ئايرۇپىلان بېلىتى زاكاس قېلىش
(ھېكايە)
شېك(ئامىرىكا)
مەن كالىغۇرنىيەگە ئۈچىدىغان ئايرۇپىلان بېلىتىدىن ئىككىنى زاكاس قېلماقچىدىم،ـ ئايرۇپىلان بېلىتى سېتىش مەركىزىگە تېلېغۇن قېلىپ سوردۇم. ـ بولىدۇ،ئەپەندىم،ئەگەر سىز دۇشەنبىدىن جۈمە ئارلىقىغىچە بولغان ئايرۇپىلان بېلىتى سېتىۋالسىڭىز شۇنداقلا ئايرۇپىلاندا تاماكا چەكمەسلىككە كاپالەتلىك قىلالىسىڭىز باھادا ئېتىبار بېرىلىدۇ،ـ تېلېغۇن ئالغان قىزنىڭ ئاۋازى شۈنچىلىك تاتلىق ئىدى. ـ مەن تاماكا چەكمەسلىككە كاپالەتلىك قىلىمەن،قانچىلىك ئېتىبار بېرىلىدۇ؟ ـ سىز ئامرىكىلىق ھىندىئان مىللىتىمۇ؟ ـ ياق. ـ بەك ئەپسۇس ئەپەندىم،ئەگەر سىز ھىندىئان مىللىتى بولغان بولسىڭىز سەھەر سائەت تۆتنىڭ ئايرۇپىلانىنى زاكاس قىلسىڭىز باھانىڭ ئۈچتىن بىرىدە ئېتىبار بېرىلەتتى. ـ باشقا ئېتىبار بېرىش تۈرلىرى يوقمۇ؟ ـ ھىم،ئەگەر سىز توي قىلغىلى 50 يىل بولغان بولسا شۇنداقلا ئاجراشمىغان بولسىڭىز باھادا %20 ئېتىبار بېرىلىدۇ. ـ كەچۈرۈڭ،بۇ ماڭا ماس كەلمەيدىكەن،باشقا تۈرلەرچۇ؟ ـ يەنە بىر ئالاھىدە ئېتىبار بېرىش تۈرى بار.ئەگەر سىز نېرۋا تاشقى كېسەللىكلەر دوختۇرى بولسىڭىز باھادا %10 ئېتىبار بېرىلىدۇ. ھىم،بۇمۇ ماڭا ماس كەلمەيدىكەن. ـ يەنە بىر خىل بېلەت بار ئەپەندىم،دۇشەنبە كۈنى كەچتىن چارشەنبە كۈنى سەھەرنىڭ ئايرۇپىلانىغا ئولتۇرغان نامبىيە دۆلىتىنىڭ ئەلچى خادىملار ئايرۇپىلاندا ھەقسىز تاماقتىن بەھرىمان بولالايدۇ. ـ بۇمۇ بولمايدىكەن،مەن خانىمىم بىلەن ساياھەتكە بارماقچى. ـ بالدۇراق ئېيتسىڭىز بولمامدۇ؟ئەگەر خانىمىڭىز 21 ياشقا توشمىغان بولسا،ھەپتە ئارلىقىدىكى ئايرۇپىلانغا ئولتۇرساڭلار ئېتىبار باھادىن بەھرىمەن بولالايسىلەر.ئەلۋەتتە خانىمىڭىز ئىككى قات بولسا،ئىككىڭلار ئوخشاش بىر شىتاتقا بارساڭلار،سىلەر باردىغان شىتات ئىسمىدا ئو ھەرىپى بولمىسا باھادا %5 ئېتىبار بېرىلىدۇ. ـ قانداق شەرتلەر بۇ ،بۇ شەرتلەرمۇ بىزگە ماس كەلمەيدىكەن. ـ بىزدە باشقا ئېتىبار بېرىش باھالىرىمۇ بار،ئەگەر سىز لوسى ئوقۇش مۇكاپاتىغا ئېرىشكۈچى بولسىڭىز،باھانىڭ ئۈچتىن بىرىدە ئېتىبار بېرىلىدۇ. ـ بولدى ماڭا كالىغۇرنىيە شىتاتىغا بارىدىغان ئايرۇپىلان بېلىتىدىن ئىككىنى زاكاس قىلىپ بېرىڭ.ماڭا ئېتىبار بېلىتىنىڭ كېرىكى يوق،ـ دېدىم ئاخىرى تاقەت قىلالماي. ـ كەچۈرۈڭ ئەپەندىم،مەن ئەزەلدىن بۇنداق بېلەت سېتىپ باقمىغان،كېلىپ باشلىقىمىزنى ئىزدەڭ،ـ قارشى تەرەپ شۇنداق دېگىنىچە تېلغۇننى قويۋەتتى.
مەنبە: مۇتەللىپ ياقۇپ تەرجىمىسى
| 
يوللانغان ۋاقتى