ئانا -بىردۇنيا
پايانى يوق كەڭ دۇنيا ئانىنىڭ كۆڭلى،
ھەر پەسلى باھاردەك ياپ-يېشىل تۇرار. مېھىرىدىن بالقىغان گۈل- چىچەكلەردىن، شەربەتلىك مىۋىلەر پىششىپ،مەي تۇرار.
دەريادەك بىر دۇنيا ئانىنىڭ لەۋزى، قاغجىراق دىللارغا ئاقىدۇ كەۋسەر. ئەللەيلەپ ھېكمەتلىك چۆچەكلەر ئېيتسا ، ھاياتنىڭ سىرىدىن تامىدۇ جەۋھەر.
ئاتەشتەك بىر دۇنيا ئانىنىڭ قەلبى ، پەرزەنىتكە مىھرىنى تۇرۇدۇ چېچىپ. كۆيسىمۇ بىر ئۆمۈر قىلماس ھىچ مىننەت، بالام دەپ قانىتىن تۇرۇدۇ قېقىپ.
دىلىڭنى يورۇتارئانىنىڭ كۆزى، شەبنەمدە ياللىداپ چاقنىغان نۇردەك.
ئۇنىڭدا پەرزەنتچۈن تارتقان جاپانىڭ، بىلىنمەس ئىزناسى، نۇر چاچار دۇردەك.
شۇنداق بىر دۇنيادۇر ئانىنىڭ روھى، بولسىمۇ جۇد-جۇدۇن دائىما مەزمۇت. مۇستەھكەم ئابدە قەد كېرىپ تۇرار، باغلايمەن پەخرىم دەپ قىپ-قىزىل مەشۇت.
قوقاسقا ئېگىلسە ئانىنىڭ بىلى، ئازاپتىن قاخشايدۇ مۇكچەيگەن تېنى. سانچىلار يۈرەككە ھەر تامچە تەرى، ۋەلېكىن لەززەتدۇرھەر چىشلەم نېنى.
ئانىنىڭ ئالقىنى ھايات ئۇلىغا ، بىر تالىن-بىر تالىدىن تىزارخىش ھارماي. شۇ ھايان بېغىدا ئۆستۈرگەن گۈلنى، ئاسىراپ ھەم پەرۋىش قىلارھىچ تالماي. 2 كۆكسىدىن تۈنجى رەت تېتىغان ئوغۇز، مۇجەسسەم تۇرمۇشنىڭ لەززىتى گويا. پەرزەنتنىڭ ۋىلىقلاپ كۈلگەن كۈلكىسى، ئاناچۈن دۇنيانىڭ كۈلكىسى گويا.
بالىنىڭ قەغىشدىن يىغلىغان يېشى، دۇنيانىڭ يېشىدەك تۆكۈلۈپ تۇرار. مۇستەسنا شۇ ئانا يىغىدىن ئەمما، زارلانماس، شادلىقى شۇنچە كۆپ بولار.
گەر بەرسە پەرزەنتى بىر بۇردا ناننى، ئۇبېرەرئايىماي بارلىقى،جاننى. مۇجىزىگە ھامىلدار ئەللەيلىشى، يارىتار كېلەچەك سۇبىھى، تاڭنى. 3 ئانىنىڭ قۇچىقى پايانسىز يايلاق، مۇجەسسەم كائىنات بار-يوقى ئاڭا. دەيمەنغۇ يايلىسام بىر ئۆمۈر ئۇندا، قوزىدەك تاقلىسام باغرىڭدا ئانا.
مەنبە:قەلەم
بۇ يازمىنى ئاخىرىدا yanbulak تەھرىرلىگەن. ۋاقتى 2011-7-8 21:59
| 
يوللانغان ۋاقتى 2011-7-8 21:47
يوللانغان ۋاقتى 2011-7-8 22:39
