-
يوتقان مېنى يەپ كەتتى.- دېدى يەتتە ياشلىق ئوغلۇم ئۇخلاش ئالدىدا. -
قانداقسىگە؟ - دېدىم مەن تەئەججۈپ بىرلە. -
يوتقان ئادەم يەيدىكەن، -دېدى ئوغلۇم،- يوتقانغا كىرسەكلا خالىغان ئىشىمىزنى قىلالماي، خۇددى ئۆلۈكتەك ئۇيقۇغا كىتىدىكەنمىز. -
شۇنداق، ئوغلۇم، - دېدىم مەن ئوغلۇمنىڭ گېپىنىڭ تېگىگە ئەمدىلا يەتكەندەك، - يوتقان بىزنىڭ ئۈچتىن بىر قىسىم ھاياتىمىزنى يەپ كىتىدۇ. -
ئانا، ئۆيمۇ ئادەم يەيدىكەن.- دېدى ئوغلۇم. خىيالىمدا سوقرات بىلەن ئەپلاتۇن پاراڭلىشىۋاتاتتى. -
قانداقسىگە؟ -
ئىشىك ئۇنىڭ ئىغىزى، بىز ئۆينىڭ ئىشىكىدىن كىرسەكلا ئۇ بىزنى يەپ كىتىدىكەن. -
شۇنداق، ئوغلۇم.- دېدىم مەن رەسمى يۇسۇندا،- ئۆيمۇ ئادەم يەيدۇ. ئادەملەر بىر ئۆمۈر ئۆي سىلىش، ئۆي تۇتۇش، ئۆينىڭ ھەلەكچىلىكىدە ياشايدۇ. ئادەم ھاياتىنىڭ
ئۈچتىن بىر قىسىمنى ئۆي يەپ كىتىدۇ. -
ئانا، ماشىنا، ئايرۇپىلان، پويىز قاتارلىق ھەر خىل قاتناش قۇراللىرىمۇ ئادەم يەيدىكەن.
شۇنداق، بالام. ئۇلار قورسىقىغا ئادەملەرنى سولاپ ئۇياقتىن- بۇياققا چىپىپ يۈرۈيدۇ. خالىسا
ئادەملەرنى ساق- سالامە قۇسۇپ چىقىرىدۇ، خالىسا ئادەملەرنى
دەسسەپ- چەيىلەپ، مېڭىسىنىڭ قېتىقىنى چىقىرىپ،
قىپ- قىزىل قانلىرىنى شارىلدىتىپ
ئاققۇزۇپ ، ئىنتايىن ۋەھشىلەرچە يەۋىتىدۇ.
-
ئانا، سۇمۇ ئادەم يەيدىكەن. -
شۇنداق، بالام. بىز
بەزىدە سۇنى يەيمىز لېكىن
سۇمۇ
بەزىدە بىزنى يەيدۇ. كەلكۈن، دېڭىز تاشقىنى، سۇ ئۈزۈش جەريانىدا سۇ يەپ كەتكەن ئادەملەر ئاز ئەمەس. -
ئوتمۇ ئادەم يەيدىكەن. يەرمۇ ئادەم يەيدىكەن.
ئانا، نېمىشقا ھەممە نەرسە ئادەمنى يەپ كەتسەم دەپ تۇرىدۇ؟ -
چۈنكى ئادەم بۇ دۇنيادىكى ھاياتلىقنىڭ ئەڭ ئېسىلى، ئېسىل نەرسىلەرنىڭ كۈشەندىسى كۆپ بولىدۇ، بالام.
ھەممە سېنى ھەر ۋاقىت يەۋەتسەم دەپ تۇرىدۇ. شۇڭا بىز ھەر ۋاقىت ھاياتىمىزغا ئاگاھ بولۇشىمىز كىرەك. ئاگاھ بول ئىنسان!
بۇ يازمىنى ئاخىرىدا 520Studios تەھرىرلىگەن. ۋاقتى 2011-1-18 01:53
| 
يوللانغان ۋاقتى 2011-1-18 01:00
يوللانغان ۋاقتى 2011-1-18 02:29
