ئوتتۇرا ئامېرىكا قىتئەسىدىكى دۆلەتلەردە ، كىشىلەرنىڭ بالىلىرىغا ئىسىم قويۇشى ئومۇميۈزلۈك ئىجادىيلىققا ئىگە ، بولۇپمۇ ھوندۇراسلىقلارنىڭ ئىسىم قويۇشتىكى پىكىر يولى ئۆرپ–ئادەتنىڭ چەكلىمىسىگە ئۇچرىمايدۇ . www.iz.la
ھوندۇراسنىڭ شەرقىي قىسمىدىكى شەھەرلەردە ، بەزى كىشىلەرنىڭ ئىسمى ‹‹ئاپتوموبىلنىڭ چاق (بالون) ى››، ‹‹پىلىلداپ تۇرغان شتېپسىل (ئۆتكۈزگۈچ سىمىنىڭ بىر بېشىغا ئۇلىنىدىغان چاتقۇچ . ئۇنى روزېتكىغا سانجىغاندا توك ئۇلىنىدۇ ) ›› بولسا، يەنە بەزىلىرىنىڭ ئىسمى ‹‹تەڭرىگە رەھمەت ››. ئېيتىشلارغا قارىغاندا، ئەينى يىلى كولومبو دېڭىز سەپىرى قىلىپ بۇ يەرگە كەلگەندە بوران–چاپقۇندا ھاياتىدىن ئايرىلغىلى تاسلا قالغان . شۇنىڭ بىلەن ئۇ بۇ دۆلەتكە ‹‹ھوندۇراس ›› (تەگسىز ھاڭ ، تېگى يوق يار دېگەن مەنىلەردە) دەپ نام بەرگەن ، دېڭىز بويىدىكى جايلارنىڭ نامى بولسا ‹‹گرۇلشىياسئادىيۇس›››، يەنى ‹‹تەڭرىگە رەھمەت›› بولغان. www.iz.la
ھوندۇراس — مايالارنىڭ بۆشۈكى . ياخشى كۆرىدىغان شەيئىلەرنى ئىسىم قىلىپ قويۇش ئەمەلىيەتتە مايالاردىن قالغان كونا ئادەت . ھوندۇراسنىڭ دۆلەت زېمىنىدا ئىلگىرى 18 مايا پادىشاھى ئۆتكەن ، ئۇلارنىڭ ئىسىملىرىمۇ ئىنتايىن غەلىتە بولۇپ ، ‹‹18 توشقان ››، ‹‹يىلاننىڭ ئاغزى ›› ئىسىملىكلىرى بار، ئۇلارنىڭ قول ئاستىدىكى يۇقىرى دەرىجىلىك ھەربىي ئەمەلدارلارنىڭ ئىسىملىرى تېخىمۇ غەلىتە بولۇپ، ‹‹تاماكا چېكىش ››، ‹‹كالتەك›› ئىسمىدىكىلەرمۇ بار . ئىز تورى www.iz.la
ھازىرمۇ ئۆزى ياقتۇرىدىغان ئادەم ياكى نەرسىلەرنى ئىسىم قىلىپ قويۇۋالىدىغانلار يەنىلا ئىنتايىن كۆپ. كلىنتون ۋە رېگان ئەڭ كۆپ قويۇلىدىغان ئىسىملاردۇر .
ئالدىنقى يىلى ، سەۋر–تاقىتى چېكىگە يەتكەن ھۆكۈمەت ئاخىرى قانۇن تۇرغۇزۇپ ، كىشىلەرنىڭ يەنە ‹‹ئاجايىپ–غارايىپ ›› ئىسىملارنىڭ قويۇشىنى چەكلىدى ، مەشھۇر شەخسلەرنىڭ ئىسمىمۇ چەكلەش دائىرىسىگە كىرگۈزۈلدى . بۇندىن كېيىن كلىنتون ئىسىملىك ھوندۇراسلىقلار ئۇنچە كۆپ بولماسلىقى مۇمكىن .
بۇ مەزمۇن ئىز تورىدىن كۆچۈرۈلگەن
