ئۈندىدارغا ئورتاقلىشىڭ|تېلېفوندا كۆرۈڭ
ئىز تورى www.iz.la
ئەنگلىيە ‹‹ كۈندىلىك پوچتا گېزىتى ›› نىڭ 30-ئىيۇندىكى خەۋىرىگە قارىغاندا ، ئامېرىكا تېننېسسى ئىشتاتىدىكى بىر جۈپ ئەر-ئايال ئافرىقىدىكى سېررالېئوندىن بىر قېتىمدا سەككىز بالىنى بېقىۋېلىپ ، تارىختىن بۇيان بىر قېتىمدا ئەڭ كۆپ يېتىم بالا بېقىۋالغان رىكوردنى ياراتقان . www.iz.la
ئىگىلىنىشىچە ، خەرى بىلەن مايك ئەسلى ئىككى ياكى ئۈچ بالىنى بېقىۋېلىشنى پىلان قىلغان ، ئەمما ئۇلار سېررالېئوندىكى دارىلئېتامغا كەلگەندىن كېيىن ، يەتتە ئوغۇل بىر قىز بېقىۋېلىشنى قارار قىلغان ، چۈنكى بۇلارنىڭ ھەممىسى ئانا تەرەپتىن بولغان بىر تۇغقان ئاكا-سىڭىللار ئىكەن . بۇ بىر جۈپ ئەر-ئايال ئۇلارنى قارشى ئېلىش ئۈچۈن ، مەلۇم تور بېتى ئارقىلىق 16 مىڭ دوللار ( تەخمىنەن 100 مىڭ يۈەن خەلق پۇلى ) ئىئانە توپلاپ ، ئۆيىگە ئۆزگەرتىش كىرگۈزگەن ، ئاق كۆڭۈل يەرلىكلەر يەنە تېخى كىيىم-كىچەك ۋە قوش قەۋەتلىك كارۋاتلارنى ئىئانە قىلغان . بېقىۋېلىش رەسمىيەتلىرىنى ئۆتەش 2010-يىلىدىن باشلانغان بولۇپ ، بالىلارنىڭ پاسپورت ۋە ۋىزىلىرىنى ھەل قىلىش ئۈچۈن ئۈچ يىلغا يېقىن ۋاقىت كەتكەن . 2013-يىلى مارتتا بالىلار ئاخىرى ئامېرىكىدىكى يېڭى ئۆيىگە يېتىپ كەلگەن . ئىز تورىدا ئىزلىرىمىز قالسۇن!
31 ياشلىق خەرى ئوقۇتقۇچىلىق خىزمىتىدىن ئىستىپا بېرىپ ، بۇ چوڭ ئائىلىدىن خەۋەر ئېلىشنى زىممىسىگە ئالغان . ئۇنىڭ ئېيتىشىچە ، ھازىرقى تۇرمۇشى گەرچە جاپالىق بولسىمۇ ، ئەمما خەرى بۇ خىل چوڭ ئائىلە تۇرمۇشىدىن بەكمۇ خوشال ئىكەن . خەۋەر قىلىنىشىچە ، ئۇنىڭ بىر كۈنى ئاساسىي جەھەتتىن ئاشخانىدىلا ئۆتىدىكەن . ناشتىلىق قىلىش ئۈچۈن ئاز دېگەندە 36 تۇخۇم ، 2 قاداق گۆش كېتىدىكەن . گەرچە بالىلار دەسلەپتە بۇ ئوخشىمىغان مەدەنىيەت ۋە تۇرمۇشقا كۆنەلمىگەن بولسىمۇ ، ھازىر ئۇلار بۇ يېڭى ئائىلىسىنى بەكمۇ ياخشى كۆرىدىكەن . خەرى بىلەن مايكنىڭ ئېيتىشىچە ، كەلگۈسىدە بالىلارنىڭ ئامېرىكىدا داۋاملىق قېلىشى ياكى ئافرىقىغا قايتىشى پۈتۈنلەي بالىلارنىڭ ئەركىنلىكىدە ئىكەن .
ئىز تورى بەك ياخشى
www.iz.la
ئىز تورى www.iz.la
بۇ مەزمۇن ئىز تورىدىن كۆچۈرۈلگەن
مەنبە. تەڭرىتاغ ئۇيغۇرچەتورى بىز ھەممىمىز ئىز تورىنى ياخشى كۆرىمىز!
