قالۇرسەن(شېئىر)

ozyarim

نان ئىلغىساڭ نانسىز قالۇرسەن،
نام قوغلاشساڭ نامسىز قالۇرسەن.
رىزقىڭ بىلەن ياشا كەپتىرىم،
دان ئىلغىساڭ دانسىز قالۇرسەن.

كۆكلەتمەيدۇ ھېچكىمنى كىبىر،
تاغ بولساڭمۇ دەپ يۈرگىن ئىدىر،
ئادەمدۇرسەن ئەمەسسەن خىزىر.
يار ئىلغىساڭ يارسىز قالۇرسەن،

شاھ تاجىدىن ئۇلۇغدۇر سېخىي،
سېخىي قوللار ھەر گىياھ شېخى.
بۇنى بىلمەس بىخىللار تېخى،
بىخىل بولساڭ ھالسىز قالۇرسەن.

ياشاپ ئۆتسەڭ،بىر ئۆزۈڭ ئۈچۈن،
پارچە نېنىڭ بولمايدۇ پۈتۈن.
تۇرخۇنۇڭدىن چىقمىسۇن تۈتۈن،
كۈن ياتقاندا شامسىز قالۇرسەن.

___مۇھەممەدجان راشىدىن

axikdardi

ياخشى ئىشىركەن .راس دەيسىز ناننى خارلىساق بولمايدۇ .شۇنداق كىشىلەرنى ئاللاھمۇ ياقتۇرمايدۇ .رەھمەت بىلىشكە تىگىشلىك ئىشلاركەن.

xaytan88

بەلكىم يۇشۇرۇن خۇسۇسىيەتكە ئىگە ئادەملەر كۆپ بۇلىشى مۇمكىن . ئەپسۇس بىز ئۇلارنى بىلىپ بۇلالمايمىزدە .

abdusali

ئىنكاس قايتۇرۇش xaytan88 نىڭ يازمىسى

تىمڭىزغا رەھمەت.مەنىسى ياخشىكەن

banu

كەپسىزنىڭ تىمىلىرىنمۇ بەك ياقتۇرىمەن....