ئۆزەمدىن خەۋەر ( دىلداش )

deldax

ئۆزەمدىن خەۋەر

ئاپتۇر : كامىلجان ناسىر ( دىلداش )

سۈكۈتلەر قوينىغا چۆكۈپ تۇرۇپمۇ ،
خىيالدا ياشىدىم ئۆزۈمدىن ھالقىپ .
ھېچكىمگە ھالىمنى كەلدىم چاندۇرماي ،
قەلبىمدىن پاك ئىشقىم تۇرسىمۇ بالقىپ .

گوياكى مەھبۇسمەن تۆت تام ئىچىدە ،
تەشۋىشلىك تۇيغۇدىن تاپقانچە ئازاپ .
قارچۇغۇم باغرىدا چاقنىماس ئۆمۈد ،
كەتكەندەك تېنىمدىن جېنىم يىراقلاپ .

شۇ قەدەر مۇڭلانغان بىر غىرىپ قۇشتەك ،
غەمكىنمەن ، ئاجىزمەن ، مىسكىندۇر ھالىم .
ئىشقىڭدا ياشىدىم ئۈنسىز - تىۋىشسىز ،
ئۆلمىدىم ھاياتمەن شۇدۇر ئەھۋالىم .

ئېسىمدە سەن بەرگەن سۆيگۈ لەۋزى ،
قايتا رەت سالغۇم يوق ئېسىڭگە تەكرار .
پەرياتلار كۆتۈرمەي كۈتتۈمغۇ سىنى ،
سۆيگۈمنى پەرۋاسىز ئەيلىسەڭمۇ خار .

ئاپتۇر : كامىلجان ناسىر ( دىلداش ) قەشقەر يېڭى شەھەر ناھيسىدە شىپاگەر .

ئەمگىكىمگە ھۆرمەت قىلىڭ ، تىمىلىرىمنى رۇخستىمسىز باشقا مۇنبەرگە كۆچۈرۈشكە شۇنداقلا خالىغانچە ئۆز نامىدا قىلىۋېلىشقا قەتئى بولمايدۇ .

hanka

تىمىللىرىڭىز ھەقىقەتەن بىر - بىرىدىن ياخشى . يەنىمۇ تىرىشىپ نادىر ئىجادى تىمىللىرىڭىز مۇنبەردىن ئۈزۈلمىسۇن .

salkin11

ياخشى يېزىپسىز ... رەھمەت ! ... يەنىمۇ نادىرلىرىڭىزنىڭ مۇنبەردىن ئۈزۈلۈپ قالماسلىقىنى ئۈمۈد قىلىمەن ...

138

بەك ئېسل شئر ئىكەن . ئاللا قولىڭىزغا دەت بەرمىسۈن . ياخىشى ئىجادىيەتلىرڭىز بولىسا . ھارمىغايىسز .

fatima

deldax يوللانغان ۋاقتى 2011-2-23 02:29
ئۆزەمدىن خەۋەر

سۆيگۈمنى پەرۋاسىز ئەيلىسەڭمۇ خار،
كۈتىمەن بوران چاپقۇنلارنى يىڭىپ.
قەلبىمدە ساقلانغان ساڭا چىن مۇھەببەت،
ئىشقىمدىن ئاتاپ نەزمىلەر تۈزۈپ.

سالام دىلداش ئۇستاز باركەنسىز .تېتىملىق لىرىك مۇڭ كۈيلىرڭىز ئۈزۈلمىسۇن.

yalpuz9911

خوش خەۋەرمىكىن دەپتىمەن ......

tanhatuygu

بەك ئېسل شئر ئىكەن ،قەلىمىڭىز توختاپ قالمىسۇن .