سەيپىدىن ئەزىزى ياش چېغىدىلا خەلق ئاممىسىنىڭ زۇلمەتتىن ۋە نادانلىقتىن قۇتۇلۇش يولىدا ئېلىپ بارغان مەشھۇر قەشقەر قوراللىق قوزغىلىڭىغا قاتناشقان. ئارقىدىنلا يەنە شىنجاڭنىڭ مەدەنىيەت تارىخىدا مۇھىم ئەھمىيەتكە ئىگە بولغان يېڭى مەدىنىيەت ئاقارتىش ھەرىكىتىگە قاتناشقان. مائارىپ مەرىپەتچىلىكىنى تەشۋىق قىلغان. يېڭى تىپتىكى مەكتەپ قۇرغان. ئاتۇشنىڭ تېجەن يېزىسىدا قۇرۇلغان يېڭى تىپتىكى مەكتەپنىڭ مۇدىرى بولغان.
ھەقىقەت ئىزلەش يولىدا، 1935-يىلى يۇرتىدىن ئايرىلىپ سوۋېت ئىتتىپاقىغا بېرىپ ئوقۇغان. ئوقۇش مەزگىلىدە سىستېمىلىق ھالدا ماركسىزم، لېنىنىزم نەزەرىيىسىنى ئۆگەنگەن. سوۋېت ئىتتىپاقى خەلقىنىڭ لېنىن، سىتالىن ئىدىيەسىنىڭ يېتەكچىلىكىدە ئېلىپ بارغان ئۇلۇغ سوتسىيالىستىك قۇرۇلۇش ئىشلىرىنى ئۆز كۆزى بىلەن كۆرگەن. پەقەت پرولتارىياتنىڭلا پۈتكۈل ئىنسانىيەتنى ئازادلىققا ئېرىشتۈرەلەيدىغانلىقىنى، ئاخىرىدا ئاندىن ئۆزىنى ئازاد قىلغىلى بولىدىغانلىقىنى يەنىمۇ ئىلگىرىلىگەن ھالدا تونۇپ يەتكەن. سوۋېت ئىتتىپاقىغا بېرىپ ئوقۇش نەتىجىسىدە ئۇنىڭ ئىجادىيەت ئىقتىدارى زور دەرىجىدە يۇقىرى كۆتۈرۈلگەن. ئىشتىن سىرتقى ۋاقىتلىرىدىن پايدىلىنىپ، كۆپلىگەن مۇنەۋۋەر ئەدەبىي ئەسەرلەرنى ئوقۇغان. بۇ سەيپىدىن ئەزىزىنىڭ كېيىنكى ئىجادىيىتى ئۈچۈن پۇختا ئاساس سالغان.
ئىز تورىدا ئىزلىرىمىز قالسۇن!
1937-يىلى سەيپىدىن ئەزىزى سوۋېت ئىتتىپاقىدىن دۆلەتكە قايتىپ كەلگەن. ئۈچ ۋىلايەت ئىنقىلابى جەريانىدا چۆچەك گېزىتخانىسىدا تەھرىرلىك خىزمىتى بىلەن شۇغۇللانغان. چۆچەكتىكى مەزگىلىدە شۇ يەردىكى خەلقنىڭ كۆرسىتىشى بىلەن ئۇيغۇر مەدەنىيىتى جەمئىيىتىنىڭ باش كاتىپى بولغان. كېيىن ئۇ يەنە غۇلجىغا يۆتكىلىپ بېرىپ، خەلق ئىنقىلابىي پارتىيەسىنى قۇرۇشقا قاتناشقان ۋە خەلق ئىنقىلابىي پارتىيىسىنىڭ مۇھىم رەھبەرلىرىدىن بىرى بولغان.
1944-يىلى شىنجاڭدا گومىنداڭ ھۆكۈمرانلىقىغا قارشى غۇلجا، چۆچەك، ئالتايدىن ئىبارەت ئۈچ ۋىلايەت ئىنقىلابى قوزغالغان. سەيپىدىن ئەزىزى ئاساسىي رەھبەرلەرنىڭ بىرى بولۇش سۈپىتىدە سەپداشلىرى بىلەن بىرلىكتە ئۈچ ۋىلايەت خەلقىنى تەشكىللەپ ۋە يېتەكلەپ، گومىنداڭنىڭ ئەكسىيەتچىل ھۆكۈمرانلىقىغا قارشى ھايات-ماماتلىق كۈرەشنى قانات يايدۇرغان. ماۋجۇشى يۇقىرى باھا بېرىپ: «ئۈچ ۋىلايەت ئىنقىلابى جۇڭگو يېڭى دىموكراتىك ئىنقىلابىنىڭ مۇھىم تەركىبى قىسمى» دەپ ئېنىق كۆرسەتكەن.
