باش چىقىرىپ مايسىلار كۈلگەن تەبىئەت،
ئويغانغان جانلىقلار ئۇيقىدىن سەھەر.
قارلىغاچ شوخ پەرۋاز قىلىپ سامادا،
جانلاندى كوچىلار ئويغىنىپ شەھەر.
---
مەجنۇنتال كۆكىرىپ چۈشەر ئۇسۇلغا،
باش باھار پەسلىنى كۈيلەيدۇ قۇشلار.
قۇشلارنىڭ جەننىتى چىچەكلىك باغلار،
خۇش ھىدنى سەيلە قىپ يايرايدۇ جانلار.
---
ئۆستەڭدە شوخ سۇلار ئاقىدۇ تىنماي،
باھارنى ئۇزىتىپ يازنى ئالقىشلاپ.
ئۈرۈكلۈك باغلاردىن ئۆتىدۇ شامال،
شۇچاغدا يۈرەكلەر قالىدۇ سەگىپ.
----
بالىلار ئۆستەڭدە سۇغا چۈمۈلۈپ،
ئوينايدۇ ھىچ غەمسىز كۈلۈشۈپ-تاقلاپ.
ياشلارچۇ ئۆستەڭگە دەستەگۈل تاشلار، ئىز تورىدا ئىزلىرىمىز قالسۇن!
قىزلارمۇ بوشكەلمەي سۈزىدۇ ياقلاپ.
----
ئىزغىرىن شامالدا ياپيىشىل ياپراق،
بەرگىدىن ئايرىلماي نىمە چارەبار.
سارغايغان توغراقنىڭ يوپۇرماقلىرى،
ئۇلارغا مەڭگۈلۈك باھار-ياز ھەم يار.
---
ئۇچىدۇ شامالدا لەرزان يوپۇرماق،
چۈشىدۇ نەلەرگە بىلمەس ئۆزىمۇ.
بالىلار چاچ ياساپ يوپۇرماقلاردىن،
ئوينايدۇ شوخلۇقتا ھەتتا كۆزىمۇ.
----
ئاققاردىن تون كىيدى ئانا تەبىئەت،
قار ئەمەس گوياكى مەرۋايىت ئاڭا.
سوغ شامال نەشتەردەك سانجىلسا تەنگە،
پەرۋاسىز سەيلە قىپ بايرامدۇر ساڭا.
-----
قار بوۋاي ياسايدۇ بالىلار شۇدەم،
شوخ كۈلكە ساداسى ياڭرايدۇ ھەردەم.
مەن ئىز تورىغا بەك ئامراق
ياشلارچۇ ئوينايدۇ قارلىق تاشلىشىپ،
قىزلار شوخ يىگىتلەر بولغاچقا بەردەم.
-----
تەبىئەت مۇشۇنداق ئالمىشىپ بىريىل،
ئۆتىدۇ ساناقسىز ياز، كۈز،قىش، باھار.
ئەسلەيدۇ، ئەسلەيدۇ ئاشۇ كۈنلەرنى،
گۈزەللىك مۇجەسسەم نەۋقىران چاغلار.
------
ئاق چاچلىق، ئاقساقال مويسىپىت بوۋاي،
ئەسلەيدۇ شۇ پەسىل كەبى ئۆمرىنى.
قىرىمىز بىزلەرمۇ ھامىنى بىركۈن،
قەدىرلەپ ئۆتەيلى مۇشۇ بارىنى.
-----
2012-4-17 مەنبە؛ئۆزقەلەم. يالقۇن
