا، يەنە پەرزەنتلەرنىڭ پىكرىگە ھۆرمەت قىلىنىدۇ. ئەگەر بالا 10 ياشقا تولغان بولسا، ئالاقىدار كىشى پەرزەنتىنىڭ پىكرىنى ئېلىشى لازىم. ئادەتتىكى ئەھۋالدا سوتچىلار پەرزەنتلەر بىلەن ئايرىم سۆھبەتلىشىپ، ئۇلارنىڭ پىكرىنى خاتىرە قالدۇرۇپ قويىدۇ ھەمدە ئاساسىي جەھەتتىن پەرزەنتلەرنىڭ پىكرىگە ھۆرمەت قىلىدۇ. بۇ مەزمۇن ئىز تورىدىن كۆچۈرۈلگەن
مەنبە؛xjkpwy.xjinfo.gov.cn بۇ مەزمۇن ئىز تورىدىن كۆچۈرۈلگەن