ى ئىز تورى ئىز تورى ئىز تورى ئىز تورى
1949-يىلى 9-ئايدا سەيپىدىن ئەزىزى شىنجاڭ تىنچلقىنى قوغداش دېموكراتىك ئىتتىپاقىنىڭ مۇۋەققەت رەئىسى، ئۈچ ۋىلايەت ئىنقىلابىنىڭ مۇھىم رەھبىرى بولۇش سۈپىتى بىلەن، ماۋجۇشىنىڭ ئالاھىدە تەكلىپىگە ئاساسەن، شىنجاڭ ۋەكىللەر ئۆمىكىنى باشلاپ بېيجىڭغا بېرىپ، 1-نۆۋەتلىك مەملىكەتلىك سىياسىي مەسلىھەت كېڭىشىنىڭ يىغىنىغا قاتناشقان ۋە يىغىندا سۆز قىلغان. بۇ قېتىمقى يىغىندا ئۇ جۇڭخۇا خەلق جۇمھۇرىيىتى مەركىزىي خەلق ھۆكۈمىتىنىڭ 56 نەپەر ھەيئىتىنىڭ بىرى بولۇپ سايلانغان. شۇنىڭ بىلەن بىر ۋاقىتتا، جۇڭخۇا خەلق جۇمھۇرىيىتى قانۇن كومىتېتىنىڭ ھەيئىتى، دۆلەت مۇداپىئە كومىتېتىنىڭ ھەيئىتى، مەركىزىي مىللەتلەر ئىشلىرى كومىتېتىنىڭ مۇئاۋىن مۇدىرى قاتارلىق ۋەزىپىلەرنى ئۆز ئۈستىگە ئالغان. تيەنئەنمېن راۋىقىدا جۇڭخۇا خەلق جۇمھۇرىيىتىنىڭ قۇرۇلۇش مۇراسىمىغا قاتناشقان. ماۋجۇشىنىڭ ئارقىسىدا تۇرۇپ، بىر دانا داھىينىڭ پۈتۈن دۇنياغا تەنتەنىلىك ھالدا جاكارلىغان سۆزىدىن ئەڭ بىۋاستە، ئەڭ كۈچلۈك تەسىرات ئالغان. مەن ئىز تورىغا بەك ئامراق
دۆلەت قۇرۇش مۇراسىمىدىن كېيىن ئۇزاق ئۆتمەي، ماۋجۇشى ئۆز قولى بىلەن سەيپىدىن ئەزىزىنىڭ جۇڭگو كومىنىستىك پارتىيىسىگە ئەزا بولۇپ كىرىشىنى تەستىقلىغان. ماۋجۇشى تەستىق سېلىپ:« خەلق ئىنقىلابىي پارتىيەسى مەركىزىي كومىتېت ئەزاسى كاندىداتلىق مەزگىلىدىن ھالقىپ، بىۋاستە جۇڭگو كومۇنىستىك پارتىيەسىگە قوبۇل قىلىنسا بولىدۇ» دەپ قۇشۇلغان. شىنجاڭ تىنچ يول بىلەن ئازاد قىلىنغاندىن كېيىن، پېڭ دېخۇەي شىنجاڭ ھەربىي رايونىنىڭ قوماندانى بولۇپ تۇرۇۋاتقاندا، سەيپىدىن ئەزىزى ۋاڭ جىن، تاۋ سىيۆ بىلەن بىرلىكتە شىنجاڭ ھەربىي رايونىنىڭ مۇئاۋىن قوماندانى بولغان. ئۇ جۇڭگو كوممۇنىستىك پارتىيەسى مەركىزىي كومىتېتى شىنجاڭ شۆبىسى، غەربىي-شىمال مەمۇرىي كومىتېتىنىڭ مۇھىم رەھبەرلىرىدىن بىرى بولغان. سەيپىدىن ئەزىزىنىڭ شىنجاڭ ئۇيغۇر ئاپتونوم رايونىنىڭ نامىنى ئوتتۇرىغا قويۇشى ماۋ زېدۇڭ ۋە جۇ ئېنلەينىڭ مۇئەييەنلەشتۈرۈشىگە ئېرىشكەن. سەيپىدىن ئەزىزى شىنجاڭ ئۇيغۇر ئاپتونوم رايونلۇق خەلق ھۆكۈمىتىنىڭ تۇنجى رەئىسى بولغان. يەنە بىرلا ۋاقىتتا شىنجاڭ ئۇيغۇر ئاپتونوم رايونلۇق پارتكومنىڭ 1-سېكرېتارى، ھۆكۈمەت رەئىسى، ھەربىي رايوننىڭ 1-سىياسىي كومىسسارى، ئىشلەپچىقىرىش، قۇرۇلۇش بىڭتۈەنىنىڭ 1-سىياسىي كومىسسارى قاتارلىق ۋەزىپىلەرنى ئۆتىگەن. مەملىكەتلىك سىياسىي مەسلىھەت كېڭىشىنىڭ مۇئاۋىن رەئىسى بولغان. جۇڭگو كوممۇنىستىك پارتىيەسى 8-نۆۋەتلىك مەركىزىي كومىتېتىنىڭ كاندىدات ئەزاسى، 9-، 10-، 11-، 12-، 13-نۆۋەتلىك مەركىزىي كومىتېتىنىڭ ئەزاسى بولغان. ئىز تورىدا ئىزلىرىمىز قالسۇن!
