| شاتئاي
بىزنىڭ باشلىق شاتئاي،
دائىم تاماق تاللايدۇ.
"يىمەيمەن" ھەم "يەيمەن"دەپ،
قەرغىش قىلىپ يىغلايدۇ.
تاماقتىكى كۆكتاتنى،
ئىلغىۋېتىپ يىمەيدۇ.
سېغىز،كەمپۈت،چوكا مۇز،
قەن-گېزەكنى كۆپ يەيدۇ.
شۇڭا دائىم ئاغرىيدۇ،
بويى ئانچە ئۆسمىدى.
قىلسام شۇنچە نەسىھەت،
گېپىم پەقەت ئۆتمىدى .
ئىنتىزارغا:
قۇياش چىقتى تاڭ ئاتتى،
ئىنتىزار تېخى تۇرمايدۇ.
تۇرغىن دېسە ئابىدە،
گەپ ئاڭلىماي ئۇخلايدۇ.
تۇرۇپ بولۇپ مۈگدەيدۇ،
يا يۈزىنى يۇيمايدۇ.
كىيىمىنى كىيەلمەي،
يەنە غىڭشىپ يىغلايدۇ.
ئۆزى كىيگەن ئاياقنىڭ،
ئوڭ تەتۈرىنى ئۇقمايدۇ.
ھورۇنلۇقنى ئىنتىزار،
زادى قاچان تاشلايدۇ.
رەخمانجانغا:
رەخمانجان دېگەن شوخ يىگىت،
ئاغرىپ قالدى يۆتىلىپ.
سۇ ئاقىدۇ بۇرنىدىن،
كۆزلىرى ھەم قىزىرىپ.
سورىماستىن ئانىسىدىن،
ئويناپتىكەن ئەسلى ئۇ،
يەپتۇ مۇز ۋە قارنىمۇ،
ئىچىۋاپتۇ سوغۇق سۇ.
زۇكام بولۇپ قاپتىكەن،
دوختۇر دورا يىگۈزۈپتۇ.
ئوكۇل سېلىپ يانپىچىغا،
ئۇنى"ۋايجان"دېگۈزۈپتۇ .
138غا:
ئانا بولدى 138خان،
ئالتۇن چاچلىق قونچاققا.
ئېسىپ قويدى ئۇنىڭغا،
ياقۇت كۆزلۈك جۈپ ھالقا.
ئۇنى بۆلەپ بۆشۈككە،
"ئەللەي"ئېتىپ ئۇخلاتتى.
ئەتىگەندە"قوپە"دەپ ،
بوش پەپىلەپ ئويغاتتى.
| 
يوللانغان ۋاقتى 2011-7-8 13:23
