- ئاخىرقى قېتىم
- 2011-1-4
- تىزىملاش
- 2010-11-15
- ھوقۇق
- 1
- توردا
- 36سائەت
- جۇغلانما
- 1174
- نادىر تېما
- 1
- يازما
- 273
- تېما
- 49
- توردا
- 36سائەت
- نادىر تېما
- 1
- دوست
- 9
- يازما
- 273
- تېما
- 49
|
نەچچە يىل ئىلگىرى بىر كۈنى كەچتە، دوكتور نورمال ۋېنسنىت پىئېر بىر قېتىملىق ئۇزۇنغا سوزۇلغان نىكاھ مۇرەسسەسىدىن كېيىن پۇت - قولىدا جان قالمىغان ھالدا ئۆيىگە قايتىپ كەپتۇ. ئۇ ھارغىن ھالدا ئۆز - ئۆزىگە :<<بىرەسى ماڭا بۇزۇلۇش ئالدىدا تۇرغان ئاشۇ نىكاھ مۇناسىۋىتىنى قۇتقۇزۇپ قالىدىغان رېتسېپ بەرگەن بولسا بوپتىكەن>> دەپتۇ.
دەل مۇشۇ چاغدا باستېرلىق قىلىۋاتقان دادىسى ئۇنىڭ ئۆيىنىڭ ئالدىدىن ئۆتۈپ كېتىۋاتقانىكەن، ئۇ:
_ مەن ساڭا بىر رېتسېپ بېرەي، بۇ رېتسېپ پەقەت بىرلا ئېغىز سۆز، ئۇ بولسىمۇ سەن پەقەت ئەر - ئايالنى ئۆزئارا بىر قېتىملا <<كەچۈرۈڭ>> دېيىشكە كۆندۈرسەڭلا بولىدۇ، سىناپ كۆرگىن، شۇندىلا ئۇنىڭ قانداق ئۈنۈم بېرىدىغانلىقىنى چۈشىنىسەن، _ دەپتۇ.
شۇنىڭ بىلەن، پېئىر راستتىنلا سىناپ بېقىپتۇ. ئۇ دادىسىنىڭ سۆزىنىڭ راستلىقىنى، بۇ سۆزنىڭ تاغنى يۆتكىگۈدەك كۈچىنىڭ بارلىقىنى بايقاپتۇ. پېئىر كېيىنكى نىكاھ ئىشلىرى مۇرەسسە خىزمىتىدە ئۇ سۆزنى ئىشلىتىپتۇ. ماجىرالاشقان ئەر - ئايال ئوتتۇرىسىدا مەيلى قانچىلىك كۆڭۈل ئارازچىلىقى بولسۇن، كەچۈرۈڭ دېگەن بۇ سۆز مەسىلىنى ھەل قىلىش يوچۇقىنى ئېچىپتۇ.
ھەقىقىي كەچۈرۈم سوراش خاتالىقىنى تونۇشلا ئەمەس، ئۇ يەنە سۆز - ھەرىكەتلىرىڭىزنىڭ ئۇنىڭ بىلەن بولغان مۇناسىۋەتكە تەسىر يەتكۈزگەنلىكىنى، قارشى تەرەپكە ناماقۇل بولۇش بىلەن بىرگە مۇناسىۋەتنى ئەسلىگە كەلتۈرۈش ئارزۇيىڭىزنىڭ بارلىقىنى بىلدۈرىدۇ.
بۇ ھەرگىز ئاسانغا توختايدىغان ئىش ئەمەس، خاتالىقنى تونۇش ئادەمنى ئوسال قىلىدۇ، لېكىن، ئۆزىڭىزنى باتۇرلۇق بىلەن شۇنداق قىلىشقا مەجبۇرلىسىڭىز ھەمدە ئۆزىڭىزنىڭ تەكەببۇرلىقىنى تاشلىسىڭىز، ئۇ كۆڭۈل ئاغرىقىنى داۋالايدىغان ئېسىل دورىغا ئايلىنىدۇ.