سەيپىدىن ئەزىزى باشتىن-ئاخىر ھەر مىللەت ئوتتۇرىسىدىكى بىر-بىرىنى ھۆرمەت قىلىش، ئۆز ئارا ئىشىنىش، باراۋەرلىك، ئىتتىپاقلىق، ئۆز ئارا ياردەملىشىش پرىنسىپىنى قەتئىي داۋاملاشتۇرۇپ، ھەر مىللەت خەلقى ئوتتۇرىسىدىكى مۇناسىۋەتنى توغرا بىر تەرەپ قىلىپ، ھەر مىللەت خەلقىنى ۋەتىنىمىز چوڭ ئائىلىسىدە ئىتتىپاقلىق، ئىناقلىق، ئۆز ئارا ئىلگىرى سۈرۈش ئاساسىدا ئورتاق تەرەققىي قىلىش يولىغا يېتەكلىگەن. ئاز سانلىق مىللەت رايونلىرىدىكى كادىرلارنىڭ رەھبەرلىك قىلىش ئىقتىدارىنى ۋە قابىلىيىتىنى ئۈزلۈكسىز يۇقىرى كۆتۈرۈشكە چوڭقۇر ئەھمىيەت بېرىپ كەلگەن. ئۇ پۈتكۈل ھاياتىدا پەن-تېخنىكا ئارقىلىق دۆلەتنى گۈللەندۈرۈشنى، مائارىپنى ئومۇملاشتۇرۇشنى، مىللەتنىڭ مەدەنىيەت ساپاسىنى يۇقىرى كۆتۈرۈشنى ئەمەلگە ئاشۇرۇش ئۈچۈن مائارىپنى گۈللەندۈرۈشنى زور كۈچ بىلەن تەشەببۇس قىلغان.
ئىز تورىدا ئىزلىرىمىز قالسۇن!
سەيپىدىن ئەزىزى نەتىجىسى كۆزگە كۆرۈنگەن يازغۇچى، دراماتورگ ۋە شائىر. دۆلىتىمىز قۇرۇلغان دەسلەپكى مەزگىللەردە خەلق ئارىسىدىكى بىر پېشقەدەم سەنئەتكارنىڭ قولىدا ساقلىنىپ كېلىۋاتقان ئۇيغۇر خەلق سەنئىتىنىڭ گۆھىرى بولغان «ئۇيغۇر 12 مۇقامى» نىڭ يوقىلىپ كېتىشنىڭ ئالدىنى ئېلىش ئۈچۈن، سەيپىدىن ئەزىزى ئۆزى بىۋاستە جۇزۇڭلىغا تەكلىپ بەرگەن ھەمدە مۇتەخەسسىسلەرنى تەشكىللىگەن. ئۇنى قۇتقۇزۇپ قېلىش خىزمىتىنى ئورۇنلاشتۇرغان. 1980-يىللاردا سەيپىدىن ئەزىزى يەنە ئۆزى قول سېلىپ ئىشلەپ، ئۇيغۇر 12 مۇقامى ئۈستىدە تەكشۈرۈپ تەتقىق قىلىش خىزمىتىنى قانات يايدۇرغان. بۇ قىممەتلىك مىراسنى تۈپتىن ياخشىلىنىش ئىمكانىيىتىگە ئىگە قىلغان ھەم ئۇنى ئۆز ئەسلىگە كەلتۈرگەن. بۇنىڭدىن باشقا، سەيپىدىن ئەزىزىنىڭ رەھبەرلىكىدە ئۇيغۇر ئەنئەنىۋى مەدەنىيەت-سەنئىتى، بولۇپمۇ مىللىي ناخشا-ئۇسسۇلى مەملىكەت ئىچى ۋە سىرتىدا ئىنتايىن چوڭ تەسىر پەيدا قىلىپ، كەڭ تاماشىبىنلارنىڭ ماختىشىغا سازاۋەر بولغان. ئاز سانلىق مىللەت مەدەنىي يادىكارلىقلىرىنى يەنىمۇ ئىلگىرىلىگەن ھالدا ئېچىش ۋە تەتقىق قىلىش، ۋەتىنىمىز مەدەنىيەت-سەنئەت خەزىنىسىنى تېخىمۇ مول مەزمۇنغا ئىگە قىلىش ئۈچۈن، 1956-يىلى بېيجىڭدا جۇڭگو ئۇيغۇر تارىخ- مەدەنىيىتى تەتقىقاتى جەمئىيىتىنى قۇرۇپ چىققان
ئىز تورىدا ئىزلىرىمىز قالسۇن!
