يىگىت شۇنداق بولامدۇ؟ 
بىلىملىكمەن دەيسەن ئەممادىلدا زەررە ئىمان يوق،
ئۇيغۇرۇمنىڭ ئەجدادىدەكسەندە قىلچە ۋىجدان يوق.
كۆرەڭلىكىڭ تۈپەيلىدىن سەن سىققىدەك جاھان يوق، تاتمىدىڭ سەن ھېچبىر جاپا چۈنكى ئۇنداق زامان يوق، خۇي مىجەزىڭ تاتتى كىمنى ئۆزگۈرەمسەن مۇنداقمۇ؟ ئېيتىپ باققىن قېرىندىشىم يىگىت شۇنداق بولامدۇ؟
جان بېقىشلا سېنىڭ غايەڭ ئۇندىن باشقا غېمىڭ يوق، جان باقساڭغۇ مەيلى ئىدى يۆلىمىسە جېنىڭ يوق. ئىش قىلىشقا بارماس رايىڭ، تۇتاي دېسە سېپىڭ يوق، ئاتا-ئانام باقار مېنى دەردىن باشقا گېپىڭ يوق، نېسىۋەڭنى خەققە بېرىپ يۈرگەن بارمۇ مۇنداقمۇ؟ ئېيتىپ باققىن قېرىندىشىم يىگىت شۇنداق بولامدۇ؟
"كىملەر ئىدۇق، كىم بولدۇم" دەرگە قىلچە ئەقلىڭ يوق، بوۋاڭ سالغان ئىزنى بويلاپ دەش-باياۋان ئاشقىڭ يوق. ساختا سۆيگۈ،كەيپى-ساپا... ئىشىگىنى ياپقىڭ يوق، ئىتقادسىز ئۆتتى ئۆمۈرۈڭ ئوغۇل بالا داڭقىڭ يوق، ئەۋلادىڭمۇ دەيدۇ:ئاتام ئۆتەمدۇ ھەي...شۇنداقمۇ؟
ئېيتىپ باققىن قېرىندىشىم يىگىت شۇنداق بولامدۇ؟
قېنى سۆلكەت، سالاپىتىڭ؟ ئۇيغۇر ئوغلى دىگىم يوق، چىمەن دوپپاڭ نەدە قالدى، ھازىر كىمسەن بىلگىم يوق. ئۇيغۇر دىسەم سۆزۈڭ چانار تىلماچ ئىزدەپ يۈرگۈم يوق، قىلىقلىرىڭ چوكان مىجەز يېنىڭدا ھەم تۇرغۇم يوق، ۋارىسىمىز مانا مۇشۇ دەيمەن ئەمدى قانداقمۇ؟ ئېيتىپ باققىن قېرىندىشىم يىگىت شۇنداق بولامدۇ؟
ئەل بېشىغا كۈن چۈشكەندە ئەل ئارسىدا سايەڭ يوق، پوق-سۈدۈكتە ئېغناپ يۈردۈڭ قىلچىلىكمۇ غايەڭ يوق. بەلكى سېتىپ ئىمانىڭنى خەق ئۇرسىمۇ نالەڭ يوق، تولا ماختاپ رەقىبىڭنى قوشاق قوشۇپ ھالىڭ يوق، ئۆسۈمەن دەپ ئۆسەلمەي چىققان يېرىڭ قونداقمۇ؟ ئېيتىپ باققىن قېرىندىشىم يىگىت شۇنداق بولامدۇ؟
ئەمەس بولساڭ تۇزكوردىن سەندە قىلچە ئىۋەن يوق، يۈرمەس ئىدىڭ شۇ كەمگىچە بىرە خوتۇن-لىۋەن يوق.
ئاغرىنىسەن ھەر كىمدىن سەندىن ئۆزگى تىمەن يوق، باغۋەنلەردىن رەنجىمىگىن ئۆزەڭ شۇنداق مىۋەڭ يوق، تۆۋبە قىلغىن ،خەق دىمىسۇن: ساراڭ باركەن مۇنداقمۇ! ئېيتىپ باققىن قېرىندىشىم يىگىت شۇنداق بولامدۇ؟
ئۇيغۇرۇمنىڭ ۋارىسىسەن،بىزدە ئەمدى نادان يوق،
ئىلىم –پەننى قۇرال قىلماي ھەر ئىشىڭدا راۋان يوق. بۇغرا باسقان ئىزنى بويلا،سەن ئاشالماس داۋان يوق، جۈرئەت قىلساڭ سەپىرىڭنى توسايدىغان قاۋان يوق، ئىززەت-ھۆرمەت ،شانۇ-شەرەپ شۇندا قۇچاق ئاچماسمۇ؟
ئېيتىپ باققىن قېرىندىشىم يىگىت شۇنداق بولامدۇ؟
مەنبە:يازمام
بۇ يازمىنى ئاخىرىدا yanbulak تەھرىرلىگەن. ۋاقتى 2012-1-9 23:56
| 
يوللانغان ۋاقتى 
يوللانغان ۋاقتى 
