ئاياللار ئەڭ بىزار بولىدىغان سۆزلەر
1. ‹‹ ياسانچۇق ، ئاچكۆز ئاياللار بىلەن ئەڭ خۇشۇم يوق ، ھېلىمۇ ياخشى سىز ئۇلاردەك ئەمەس .››
ئەگەر ئۇنىڭ كىيىم–كېچەك ، ئاياغ، بېزەك ، پەرداز بۇيۇملىرى بىلەن خۇشى بولمىسا ، ئۇنداقتا سىز ئۆزىڭىز ئالىدىغان ئادەمنىڭ ئايال زاتى ئىكەنلىكىنى جەزىملەشتۈرەلەمسىز؟
2. ‹‹ ئۆي ئىشى ئەسلىدىنلا ئاياللارنىڭ ئىشىغۇ؟! ››
نېمە ئۈچۈن ئۆي ئىشىنى چوقۇم ئاياللار قىلىشى لازىمكەن ؟ ھازىر يا كونا جەمئىيەت بولمىسا ، بۈگۈنكى كۈندىكى ئاياللارمۇ ئوخشاشلا ئىشلەپ پۇل تېپىۋاتىدۇ ، ئۆز ئالدىغا ئىش قىلىۋاتىدۇ ، ئۇلارنىڭ خىزمىتىنى ئەرلەرنىڭكىدىن يېنىك دېگىلى بولمايدۇ .
3. ‹‹ ئەمەلىيەتتە مەن تاللىۋالغۇدەك ئاياللار خېلى كۆپ ئىدى .››
مېنىڭ تاللىۋالالايدىغىنىم تېخىمۇ كۆپتى ، ئەر خەق دېگەن ساماندەك تۇرسا .
4. ‹‹ ئەينى يىللاردا مەن…››
5. ‹‹ بۇ نېمە قىلغىنىڭىز ؟ مەن بۇ ئىشنىڭ ئەپلەشمەيدىغانلىقىنى بۇرۇنلا بىلەتتىم . ››
6. ‹‹ ئىشەنمىسىڭىز قول باغلىشايلى!››
ئەرلەر تۇغۇلۇشىدىنلا دو تىكىشكە ئامراق ، ئەگەر ئەرلەر سىز بىلەن قول باغلىشىمەن دېسە ، بۇ ھەرگىز ئۇنىڭ جەزمەن ئۆزىگە ئىشەنچى بارلىقىنى ئىسپاتلاپ بېرەلمەيدۇ . چۈنكى ئۇلار بەزىدە تەلەيگە تېخىمۇ ئاسانراق ئىشىنىدۇ .
7. ‹‹ مەن ئۆزەمنى تۈزەشتۈرۈپ يۈرۈشنى ئۇقمايدىغان بىر ئادەممەن ، مېنىڭ ياسىنىپ ، تارىنىپ يۈرۈشۈمدىن ئانچە ئۈمىد كۈتۈپ كەتمەڭ ›› .
8. ‹‹ مەن ھەممىدىن قالتىسقۇ ، دەيمەن!›› .
9 . خوتۇنىڭىز تازا كۆڭۈل قويۇپ ياسىنىۋاتقاندا ، جەھلىڭىز قېتىپ : بولدى ، بولدى ، كىمنى دەپ بۇنداق چىرايلىق ياسىنىۋاتىسەن ؟ دېيىشتىن ھەزەر ئەيلەڭ . چۈنكى بۇ سۆز ئادەمنىڭ كۆڭلىنى ئاغرىتىدۇ .
10. خوتۇنىڭىز بالىلارنى ئامراقلىق بىلەن سىيلاپ–سىپاۋاتقاندا : سەن بالىلارنى بەك يامان ئۆگىتىپ قويدۇڭ ، دەپ سوغۇق سۇ سەپمەڭ . چۈنكى ، ئانا مۇھەببىتى دېگەن مانا شۇنداق مۇلايىم بولىدۇ .
11. قېينانا بىلەن كېلىننىڭ مۇناسىۋىتى جىددىي بولۇپ ، خوتۇنىڭىز خاتالىق ئۆتكۈزگەن تەقدىردىمۇ ، ھەرگىز ئالدىراپلا : ئاپام ساڭا شۇنچىلىك ياخشى مۇئامىلە قىلىۋاتسا ،سەن نېمىشقا ئۇنى چۈشەنمەيدىغانسەن؟! دېمەڭ چۈنكى بۇنداق دېسىڭىز، خوتۇنىڭىز سىزنى ئۆزىنىڭ ئانىسىغا يان بېسىۋاتىدۇ ، دەپ ئويلاپ قالىدۇ –دە ، قېينانا بىلەن كېلىن ئوتتۇرىسىدىكى زىددىيەت تېخىمۇ چوڭقۇرلاپ كېتىدۇ .
‹‹ ھاياتلىق ›› ژۇرنىلىدىن ئېلىندى
| 
يوللانغان ۋاقتى 