سەيپىدىن ئەزىزىنىڭ ئەدەبىي ئىجادىيەتلىرى ئاساسەن ھېكايە، شېئىر، درامما قاتارلىقلارنى ئۆز ئىچىگە ئالىدۇ. بۇنىڭدىن باشقا يەنە مەسەل، نەسر، چۆچەك قاتارلىقلارمۇ بار. 20-ئەسىرنىڭ 40-يىللىرىدىن باشلاپلا، ھېكايە ئىجادىيىتىنى باشلىغان. ۋەكىل خاراكتېرلىك تارىخىي رومانى «سۇتۇق بۇغراخان» چەت ئەلدە نەشر قىلىنغان. تەسىرى بىر قەدەر چوڭ بولغان تەرجىمىھال خاراكتېرلىك ئەسىرى «تەڭرىتاغ بۈركۈتى»، ئەسلىمە خاراكتېرلىك ئەسىرى «ئۆمۈر داستانى» ھەمدە بىر مۇنچە ھېكايىلىرى بار. 20-ئەسىرنىڭ 30-يىللىرىنىڭ ئاخىرىدىن باشلاپ، سەيپىدىن ئەزىزىنىڭ درامما ئەسەرلىرى ئېلان قىلىنىشقا باشلىغان. ئەسەرلەرنىڭ كۆپىنچىسى «شانلىق يىللار» ناملىق درامما توپلىمىغا كىرگۈزۈلگەن. ۋەكىل خاراكتېرلىك ئەسىرى 20-ئەسىرنىڭ 80-يىللىرىدا يېزىپ چىققان تارىخىي درامما «ئاماننىساخان» بولۇپ، بۇ درامما ئېلان قىلىنىشىغىلا كىنو-تېلېۋىزىيە تىياتىرىغا ئۆزگەرتىپ ئىشلىنىپ، كەڭ كىتابخانلار ۋە تاماشىبىنلارنىڭ ياخشى باھاسىغا ئېرىشكەن. ئىز تورى www.iz.la
سەيپىدىن ئەزىزىنىڭ نەسرىي شېئىر، نەسىر، چۆچەك، مەسەل قاتارلىق ئەسەرلىرىنىڭ كۆپىنچىسى «ئەۋلىيا ئاتا» ۋە «ساما ناخشىسى» قاتارلىق توپلاملارغا كىرگۈزۈلگەن. 1938-يىلى ئۇنىڭ تۇنجى ئەسىرى «بىرلىكسەپ» ئېلان قىلىنغاندىن باشلاپ تاكى ۋاپات بولغۇچە ئېلان قىلغان شېئىرلىرى 1000 پارچىدىن ئاشىدۇ. بۇ شېئىرلار ئۇنىڭ ھاياتلىق مۇساپىسىنىڭ ئوخشىمىغان باسقۇچتىكى ئىدىيەۋى ھېسسىياتىنى ئىپادىلەپ بەرگەن ھەمدە شېئىر سەنئىتى ئۈستىدىكى جاپالىق ئىزدىنىشىنى ھەقىقىي ئەكس ئەتتۈرۈپ بەرگەن. سەيپىدىن ئەزىزىنىڭ شېئىرلىرى بىر تەرەپتىن ئۇيغۇر شېئىر سەنئىتىنىڭ ئەنئەنىسىگە ۋارىسلىق قىلىپ، ئۇيغۇر شېئىرىيىتىنىڭ چوڭقۇر، پەلسەپىۋى پىكىرلەرنى ئىپادىلەپ بېرىشكەن ماھىر بولۇشتەك بەدىئىي ئۇسلۇبىنى گەۋدىلەندۈرگەن. مىللىي ئالاھىدىلىكى ئىنسانىيەتنىڭ ئوي-پىكرى، ئىلىمگە بولغان مەدھىيەسى، كىشلىك قەدىر-قىممەتكە بولغان ئىزدىنىشى قاتارلىقلاردىن تەركىب تاپقان. يەنە بىر تەرەپتىن سەيپىدىن ئەزىزىنىڭ شېئىرلىرى ھەر مىللەت شېئىرىيىتىنىڭ ھەممىنى ئۆز ئىچىگە ئېلىشتەك ئالاھىدىلىكىنى ئىپادىلەپ، كۈچلۈك دەۋر خۇسۇسىيىتىگە ئىگە قىلىنغان
خەتكۈچلەر:
(
ئالاھىدە ئەسكەرتىش: مەزكۇر ماقالىنىڭ ھوقۇقى گە تەۋە
)
