ئۈندىدارغا ئورتاقلىشىڭ|تېلېفوندا كۆرۈڭ
بىر كۈن خىزمەت قىلىپ ئىشتىن چۈشكەندىن كېيىن ئادەم ئىنتايىن چارچايدۇ . يەنە بىر مۇنچە قۇۋۋەت سەرپىياتى بىلەن مېڭىپ ياكى ۋېلسىپىت مىنىپ ئۆيگە قايتسا ، يەنە بىر مۇنچە ئۇششاق ئىشلار ئادەمنى كۈتۈپ تۇرىدۇ . كىشىلىك تۇرمۇشنىڭ ئۇزۇن مۇددەت مۇشۇنداق ئالدىراشلىق ، ھارغىنلىق ئىچىدە ئۆتۈشى سالامەتلىككە پايدىسىز . مەن تۇرمۇش مەشغۇلاتىمنى ئۇزۇن مۇددەت كۈزىتىش ئارقىلىق ، ۋېلسىپىت مىنىپ بەدەن قۇۋۋىتىنى ئەسلىگە كەلتۈرۈشنىڭ بىر خىل ئۇسۇلىنى تاپقانىدىم ، ئۈنۈمى ئىنتايىن ياخشى بولدى . ئۇنى كۆپچىلىككە تونۇشتۇرىمەن ؛ خىزمەتتىن چۈشۈپ ۋېلسىپىت مىنىش ، ۋېلسىپىتتا كېتىۋېتىپ بارلىق مۇسكۇللارنى ، ئىچكى ئەزالارنى ئەركىن-ئازادە تۇتۇش ، كاللىغا ھېچنىمە كەلتۈرمەسلىك ۋە ھېچنىمە ئويلىماسلىق ، باشنى كۆتۈرۈپ ئۇدۇل قاراشنى ئادەت قىلىش ئاساسىدا ۋېلسىپىتنىڭ پىدالىغا ئانچە كۈچىمەي دەسسەپ ، نورمال سۈرئەتتە ئىلگىرىلەش تەلەپ قىلىنىدۇ . مۇشۇ سۈرئەتنى ساقلاپ 20 مىنۇت ئەتراپىدا ئۆيگە يېتىپ بارغاندىن كېيىن ، ئادەمگە بەدەن قۇۋۋىتى ئەسلىگە كېلىپ ، روھىي كۆتۈرۈلۈپ قالغاندەك ، شۇنداقلا كەيپىياتى نورماللىشىپ قالغاندەك تۇيغۇ بېرىدۇ . ئىز تورىدا ئىزلىرىمىز قالسۇن!
مەنبە ؛ كۆرۈنمەس دوختۇر بۇ مەزمۇن ئىز تورىدىن كۆچۈرۈلگەن
