ئۈندىدارغا ئورتاقلىشىڭ|تېلېفوندا كۆرۈڭ
ئىز تورىدا ئىزلىرىمىز قالسۇن!
ئىز تورى www.iz.la
2-فېۋرال مەملىكەت بويىچە ھەرقايسى ئاساسلىق يۇقۇرى سۈرئەتلىك تاشيول، دۆلەت ئۆلكە دەرىجىلىك غول لىنيەلىك تاشيوللاردا قاتناش ئاساسەن راۋان بولدى، ساياھەت ۋە تۇغقان يوقلاشقا چىقىدىغانلار كۆپەيگەنلىكتىن ئاپتوموبىللار ئالدىنقى بىر كۈندىكىدىن كۆرۈنەرلىك كۆپەيدى، سائەت 16 گىچە جامائەت خەۋپسىزلىكى مىنىستىرلىقى بىر قېتىمدا ئۈچتىن ئارتۇق كىشى قازا قىلغان قاتناش ۋەقەسىدىن ئۈچ قېتىم يۈز بەرگەنلىكى ھەققىدە دوكلات تاپشۇرۋالدى، بۇنىڭ ئىچىدە خۇنەن ئۆلكىسىدە بىر قېتىم، شەندوڭ ئۆلكىسىدە بىر قېتىم، چۇڭچىڭ شەھىرىدە بىر قېتىم ۋەقە يۈز بەردى. ئىز تورى www.iz.la
مۇخبىرنىڭ ئىگەللىشىچە، جايلاردىكى جامائەت خەۋپسىزلىكى قاتناش باشقۇرۇش تارماقلىرى جامائەت خەۋپسىزلىكى مىنسىتىرلىقىنىڭ ئورۇنلاشتۇرۇشى بويىچە كەلگۈسى بىرقانچە كۈندە نۇرغۇن جايلاردا قاتتىق بوران ۋە تۆۋەن تېمپۇراتۇرا ئېلىپ كېلىدىغان يېڭى ئەھۋاللارغا مۇددەتتىن بۇرۇن ياخشى تەييارلىق قىلغان، چاغاننىڭ كېيىنكى يېرىمىدا دوست يارەنلىرىنى يوقلاش، قىسقا ئارىلىققا ساياھەت قىلىش، يېزىلاردا مىللىي ئۆرۈپ ئادەت پائالىيىتى ئۆتكۈزۈش قاتارلىقلارنىڭ كۆپۈيۈش ئالاھىلىدىكىگە قارىتا چارلاش، باشقۇرۇش ۋە قوماندانلىق قىلىشنى كۈچەيتكەن، شۇنىڭ بىلەن بىرگە قانۇننى ئىجرا قىلىش كىچىك ئەترەتلىرىنى تەشكىللەپ، ناھىيە ۋە يېزا بازارلاردىكى يېمەك ئىچمەك، كۆڭۈل ئېچىش سورۇنلىرى ئەتراپىدا ھاراق ئىچىپ ماشىنا ھەيدەشتەك قانۇنغا خىلاپ ھەرىكەتلەرنى قاتتىق تەكشۈرىدىكەن.
مەنبەسى:جۇڭگو ئۇيغۇرچە رادىيو تورى
