ۋېنگىرىيەدىكى سۇ چېچىش بايرىمىنىڭ بىرىنچى كۈنى يىگىتلەر قىزلارغا سۇ چاچىدىكەن، قىزلار بولسا يىگىتلەرگە تۇخۇم،گۈل قاتارلىق سوۋغاتلارنى بېرىدىكەن.بۇ جەرياندا قايسى يىگىت قايسى قىزنى ياقتۇرۇپ قالسا شۇ قىزغا جىقراق سۇ چاچىدىكەن. ۋېنگىرىيەنىڭ ئوخشىمىغان جايلىرىدىكى سۇ چېچىش بايرىمى ئوخشىمىغان ئالاھىدىلىكلەرگە ئىگە بولۇپ، جەنۇبىدا يىگىتلەر بىر چېلەك سۇنى كۆتۈرۈپ قىزلارنى قوغلايدىكەن ياكى قاراقچى قىياپىتىدە ياسىنىپ قىزلارنى قۇدۇق بېشى ياكى دەريا بويىغا ئاپىرىپ، ئاندىن ئۇلارغا سۇ چاچىدىكەن. شىمالىدا مىللىيچە كىيىنگەن يىگىتلەر يەكشەنبە كۈنى كەچتە ياتلىق قىلىنمىغان قىز بار ئۆيگە تۇخۇم، گۆش قاتارلىق نەرسىلەرنى ئەكىرىدىكەن. ئەتىسى چىرايلىق كىيىنگەن قىزلار بىلەن بىر يەرگە يىغىلىپ تاماق يەيدىكەن. ئۇنىڭدىن باشقا يىگىتلەر ئىلگىرى ئۆزى خاپا قىلىپ قويغان قىزنىڭ دېرىزىسىنىڭ ئاستىغا تۇخۇم شاكىلى قويۇپ قويىدىكەن. بۇلارنىڭ ھەممىسى سۇ چېچىش بايرىمى مۇراسىمىنىڭ باشلىنىش مۇقەددىمىسى ئىكەن، مۇراسىم باشلانغاندىن كېيىن قىزلار مۆكۈشكە باشلايدىكەن، بايقىلىپ قالغانلىرى قۇدۇق بېشىدا جازانى قوبۇل قىلىدىكەن.
www.iz.la