ئۇنداقتا، بىز قانداق ۋاقىتتا، قانداق شەكىلدە <<كەچۈرۈڭ>> دېگەن سۆزنى ئىشلىتىشىمىز كېرەك؟ تۆۋەندە پايدىلىنىشقا بىر نەچچە تەكلىپنى سۇندۇق:
1. ئەگەر ئۆزىڭىزنىڭ ناماقۇللۇقىنى سۆز ئارقىلىق ئىپادىلىمىسىڭىز، ئۇنداقتا ئۇنىڭغا يارىشىۋېلىش سىگنالى بېرىڭ. بىر قېتىملىق جېدەل - ماجىرادىن كېيىن، بىر دەستە گۈل زەھەرلىك سۆزلەر بىلەن يارىلانغان يۈرەككە تەسەللىي بولىدۇ؛ سىزنىڭ تەخسە يېنىغا ياكى ياستۇق تېگىگە قويۇپ قويغان كىچىككىنە بىر تال سوۋغىڭىزمۇ ناماقۇل بولغانلىقىڭىزنى بىلدۈرىدۇ، شۇنداقلا ئۇنىڭ ئۈنۈمى مەڭگۈلۈك بولىدۇ. قولىنىڭ ئۇچرىشىشىمۇ ھېسسىيات ئالماشتۇرۇش رولىنى ئوينىيالايدۇ، سىز چىن كۆڭلىڭىزدىن چىققان بۇنداق ئاۋازسىز ساداغا ھەرگىز سەل قارىماڭ.
2. ئېسىڭىزدە بولسۇن، جورىڭىزدىن ئەپۇ سوراش نومۇس قىلىدىغان ئىش ئەمەس، ئۇ يېتىلگەنلىكىڭىز ۋە سەمىمىيلىكىڭىزنىڭ ئىپادىسى. ئۇلۇغ ئادەملەرمۇ كەچۈرۈم سورىيالايدۇ. روبېرت ئې.لى گېدىسبۇرگ ئۇرۇشىدا مەغلۇپ بولغاندىن كېيىن، قالدۇق ئەسكەرلىرىگە مەغلۇبىيەت مەسئۇلىيەتنىڭ ئۆزىدە ئىكەنلىكىنى ئېيتقان. گېنستون چېرچىلنىڭ ھېنرى ترۇمىندىن ئالغان تۇنجى تەسىرى ئىنتايىن ناچار بولغان، كېيىن، ئۇ ترۇمىنغا ئۆزىنىڭ ئىلگىرى ئۇنىڭغا سەل چاغلاپ قالغانلىقىنى ئېيتقان ____ بۇ سۆز ناھايىتى دانا تەكللۇپ سۆزى بىلەن ئېيتىلغان كەچۈرۈم سۆزدۇر.
3. سىزنىڭ ناماقۇللىقىڭىز ھەقىقىي پۇشايماننى بىلدۈرۈشى كېرەك. بولمىسا، ئۇ ياراشتۇرۇش رولىنى ئوينىيالمايدۇ، شۇنىڭ ئۈچۈن سىز چوقۇم راست گەپ قىلىشىڭىز كېرەك.
4. ناماقۇل بولغاندا غۇرۇرىڭىزنى ساقلاڭ____ تېز پۈكىدىغان ئىشنى قىلماڭ. چۈنكى، سىز ئۆز خاتالىقىڭىزنى تۈزىتىشكە تىرىشىۋاتىسىز، بۇ ھۆرمەتلەشكە ئەرزىيدىغان ئىش.
5. ئەگەر كەچۈرۈم سوراشقا تېگىشلىك بولسا، سىز شۇ ۋاقىتتىلا كەچۈرۈم سوراڭ. ۋاقىت ئۇزارغانسېرى كەچۈرۈم سورىمىقىڭىز تەسلىشىدۇ. پىئېر بىر چوڭ فوندى جەمئىيىتىدە كېڭەش ئەزاسىلىق ۋەزىپىسىنى ئۆتەۋاتقاندا، ھاكاۋۇر بىر ياش ياردەمچى ئۆزىنىڭ مۇدىرلىق ۋەزىپىسىنى ئۆتىشى لازىملىقىنى ئوتتۇرىغا قويغان. كېڭەش ھەيئىتى ئاۋاز تاشلاپ، بۇ قېتىملىق ئادەم ئالماشتۇرۇش ئىشىغا قوشۇلغان. لېكىن، ئۇلار ناھايىتى تېزلىكتە ئۆزلىرىنىڭ بىر ئىشنى ناھايىتى خاتا قىلغانلىقىنى، بۇ پېشقەدەم مۇدىرنى ۋەزىپىدىن قالدۇرماسلىق كېرەكلىكىنى ھېس قىلىشقان. پىئېر بۇ گەپنى ئۇنىڭغا ئېيتماقچى بولغان. لېكىن، ئۇلار ئۇنىڭ بىلەن ئۇچرىشىشتىن بۇرۇن، بۇ پېشقەدەم مۇدىر جانغا زامىن يۈرەك كېسىلىگە گىرىپتار بولۇپ قالغان، بۇنىڭ بىلەن، پىئېرنىڭ كەچۈرۈم سوراش ئارزۇسى ئەمەلگە ئاشمىغان. بۇ ئىشتىن پىئېر قاتتىق ئەپسۇسلانغان.
