ئىز تورى-爱智网

　　  جۇڭگو ئۇيغۇرچە رادىيو تورى 19-مارت بېيجىڭ خەۋىرى: قىرغىزىستان باش مىنىستىرى ئاتامبايىۋا تۈنۈگۇن، قىرغىزىستان تەرەپنىڭ رۇسىيە قىرغىزىستان تەۋەسىدە تەسىس قىلغان ماناس ھاۋا ئارمىيە بازىسىنىڭ ئىجرا ھەققىنى ئۆستۈرمەيدىغانلىقىنى بىلدۈردى. ئاتامبايىۋا　شۇ كۈنى موسكۋادا رۇسىيە باش مىنىستىرى پۇتىن بىلەن كۆرۈشكەندە مۇنداق دېدى:　ئىككى دۆلەت مۇناسىۋىتىنى تەرەققىي قىلدۇرۇش ئۈچۈن، قىرغىزىستان تەرەپ رۇسىيە شىركەتلىرىنىڭ قىرغىزىستان تەۋەسىدىكى تەبىئىي گازلىقنى قىدىرىپ ئىچىشقا يول قويىدۇ، رۇسىيە تەبىئىي گاز سانائىتى شىركىتىگە قىرغىزىستان تەبىئىي گاز　شىركىتىنىڭ %75 پاي چېكىنى ساتىدۇ. رۇسىيە تەرەپنىڭ قەرزىنى قايتۇرۇش توغرىسىدا قىرغىزىستان يەنە　رۇسىيەگە بىر ھەربىي سانائىتى كارخانىسىنىڭ پاي چېكىنى ئۆتۈنۈپ بېرىدۇ. پۇتىن مۇنداق دېدى: قىرغىزىستانغا ياردەم بېرىش ئۈچۈن، رۇسىيە ئۆتكەن يىلى قىرغىزىستان تەرەپنى 30 مىليون ئامېرىكا دوللىرى قەرز　پۇل ۋە 25 مىليون ئامېرىكا دوللىرى ئىنسانپەرۋەرلىك ياردىمى بىلەن تەمىنلىدى　ھەمدە بۇندىن كېيىن رۇسىيە　قىرغىزىستان ھۆكۈمىتى ۋە خەلقىگە داۋاملىق كەڭ كۆلەمدە ياردەم بېرىدۇ.   تەرجىمان: ئىلھام مامۇت