6. ئەگەر سىز جورىڭىزنى ئۆزىڭىزدىن كەچۈرۈم سورىشى كېرەك دەپ قارىغان، لېكىن ئۇ سىزدىن كەچۈرۈم سورىمىغان بولسا، سىز ھەرگىز قايغۇرۇپ ۋە ئاچچىقلىنىپ يۈرمەي، ئۇنىڭغا ھېسسىداشلىق قىلىش پوزىتسىيىسىدە بولۇشىڭىز كېرەك. بىر ۋاراقچىگە خەت يېزىپ ياكى ئىككىلەڭلار بىلەن ياخشى ئۆتىدىغان بىرسىنى تېپىپ، ئارىدا گەپ يەتكۈزگۈزۈپ، ئۆزىڭىزنىڭ نېمە ئۈچۈن ئۆزىڭىزنى ئۇۋالچىلىققا ئۇچرىدىم دەپ قارىغانلىقىڭىزنى ھەمدە بۇنداق تۇيغۇدىن قۇتۇلۇش ئارزۇيىڭىزنى چۈشەندۈرسىڭىز بولىدۇ. ئەگەر سىز جورىڭىزنىڭ كەچۈرۈم سورىشىدىن ئوسال بولۇپ قالماي دېسىڭىز يۇقىرىدا دېيىلگەندەك قىلىڭ.
7. ئەگەر سىز خاتا ئىش قىلمىغان بولسىڭىز، ئەپلىشىۋېلىش ئۈچۈنلا كەچۈرۈم سورىماڭ. شۇنىڭ بىلەن بىرگە يۈز كېلەلمەسلىك ھېسسىياتىنى كەچۈرۈم سوراشتىن پەرقلەندۈرۈڭ. مەسىلەن، مۇبادا سىز بىر رەھبەر بولۇپ، بىرەيلەن خىزمەتنىڭ ھۆددىسىدىن چىقالمىغاچقا ئۇنى ئىشتىن بوشىتىۋەتكەن بولسىڭىز، بەلكىم ئۇنىڭغا يۈز كېلەلمەسلىكىڭىز مۇمكىن، لېكىن كەچۈرۈم سورىشىڭىزنىڭ ھاجىتى يوق.
ئەگەر جورىڭىزنى خاتا ئەيىبلەپ ئۇنىڭغا قاتتىق تەگكەن بولىسىىڭىز ياكى ئۇنىڭ ئىشلىرىغا سەل قارىغان بولسىڭىز، ئۇنىڭدىن كەچۈرۈم سورىشىڭىز ھەمدە ئۇنى ھەرىكىتىڭىزدە ئىپادىلىشىڭىز كېرەك. بۇنىڭدا خەت يازسىڭىز، تېلېفون ئۇرسىڭىز ياكى كىتاب، گۈل، خورما قاتارلىق كۆڭلىڭىزنى بىلدۈرىدىغان ھەر قانداق نەرسە بىلەن ئۇچۇر يەتكۈزسىڭىز بولىدۇ. بۇ نەرسىلەر جورىڭىزغا مۇنۇلارنى ئۇقتۇرىدۇ :<<ئارىمىزىدىكى ئارازچىلىقتىن كۆڭلۈم يېرىم بولدى، بۇنى سىزگە سوۋغا قىلدىم، ئىلگىرىكى ئاداۋەتلەرنى كۆڭلىمىزدە ساقلىماي يارىشىپ قالايلى، سىزنىڭ بۇ ئۇچۇرنى ئېلىپ كەلگەن قىياپەتنى قوبۇل قىلىشىڭىزنى ئۈمىد قىلىمەن.>> بۇ ئۇچۇر دۇنيادا ھەممىدىن بەك ياراشتۇرۇش رولىنى ئوينايدىغان <<كەچۈرۈڭ>> دېگەن بىر سۆزنى ئۆز ئىچىگە ئالغان.
مەنبە: ھاياتىڭىزغا تەسىر كۆرسىتىدىغان 127 نەسىھەتتىن؛
|
|
يوللانغان ۋاقتى 2010-12-1 02:17
